Vivo S1 Online Sale: கேஷ்பேக் & ஜியோ சலுகைகளுடன் இந்திய விற்பனையை தொடங்கியது விவோ எஸ்1!-Samayam Tamil

Vivo S1 Online Sale: கேஷ்பேக் & ஜியோ சலுகைகளுடன் இந்திய விற்பனையை தொடங்கியது விவோ எஸ்1!-Samayam Tamil

விவோ
நிறுவனத்தின்
Vivo
S1 ஸ்மார்ட்போன் இன்று முதல் அதன் இந்திய ஆன்லைன் விற்பனையை தொடங்குகிறது. இம்மாத தொடக்கத்தில் அறிமுகமான இந்த ஸ்மார்ட்போனின் 4ஜிபி ரேம் மாடல் ஆனது, பிரபல இ-காமர்ஸ் தளங்களான ப்ளிப்கார்ட், அமேசான் மற்றும் விவோ இந்தியா இ-ஸ்டோர் வழியாக வாங்க கிடைக்கும். இதன் 6 ஜிபி ரேம் மாடலின் விற்பனையானது, இப்போது அல்ல, ஆனால் எதிர்காலத்தில் எப்போதாவது நிகழும் என்று அறிவிக்கப்பட்டுள்ளது.

புதிய விவோ எஸ் 1- ன் முக்கிய சிறப்பம்சங்களாக அதன் மீடியாடெக் ஹீலியோ பி 65 SoC, மூன்று பின்புற கேமரா அமைப்பில் இடம்பெற்றுள்ள 16 மெகாபிக்சல் முதன்மை சென்சார் மற்றும் 4,500 எம்ஏஎச் பேட்டரி ஆகியவைகளை கூறலாம். இந்த ஸ்மார்ட்போனிற்கு அறிவிக்கப்பட்டுள்ள விற்பனை சலுகைகள் என்ன? இந்த ஸ்மார்ட்போனின் முழுமையான அம்சங்கள் என்னென்ன? என்பதை அறிய தொடர்ந்து படிக்கவும்.

விலை நிர்ணயம் மற்றும் விற்பனை சலுகைகள்:

இந்தியாவில், விவோ எஸ் 1 ஸ்மார்ட்போனின் 4 ஜிபி ரேம் + 128 ஜிபி மாடலின் விலையானது ரூ.17,990/- என்று நிர்ணயிக்கப்பட்டுள்ளது. ஸ்கைலைன் ப்ளூ மற்றும் டயமண்ட் பிளாக் ஆகிய வண்ண விருப்பங்களில் கிடைக்கும் இந்த ஸ்மார்ட்போனை, எச்.டி.எஃப்.சி வங்கி டெபிட் மற்றும் கிரெடிட் கார்டு வழியாக ஈ.எம்.ஐ பரிவர்த்தனைகளின் கீழ் வாங்கினால் 7.5% கேஷ்பேக் கிடைக்கும். உடன் ரூ.10,000/- மதிப்பிலான ஜியோ சலுகைகளும் அணுக கிடைக்கும்.

அறிமுகமானது Samsung Galaxy A10s; 4000எம்ஏஎச் பேட்டரி; சூப்பர் பட்ஜெட் விலை; வேறென்ன வேண்டும்?

ஆஃப்லைன் விற்பனை:

இதன் 4 ஜிபி ரேம் மாடல் ஆனது ஏற்கனவே ரிலையன்ஸ் டிஜிட்டல், பூர்விகா, பிக் சி, லாட், சங்கீதா, க்ரோமா மற்றும் விஜய் சேல் போன்ற ஆஃப்லைன் கடைகளின் வழியாகவும் வாங்க கிடைக்கிறது என்பது குறிப்பிடத்தக்கது.

இதர மெமரி வேரியண்ட்களின் விலை:

நினைவுகூறும் வண்ணம், விவோ எஸ்1 ஸ்மார்ட்போனின் 6 ஜிபி ரேம் + 64 ஜிபி மாடல் ஆனது ரூ.18,990/-க்கும், அதன் 6 ஜிபி ரேம் + 128 ஜிபி மாடல் ஆனது ரூ.19.990/-க்கும் அறிமுகமானது. இந்த இரண்டு வகைகளின் கிடைக்கும் தன்மை பற்றிய விவரங்கள் எதுவும் வெளியாகவில்லை.

Realme 3i: இன்று முதல் இந்திய விற்பனையை தொடங்கும் ரியல்மி 3ஐ: விலை & அம்சங்கள்!

விவோ எஸ்1 அம்சங்கள்:

இந்த ஸ்மார்ட்போன் 6.38 இன்ச் அளவிலான ஃபுல் எச்டி+ (1080×2340 பிக்சல்கள்) சூப்பர் AMOLED டிஸ்ப்ளேவை கொண்டுள்ளது. இது MediaTek Helio P65 MT6768 SoC உடன் இணைக்கப்பட்டுள்ளது. மெமரி வேரியண்ட்களை பொறுத்தவரை, 4 ஜிபி ரேம் + 128 ஜிபி, 6 ஜிபி ரேம் + 64 ஜிபி மற்றும் 6 ஜிபி ரேம் + 128 ஜிபி என்கிற மூன்று வகைகளாக அறிமுகமாகியுள்ளது.

கேமராத்துறை:

இன்-டிஸ்ப்ளே கைரேகை சென்சாரை கொண்டுள்ள விவோ எஸ்1 ஆனது f / 1.78 லென்ஸ் உடனான 16MP முதன்மை கேமரா + f/ 2.2 wide-angle லென்ஸ் உடனான 8MP இரண்டாம் நிலை கேமரா + f/2.4 லென்ஸ் உடனான 2MP மூன்றாம் நிலை கேமரா என்கிற மூன்று கேமரா அமைப்பை அதன் பின்புறத்தில் கொண்டுள்ளது. முன்பக்கத்தில், f/ 2.0 லென்ஸ் உடனான 32MP அளவிலான செல்பீ கேமரா உள்ளது.

வாட்ஸ்ஆப்பில் அறிமுகமானது FingerPrint Lock அம்சம்; Enable செய்வது எப்படி?

இதர அம்சங்கள்:

இந்த ஸ்மார்ட்போன் Live photo, AI super wide-angle, portrait mode, AR Stickers மற்றும் AI Face Beauty போன்ற பல கேமரா அம்சங்களையும் தன்னுள் கொண்டுள்ளது. ஒரு 4,500mAh பேட்டரி மூலம் சக்தியூட்டப்படுகிறது. இணைப்பு விருப்பங்களை பொறுத்தவரை, வைஃபை 2.4G + 5G, ப்ளூடூத் v5.0, GPS/ A-GPS மற்றும் USB OTG ஆதரவு கொண்ட Micro-USB ஆகியவைகளை கொண்டுள்ளது.

Leave a Comment

This site uses Akismet to reduce spam. Learn how your comment data is processed.