IRCTC Reservation: பொங்கலுக்கு ஊருக்குப் போறீங்களா? இன்று தொடங்கும் ரயில் டிக்கெட் முன்பதிவு!-Samayam Tamil

IRCTC Reservation: பொங்கலுக்கு ஊருக்குப் போறீங்களா? இன்று தொடங்கும் ரயில் டிக்கெட் முன்பதிவு!-Samayam Tamil

பண்டிகை காலங்களில் சொந்த ஊருக்குச் சென்று, உறவுகளோடு கொண்டாடி மகிழ்வதில் தான் எத்தனை மகிழ்ச்சி. அதுவும் தீபாவளி, பொங்கல் ஆகியவை தமிழர்களின் மிக முக்கிய பண்டிகைகள் ஆகும்.

பிழைப்பிற்காக வெளியூர்களுக்கு வேலை தேடிச் சென்று, அங்கேயே தொடர்ந்து வசிக்கும் சூழல் ஏற்படுகிறது. எனவே பண்டிகை வந்துவிட்டால், உடனே மூட்டை முடிச்சுகளுடன் ஊருக்குக் கிளம்பிச் செல்வதில் மிகுந்த ஆர்வம் காட்டுகின்றனர்.

2020 பொங்கலுக்கு இவ்வளவு நாள் விடுமுறையா… தமிழக அரசு ஊழியர்களுக்கு செம ஜாலி!!

2020ஆம் ஆண்டு பொங்கல் திருவிழாவிற்கு இப்போதே தயாராகுங்கள் என்று ரயில்வே நிர்வாகம் அழைப்பு விடுத்துள்ளது. அதாவது, பொங்கலுக்கு ஊருக்குச் செல்வதற்கான ரயில் டிக்கெட் முன்பதிவு இன்று முதல் தொடங்குகிறது.

ரயில் டிக்கெட் முன்பதிவைப் பயணம் செல்வதற்கு 120 நாட்களுக்கு முன்பாகவே செய்து கொள்ளலாம். அதன்படி, வரும் அடுத்த ஆண்டு ஜனவரி 10ல் பயணம் செய்ய இன்று(செப்டம்பர் 12) முன்பதிவு செய்யலாம்.

மிக்சி, கிரைண்டரை ஃப்ரீயா தந்த கவர்மென்ட்டால இதை இலவசமா தர முடியாதா?

இன்று காலை சரியாக 8 மணி முதல் ரயில் டிக்கெட்களை முன்பதிவு செய்யத் தொடங்கலாம். இதேபோன்று ஜனவரி 11, 2020கான முன்பதிவு செப்டம்பர் 13, ஜனவரி 12, 2020கான முன்பதிவு செப்டம்பர் 14, ஜனவரி 13, 2020கான முன்பதிவு செப்டம்பர் 15 ஆகிய தேதிகளில் டிக்கெட் முன்பதிவு செய்து கொள்ளலாம்.

அடுத்த ஆண்டு பொங்கல் திருவிழா ஜனவரி 14ஆம் தேதி தொடங்குகிறது. இந்த நாளுக்குச் செப்டம்பர் 16ஆம் தேதி டிக்கெட் முன்பதிவு செய்யலாம். பொங்கல் பண்டிகையைச் சிறப்பாகக் கொண்டாடி விட்டு, மீண்டும் ஊர் திரும்ப ஜனவரி 17, 2020கான முன்பதிவு செப்டம்பர் 19, ஜனவரி 18, 2020கான முன்பதிவு செப்டம்பர் 20, ஜனவரி 19, 2020கான முன்பதிவு செப்டம்பர் 21 ஆகிய தேதிகள் முன்பதிவு செய்து கொள்ளலாம்.

’மரணத்தை அஞ்சாத கவிச்சிங்கம் பாரதி’- எள்ளுப் பேரன் சமயம் தமிழுக்கு சிறப்பு பகிர்வு!

பண்டிகை கால ரயில் டிக்கெட் முன்பதிவு காலை 8 மணிக்குத் தொடங்கிய, அடுத்த சில நிமிடங்களில் முடிந்துவிடும் என்பது குறிப்பிடத்தக்கது. எனவே பயணிகள் இதற்கு ஏற்ற வகையில் தயாராக இருக்க வேண்டும்.

Leave a Comment

This site uses Akismet to reduce spam. Learn how your comment data is processed.