சிறை தண்டனையை எதிர்த்து பாலகிருஷ்ணா ரெட்டி தாக்கல் செய்த மேல்முறையீடு மனு தள்ளுபடி!

சிறை தண்டனையை எதிர்த்து பாலகிருஷ்ணா ரெட்டி தாக்கல் செய்த மேல்முறையீடு மனு தள்ளுபடி!

சென்னை சிறப்பு நீதிமன்றம் விதித்த 3 ஆண்டு சிறை தண்டனையை எதிர்த்து முன்னாள் அமைச்சா் பாலகிருஷ்ணா ரெட்டி சென்னை உயா்நீதிமன்றத்தில் தாக்கல் செய்த மேல்முறையீடு மனு தள்ளுபடி செய்யப்பட்டுள்ளது.

1998ம் ஆண்டில் கிருஷ்ணகிரி மாவட்டம் ஓசூா் அருகே நடைபெற்ற போராட்டத்தின் போது பேருந்து, காவல்துறை வாகனங்கள் மீது கல்வீசி தாக்கப்பட்டதாக 108 போ் மீது வழக்குப்பதிவு செய்யப்பட்டது. இவா்களில் 16 போ் மீது குற்றம் நிரூபிக்கப்பட்டது. தமிழக இளைஞா் நலன் மற்றும் விளையாட்டுத்துறை அமைச்சராக பொறுப்பு வகித்த பாலகிருஷ்ணா ரெட்டி மீதும் இந்த வழக்கில் குற்றம் நிரூபிக்கப்பட்டது.

இந்நிலையில் எம்.பி.க்கள், எம்.எல்.ஏ.க்கள் மீதான வழக்கை விசாரிக்கும் சிறப்பு நீதிமன்றமானது பாலகிருஷ்ணா ரெட்டி மீதான வழக்கை விசாரித்தது. இந்த வழக்கில் கடந்த சில தினங்களுக்கு முன்பு தீா்ப்பு வழங்கப்பட்டது. இதில், அமைச்சா் பாலகிருஷ்ணா ரெட்டிக்கு 3 ஆண்டுகள் சிறை தண்டனை விதித்து சிறப்பு நீதிமன்றம் உத்தரவிட்டது.

சிறப்பு நீதிமன்றத்தின் மூலம் ஒருவருக்கு இரண்டு ஆண்டுகளுக்கு மேல் சிறை தண்டனை வழங்கினால் அவா் பதவி இழக்க வேண்டும். அதன்படி, பாலகிருஷ்ணா ரெட்டி தனது சட்டப்பேரவை உறுப்பினா் பதவியையும், அமைச்சா் பதவியையும் ராஜினாமா செய்தார்.

இதனைத் தொடா்ந்து சிறப்பு நீதிமன்றத்தின் உத்தரவை எதிர்த்து பாலகிருஷ்ணா ரெட்டி சென்னை உயா்நீதிமன்றத்தில் மேல்முறையீட்டு மனு தாக்கல் செய்தார். இந்த மனு மீதான விசாரணை நேற்று நடந்துள்ளது. அப்போது, அவர் மீதான குற்றத்திற்கு சாட்சியம் அளித்த ஆதாரங்கள் தவிர, அவருக்கு எதிரான குற்றச்சாட்டுகள் நிரூபிக்க வேறு எந்த ஆதாரமும் இல்லை என்று ரெட்டி சார்பு வழக்கறிஞர் வாதாடினார்.

ஏற்கனவே சிறப்பு நீதிமன்றத்தில் ரெட்டி மீதான குற்றம் நிரூபிக்கப்பட்டுவிட்டதால் தான் அவருக்கு தண்டனை வழங்கப்பட்டுள்ளது. அப்படியிருக்கும் போது ரெட்டிக்கு ஆதரவாக ஏன் வாதாடுகிறீர்கள் என்று நீதிபதி கேள்வி எழுப்பினார்.

இதற்கு பதிலளித்த வழக்கறிஞர் முதல் அறிக்கையில் (FIR) தாக்கல் செய்யப்பட்ட ஆதாரங்களைக் கொண்டு தான், அவர் மீதான குற்றம் நிரூபிக்கப்பட்டுள்ளது என்று கூறியுள்ளார். எனினும், இந்த மேல்முறையீட்டு மனுவை தள்ளுபடி செய்ததோடு, அவருக்கு விதிக்கப்பட்ட தண்டனையை ரத்து செய்ய சென்னை உயர்நீதிமன்றம் மறுப்பு தெரிவித்து உத்தரவிட்டுள்ளது என்பது குறிப்பிடத்தக்கது.

Leave a Comment

This site uses Akismet to reduce spam. Learn how your comment data is processed.