சூப்பர்! நிலவை நோக்கி பயணம் ‘ஸ்டார்ட்’ – பூமி வட்டப்பாதையில் இருந்து சந்திராயன் – 2 ‘எஸ்கேப்’!-Samayam Tamil

சூப்பர்! நிலவை நோக்கி பயணம் ‘ஸ்டார்ட்’ – பூமி வட்டப்பாதையில் இருந்து சந்திராயன் – 2 ‘எஸ்கேப்’!-Samayam Tamil

கடந்த மாதம் 22ஆம் தேதி, நிலவை ஆய்வு செய்வதற்காக ‘சந்திராயன் 2’ என்ற செயற்கைக்கோள் விண்ணில் செலுத்தப்பட்டது. 48 நாட்கள் பயணம் மேற்கொள்ளும் இந்த செயற்கைக்கோள், முதல் நாளில் 170 கி.மீ தூரம் கொண்ட சுற்றுவட்டப்பாதையில் தன்னை இணைத்துக் கொண்டது.

அதன்பிறகு பூமியை நீள்வட்டப் பாதையில் சுற்றி வரத் தொடங்கியது. இந்தப் பயணத்தில் படிப்படியாக வேகம் அதிகரிக்கப்பட்டது. இதையடுத்து பூமியின் சுற்றுவட்டப் பாதையில் இருந்து வெளியேறத் தொடங்கும்.

பின்னர் நிலவை நோக்கி பயணித்து, அதன் சுற்றுவட்டப் பாதையில் இணையும். இந்நிலையில் பூமியை சுற்றி வந்து, தனது 23 நாட்கள் பயணத்தை
சந்திராயன் 2
முடித்துக் கொண்டது.

Also Read:

வானில் தென்பட்ட அரிய நிகழ்வு; வியாழன் கோளை சீறிப் பாய்ந்து தாக்கிய விண்கல்!

அதன்படி, கொஞ்சம் கொஞ்சமாக பூமியின் சுற்றுவட்டப் பாதையில் இருந்து செயற்கைக்கோள் வெளியேறியது. இன்று அதிகாலை 2.21 மணியளவில் நிலவை நோக்கி சந்திராயன் 2 தனது பயணத்தை தொடங்கியது.

இதனை
இஸ்ரோ
விஞ்ஞானிகள் மிகவும் தீவிரமாக கண்காணித்து வந்தனர். தற்போது வெற்றிகரமாக திசை மாற்றப்பட்டு, நிலவை நோக்கி பயணத்தை தொடங்கியுள்ளது. அடுத்த 24 நாட்களில் சந்திராயன் 2 செயற்கைக்கோள் நிலவை அடையும்.

Also Read:

சந்திரயான் 2 நிலவில் தரையிறங்குவதை, பிரதமர் மோடியுடன் சேர்ந்து பார்ப்பதற்கு அரிய வாய்ப்பு!

அதாவது, வரும் செப்டம்பர் 6ஆம் தேதி நிலவின் சுற்றுவட்டப்பாதையில் போய் சேரும். அதன் பிறகு படிப்படியாக வேகம் குறைக்கப்படும். இதையடுத்து செப்டம்பர் 7ஆம் தேதி முதல் நிலவில் ஆய்வுகள் மேற்கொள்ளப்படும். இதுதொடர்பான தகவல்களை சந்திராயன் 2 பூமிக்கு அனுப்பி வைக்கும்.

Also Read:

‘சந்திராயன் 2’ படம்பிடித்த பூமியின் ஆச்சரிய புகைப்படங்கள்- இஸ்ரோ வெளியீடு!

Leave a Comment

This site uses Akismet to reduce spam. Learn how your comment data is processed.