மண்ணில் புதைக்கப்பட்ட ரூ.7.5 லட்சம்; அப்படியே அள்ளிச் சென்ற தேர்தல் பறக்கும் படை!

மண்ணில் புதைக்கப்பட்ட ரூ.7.5 லட்சம்; அப்படியே அள்ளிச் சென்ற தேர்தல் பறக்கும் படை!

தூத்துக்குடி மாவட்டம் கோவில்பட்டி அருகே உள்ள பீக்கிலிப்பட்டி பகுதியில் கலைமணி என்பவரின் தோட்டத்தில் பணம் பதுக்கி வைத்திருப்பதாக தேர்தல் பறக்கும் படைக்கு ரகசிய தகவல் கிடைத்தது.

உடனே சம்பவ இடத்திற்கு விரைந்து, அதிரடியாக சோதனை நடத்தினர். அதில், மரத்தின் அருகே மண்ணில் புதைக்கப்பட்டிருந்த ரூ.7.5 லட்சம் பணம் கண்டறியப்பட்டது. அதனைக் கைப்பற்றிய அதிகாரிகள், விளாத்திகுளம் உதவி தாசில்தார் ராஜ்குமாரிடம் ஒப்படைத்தனர்.

இது வாக்களிக்க பொதுமக்களுக்கு கொடுக்க வைக்கப்பட்டிருந்த பணமாக இருக்கும் என்று கூறப்படுகிறது. இதேபோல் எட்டயபுரம் கருப்பூர் பகுதியில் அந்தோணிசாமியின் பனை தோட்டம், கருப்பட்டி தயாரிக்கும் குடிசையில் பணம் பதுக்கி இருப்பதாக தேர்தல் அதிகாரிகளுக்கு தகவல் கிடைத்தது.

இதுகுறித்து நடத்திய சோதனையில் அட்டைப் பெட்டியில் இருந்த ரூ.68 லட்சத்து 50 ஆயிரம் பறிமுதல் செய்யப்பட்டது. மேலும் 49 மதுபாட்டில்களும் பறிமுதல் செய்யப்பட்டன. இதுகுறித்து தோட்டத்து உரிமையாளரிடம் விசாரணை நடைபெற்று வருகிறது.

திருச்செந்தூர் அருகே காயாமொழி சாலையில் வேகமாக சென்ற காரை அதிகாரிகள் நிறுத்த முயன்றனர். ஆனால் கார் வேகமாக சென்றது. அதனை விரட்டிச் சென்று சோதனை செய்ததில், ரூ.40 லட்சம் பறிமுதல் செய்யப்பட்டது.

Leave a Comment

This site uses Akismet to reduce spam. Learn how your comment data is processed.