அப்பாவான சீமான்: புத்தாண்டில் சீமானுக்கு கிடைத்த புதிய சந்தோஷம்!

அப்பாவான சீமான்: புத்தாண்டில் சீமானுக்கு கிடைத்த புதிய சந்தோஷம்!

நாம் தமிழர் கட்சியின் தலைமை ஒருங்கிணைப்பாளர் சீமானுக்கு அழகான ஆண் குழந்தை பிறந்துள்ளது.

நாம் தமிழர் கட்சியின் தலைமை ஒருங்கிணைப்பாளர் சீமானுக்கும் மறைந்த முன்னாள் சபாநாயகர் காளிமுத்துவின் மகள் கயல்விழிக்கும் கடந்த 2013ம் ஆண்டு செப்டம்பர் மாதம் நந்தனம் ஒய்.எம்.சி.ஏ.திடலில் திருமணம் நடந்தது. தமிழர் தேசிய இயக்கத் தலைவர் பழ.நெடுமாறன் தலைமை தாங்கி இவர்களது திருமணத்தை நடத்தி வைத்துள்ளார்.

தமிழுக்கு அதிக முக்கியத்துவம் கொடுக்கும் சீமானின் திருமணம் தமிழ்முறைப்படி சீர்திருத்த முறையில் திருமணம் நடந்தது. அதோடு, அ என்ற எழுத்து பொறிக்கப்பட்ட தாலியை கயல்விழி கழுத்தில் சீமான் அணிவித்தார்.

தற்போது திருமணமாகி 5 ஆண்டுகள் ஆன நிலையில், சீமான் – கயல்விழி தம்பதியினருக்கு அழகான ஆண் குழந்தை பிறந்துள்ளது. சீமான் அப்பாவானதைத் தொடர்ந்து பல்வேறு அரசியல் கட்சி தலைவர்கள் அவருக்கு வாழ்த்து தெரிவித்து வருகின்றனர். புத்தாண்டின் தொடக்கத்தில் சீமானுக்கு கிடைத்த எல்லையில்லா மகிழ்ச்சியை நாம் தமிழர் கட்சியினரும் கொண்டாடி வருகின்றனர் என்பது குறிப்பிடத்தக்கது.

Leave a Comment

This site uses Akismet to reduce spam. Learn how your comment data is processed.