காதலை அத்துவிடுவதில் உங்களுக்கு அப்படி என்ன சந்தோஷம் பிக் பாஸ்?-Samayam Tamil

காதலை அத்துவிடுவதில் உங்களுக்கு அப்படி என்ன சந்தோஷம் பிக் பாஸ்?-Samayam Tamil

பிக் பாஸ் 3 வீட்டில் இருக்கும் தர்ஷனும், ஷெரினும் நட்பாகத் தான் பழகுகிறார்கள். எங்களுக்கு இடையே நட்பை தவிர வேறு எதுவும் இல்லை என்று அவர்களே தெரிவித்துள்ளனர். ஆனால் இது நட்பு அல்ல அதையும் தாண்டி என்று வனிதா பிட்டு போட்டுக் கொண்டிருக்கிறார்.

தர்ஷனுக்கும், ஷெரினுக்கும் இடையே ஒரு வேலை ஃபீலிங்ஸ் இருக்கிறதோ என்று பார்வையாளர்கள் சிலருக்கு சந்தேகம் எழுந்துள்ளது. தர்ஷனை பற்றி எனக்குத் தெரியும், அவர் மீது நம்பிக்கை உள்ளது என்று அவரின் காதலியும், நடிகையுமான சனம் ஷெட்டி கூறி வந்தார்.

இந்நிலையில் இனி நான் தர்ஷன் வாழ்வில் இல்லை. அவரும், ஷெரினும் எது வேண்டுமானாலும் செய்யட்டும் என்று கூறி அழுதபடி வீடியோ வெளியிட்டுள்ளார் சனம். அவர் வீடியோ வெளியிட்ட விஷயம் தர்ஷனுக்கு தெரியாது என்று தான் கருதப்படுகிறது.

கடந்த சீசனில் பிக் பாஸ் வீட்டில் இருந்தபோது மகத்துக்கும், யாஷிகாவுக்கும் இடையே காதல் ஏற்பட்டது. இதை பார்த்த மகத்தின் காதலியான பிராச்சி கடுப்பாகி அவரை விட்டு பிரிவதாக அறிவித்தார். காதலி இருந்தாலும் யாஷிகா மீது ஃபீலிங் உள்ளது என்று மகத் ஒப்புக் கொண்டதால் தான் பிராச்சி அப்படி ஒரு முடிவை எடுத்தார்.

பிக் பாஸ் வீட்டில் இருந்து வெளியே வந்த பிறகு மகத் பிராச்சியை சந்தித்து பேசி, சமாதானம் செய்து காதலை புதுப்பித்தார். தற்போது அவர்களுக்கு இடையே பிரச்சனை இல்லை. தர்ஷனும் வெளியே வந்த பிறகு சனம் ஷெட்டியை சமாதானம் செய்வாரா என்பதை பொறுத்திருந்து பார்ப்போம்.

ஒவ்வொரு சீசனிலும் காதலனை வேறு ஒரு பெண்ணுடன் கோர்த்துவிட்டு வெளியே இருக்கும் காதலியை கண்ணீர் விட வைக்கிறார் பிக் பாஸ். ஒரு காதலை அத்துவிட்டு வேடிக்கை பார்ப்பதில் பிக் பாஸுக்கு அப்படி என்ன சந்தோஷமோ என்று பார்வையாளர்கள் கேள்வி எழுப்பியுள்ளனர்.

கவினுக்கும் வெளியே காதலி இருப்பதாக வனிதா தெரிவித்தார். ஆனால் அந்த பெண் கவின்-லாஸ்லியா காதல் பற்றி இதுவரை எதுவும் தெரிவிக்கவில்லை. ஒரு வேளை கவின் வெளியே வந்த பிறகு காதலை முறிக்கலாம் என்று காத்திருக்கிறாரோ என்னவோ?

Leave a Comment

This site uses Akismet to reduce spam. Learn how your comment data is processed.