தோஷம் கழிப்பதாகக் கூறி தங்க நகைகளை கொள்ளையடித்த போலி சாமியார்கள் கைது!-Samayam Tamil

தோஷம் கழிப்பதாகக் கூறி தங்க நகைகளை கொள்ளையடித்த போலி சாமியார்கள் கைது!-Samayam Tamil

சென்னையில் தோஷம் கழிப்பதாகக் கூறி, நகையைக் கொள்ளையடித்த இரு போலி சாமியார்களை நீலாங்கரை போலீசார் கைது செய்தனர்.

சென்னை கிழக்கு கடற்கரைச் சாலை நீலாங்கரை ஆசிரியர் காலனியில் வசிப்பவர் சந்திர பால்பாண்டியன் (65). அரசு வங்கியில் பணிபுரிந்து ஓய்வுபெற்றவர். முன் இவரது மூத்த மகன், கடந்த 5 ஆண்டுகளுக்கு முன், உடல்நிலை சரியில்லாமல் உயிரிழந்தார். இதை தாங்கமுடியாத குடும்பத்தினர், மகனின் உயிரிழப்பு உயிரிழப்பு குறித்து தெரிந்து கொள்ள திருவண்ணாமலைக்கு சென்று குறி கேட்டுள்ளனர். அப்போது அங்கிருந்த சாமியார்கள், அவருடைய விலாசத்தை பெற்றுக்கொண்டனர்.

சிலைக் கடத்தல் வழக்கில் தலைமறைவாக இருந்த பெண் 2 ஆண்டுகளுக்கு பின் கைது!

இந்நிலையில், கடந்த மாதம் 21-ம் தேதி, திருவண்ணாமலையை சேர்ந்த சாமியார்கள் 5 பேர், நீலாங்கரையில் உள்ள சந்திர பால்பாண்டியன் வீட்டுக்கு வந்து, உங்களது மகன் கனவில் தோன்றி, என் ஆத்மா சாந்தி அடையவில்லை. எனவே தனது வீட்டிற்கு சென்று பூஜை செய்து, எனது ஆத்மாவை சாந்தியடைய செய்யுங்கள்” என கூறியதாக அவரை நம்ப வைத்து, பின்னர் தோஷம் கழிக்க வேண்டும் என கூறினர்.

இதனை நம்பிய சந்திர பால்பாண்டியன் பூஜைக்கு தேவையான பொருட்களை வாங்கி கொடுத்தார். பின்னர் தங்க நகை வைத்து பூஜை செய்தால் அனைத்து தோஷங்களும் நிவர்த்தியாகிவிடும் என சாமியார்கள் கூறினர். அவரும் இதை நம்பி நான்கு சவரன் தங்க சங்கிலியை கொடுத்துள்ளனர். இதையடுத்து போலி சாமியார்கள் பூஜை செய்துவிட்டு 4 பவுன் நகை, ரூ. 1,000 ரூபாய் பணத்துடன் காரில் தப்பிச் சென்றனர்.

கொள்ளையர்களை தைரியமாக விரட்டியடித்த மூத்த தம்பதிக்கு போலீஸ் சூப்பிரண்டு பாராட்டு!

இதையத்து வீட்டின் உரிமையாளர், தான் ஏமாற்றப்பட்ட சம்பவம் குறித்து நீலாங்கரை காவல் நிலையத்தில் புகார் அளித்தார். அதன்பேரில் போலீசார் வழக்குப்பதிவு செய்து, தனிப்படை அமைத்து போலி சாமியார்களை தீவிரமாக தேடி வந்தனர்.

நீலாங்கரை, அடையார், போரூர், ஸ்ரீபெரும்புதூர் உள்ளிட்ட இடங்களில் சுமார் 60- க்கும் மேற்பட்ட சிசிடிவி கேமராக்களை ஆய்வு செய்தனர். போலி சாமியார்கள் பயன்படுத்திய வாகனத்தின் பதிவெண்ணை வைத்து விசாரித்தபோது, அரும்பாக்கம் பகுதியைச் சேர்ந்த ராம்ஜி என்பவரது பெயரில் இருந்தது. அவரை பிடித்து போலீசார் விசாரணை நடத்தியதில், காரை ஆறு மாதத்திற்கு முன்பு அண்ணாநகர் கார் ஷோரூமில் விற்பனை செய்ததும், வேலூர் காட்பாடியைச் சேர்ந்த செந்தில் வாங்கியதும் தெரியவந்தது.

சென்னையில் வடகிழக்கு மாநில இளைஞர்களை தாக்கும் வைரல் வீடியோ!!

இதையடுத்து அவரைப் பிடித்த தனிப்படை போலீஸார் அவரது உறவினரும் போலி சாமியாருமான திருவண்ணாமலையைச் சேர்ந்த ஜோசபை(67) கைது செய்தனர். ஜோசப் கைது செய்யப்பட்டதை அறிந்த உதயகுமார் (37) சென்னை அண்ணா சாலை அருகே காரில் தப்பிச் செல்வதை செல்போன் சிக்னல் மூலம் தெரிந்து கொண்ட போலீசார், சினிமா பாணியில் பைக்கில் காரை துரத்தி பிடித்து உதயகுமாரை கைது செய்தனர்.

அவர்களிடமிருந்து கார், 4 பவுன் தங்க நகை, பணம் ஆகியவற்றைப் பறிமுதல் செய்த போலீசார், இருவரையும் கைது செய்து, சிறையில் அடைத்தனர். மேலும் தலைமறைவாக உள்ள மூவரை தேடி வருகின்றனர்.

Leave a Comment

This site uses Akismet to reduce spam. Learn how your comment data is processed.