குட்டியை பிரிந்து சிறுத்தைப் புலியின் பாசப் போராட்டம்- அடுத்தடுத்து நடந்த ஆச்சரியங்கள்!-Samayam Tamil

குட்டியை பிரிந்து சிறுத்தைப் புலியின் பாசப் போராட்டம்- அடுத்தடுத்து நடந்த ஆச்சரியங்கள்!-Samayam Tamil

மகாராஷ்டிர மாநிலம் நாசிக் அருகே நிபாட் அடுத்த கஜர்வாடி கிராமத்தில், கடந்த சனிக்கிழமை அன்று சிறுத்தைப் புலி குட்டி ஒன்று கிணற்றில் தவறி விழுந்தது. இதைக் கண்ட பொதுமக்கள் உடனே வனத்துறையினருக்கு தகவல் கொடுத்தனர்.

சம்பவ இடத்திற்கு விரைந்து வந்த அவர்கள், குட்டியை மீட்கும் பணியில் ஈடுபட்டனர். கிணற்றுக்குள் கயிற்றை இறக்கி, அதில் குட்டியை ஏறச் செய்தனர். பின்னர் கயிற்றை மேலே இழுத்து, சிறுத்தைப் புலி குட்டியை பத்திரமாக மீட்டனர்.

Also Read:
மோடியும் அமித்ஷாவும் – அர்ஜூனர், கிருஷ்ணரா? ரஜினியை மடக்கிய ஒவைசி!

இதையடுத்து குட்டியை அதன் தாயுடன் சேர்த்து வைக்க, கடந்த 3 நாட்களாக வனத்துறையினர் தீவிரமாக முயற்சித்து வந்தனர். குட்டிக்கு மருத்துவ பரிசோதனை செய்து, உடல்நலத்தை உறுதிபடுத்திக் கொண்டனர்.

இதனைத் தொடர்ந்து தாய் சிறுத்தைப் புலி இருக்கும் இடத்தை கண்டறிந்தனர். அது அடிக்கடி வந்து செல்லும் இடத்திற்கு சென்று, அங்கு குட்டியை கூண்டில் வைத்து விட்டுச் சென்றனர்.

Also Read:
சுதந்திர தின நாளில் இப்படியொரு கவுரவம்; விங் கமாண்டர் அபிநந்தனுக்கு ‘வீர் சக்ரா’ விருது!

ஏனெனில் அங்கு வரும் தாய் புலி தனது குட்டியை அடையாளம் கண்டு, அதனுடன் மீண்டும் ஒன்றுசேர்ந்து விடும் என்று நம்பிக்கை கொண்டிருந்தனர். முதல் இரண்டு நாட்கள் குறிப்பிட்ட அந்த இடத்தில் வைக்கப்பட்டிருந்த கூண்டிற்கு அருகே தாய் புலி வந்து பார்த்தது.

பின்னர் உடனடியாக அங்கிருந்து புறப்பட்டுச் சென்றுள்ளது. இந்நிலையில் நேற்று மீண்டும் அந்த இடத்திற்கு தாய் சிறுத்தை புலி வருகையில், கூண்டின் கதவுகள் திறந்து வைக்கப்பட்டன.

Also Read:
சுதந்திர தினத்தையொட்டு நாடு முழுவதும் உச்சகட்ட பாதுகாப்பு!

இதனால் குட்டி சிறுத்தை புலியை பார்த்து, தாய் உற்சாகம் அடைந்தது. இதனையடுத்து குட்டியை அழைத்துக் கொண்டு, வனப்பகுதிக்குள் மகிழ்ச்சியாக சென்றது.

Leave a Comment

This site uses Akismet to reduce spam. Learn how your comment data is processed.