இந்தியா-சுவிட்சர்லாந்து இடையே மூன்று ஒப்பந்தங்கள் கையெழுத்து

இந்தியா-சுவிட்சர்லாந்து இடையே மூன்று ஒப்பந்தங்கள் கையெழுத்து

பேர்ன்,
இந்திய ஜனாதிபதி ராம் நாத் கோவிந்த், ஐஸ்லாந்து, சுவிட்சர்லாந்து மற்றும் ஸ்லோவேனியா ஆகிய மூன்று நாடுகளுக்கு சுற்றுப் பயணம் மேற்கொண்டுள்ளார். கடந்த ஞாயிற்றுக்கிழமை (8 ஆம் தேதி) தனது சுற்றுப் பயணத்தை துவங்கிய அவர் ஐஸ்லாந்தில் இருதரப்பு ஒப்பந்தங்களை நிறைவேற்றிய பிறகு நேற்று  சுவிட்ஸர்லாந்து சென்றார்.

அவரை சுவிட்சர்லாந்து ஜனாதிபதி உவேலி மௌரர் வரவேற்றார். பின்னர் இரு நாடுகளுக்கும் இடையே மூன்று ஒப்பந்தங்கள் கையெழுத்தாகின.இது குறித்து தனது டுவிட்டர் பக்கத்தில் ராம் நாத் கோவிந்த் பதிவிட்டுள்ளார்.
அதில், “இந்தியா-சுவிட்சர்லாந்து இடையே மூன்று ஒப்பந்தங்கள் கையெழுத்தாகியுள்ளன: 1. பருவநிலை மாற்றம் குறித்த தொழில்நுட்ப ஒத்துழைப்பு  2. அறிவியல் மற்றும் தொழில்நுட்ப கூட்டணி அமைப்பது  3.லாசேன் பல்கலைக்கழகத்தில் இந்தி மொழிக்கான அமர்வை புதுப்பித்தல்” என்று பதிவிட்டுள்ளார்.
இந்த சந்திப்பின் போது பொருளாதார மற்றும் தொழில்நுட்ப உறவுகளை மேம்படுத்துவது என்று இரு நாட்டு தலைவர்களும் உறுதியளித்தனர். மேலும் இந்தியாவிற்கு அச்சுறுத்தலாக விளங்கும் தீவிரவாதத்தை ஒழிக்க தனது முழு ஒத்துழைப்பை வழங்குவதாக சுவிட்சர்லாந்து அரசு தெரிவித்துள்ளது.
ஜனாதிபதி ராம் நாத கோவிந்த் தனது சுற்றுப்பயணத்தின் இறுதியாக நாளை ஸ்லோவேனியாவிற்கு செல்கிறார்.  செப்டம்பர் 17 ஆம் தேதி தனது சுற்றுப்பயணத்தை நிறைவு செய்து கொண்டு இந்தியா திரும்புகிறார்.
 

Leave a Comment

This site uses Akismet to reduce spam. Learn how your comment data is processed.