Motorola One Macro: ரெட்மியை வீழ்த்தும் விலை & அம்சங்களுடன் இந்திய அறிமுகம்!-Samayam Tamil

Motorola One Macro: ரெட்மியை வீழ்த்தும் விலை & அம்சங்களுடன் இந்திய அறிமுகம்!-Samayam Tamil

மோட்டோரோலா நிறுவனம், இந்தியாவில் கடந்த சில மாதங்களாக தொடர்ந்து அதன் ஸ்மார்ட்போன்களை அறிமுகப்படுத்தி வருகிறது. அந்த வேகத்தைத் தொடர்ந்து,
மோட்டோரோலா ஒன் மேக்ரோ
ஸ்மார்ட்போன் இன்று அறிமுகப்படுத்தப்பட்டுள்ளது.

ரூ.9,999 என்கிற பட்ஜெட் பிரிவின் கீழ் வெளியாகியுள்ள மோட்டோரோலா ஒன் மேக்ரோ ஸ்மார்ட்போன் ஆனது அதன் பெயர் குறிப்பிடுவதை போல ஒரு மேக்ரோ கேமராவை கொண்டுள்ளது. இது அற்புதமான க்ளோஸ்-அப் ஷாட்களை வழங்கும் என்று எதிர்பார்க்கப்படுகிறது.

எப்போது முதல், எதன் வழியாக வாங்க கிடைக்கும்?

வருகிற அக்டோபர் 12 முதல் பிரபல இ-காமர்ஸ் தளமான ஃப்ளிப்கார்ட் வழியாக வாங்க கிடைக்கும் இந்த ஸ்மார்ட்போனை நம்பி வாங்கலாமா? ரெட்மி 8 மற்றும் ரியல்மி 5 போன்றவைகளுடன் ஒப்பிடும் போது, இது பெஸ்ட் ஸ்மார்ட்போனாக இருக்குமா? வாருங்கள் இதன் அம்சங்களை அலசி ஆராய்ந்த பின் ஒரு முடிவுக்கு வருவோம்!

சிறப்பு அம்சங்கள் என்னென்ன?

மோட்டோரோலா ஒன் மேக்ரோ ஸ்மார்ட்போனின் பெயர் குறிப்பிடுவதுபோல், இது மோட்டோரோலாவிலிருந்து வரும் ஆண்ட்ராய்டு ஒன் தொடர் ஸ்மார்ட்போனின் ஒரு பகுதியாகும். சுவாரசியமாக இது மிகவும் மலிவு விலையில் அறிமுகம் ஆகியுள்ளது.

Jio Alert: சமீபத்தில் “இந்த” ஜியோ மெசேஜ் வந்ததா? க்ளிக் செய்யாதீர்கள்! ஏனெனில்?

வேற லெவல் க்ளோஸ் அப்!

நிறுவனத்தின் படி, ஒன் மேக்ரோ ஆனது புகைப்படக் கலைஞர்களுக்கான ஒரு ஸ்மார்ட்போனாக இருக்கும், பொருட்கள் உடனான நெருக்கமான புகைப்படைகளை எடுக்க அனுமதிக்கும்.

மேலும் மோட்டோரோலா கூறுகையில், இதன் மேக்ரோ கேமரா ஆனது உங்களை 2 செ.மீ என்கிற அளவிலானஅருகாமை வரை கொண்டு செல்லும், போகஸ் செய்யும். இதன் விளைவாக வழக்கமான ஸூம் கேமராவை விட அதிக விவரங்கள் உங்களுக்கு கிடைக்கும்.

மற்ற கேமராக்கள் பற்றி?

மேக்ரோ கேமராவைத் தவிர, மோட்டோரோலா ஒன் மேக்ரோ ஸ்மார்ட்போனின் பின்புறத்தில் 13 மெகாபிக்சல் அளவிலான பிரதான கேமராவும், உடன் போர்ட்ரெயிட் மோட் புகைப்படங்களுக்கான 2 மெகாபிக்சல் அளவிலான டெப்த் கேமராவும் உள்ளது.

முன் பக்கத்தை பொறுத்தவரை, ஒரு 8 மெகாபிக்சல் அளவிலான செல்பீ கேமரா உள்ளது. இதிலும் போர்ட்ரெயிட் உருவப்படம் மோட் உட்பட பல்வேறு AI கேமரா அம்சங்கள் உள்ளன.

Redmi 8: பட்ஜெட் விலை ஆனால் ப்ரீமியம் அம்சங்கள்; ஆளுக்கு ரெண்டு வாங்கலாம் போல!

மற்ற அம்சங்கள் பற்றி?

கேமரா அம்சங்கள் மட்டுமே ஒரு ஸ்மார்ட்போனை சிறந்த ஸ்மார்ட்போனாக மாற்றி விடாது என்பதை நாங்கள் அறிவோம். மோட்டோரோலா ஒன் மேக்ரோ ஆனது சில அட்டகாசமான அம்சங்களையும் கொண்டுள்ளது, உடன் பட்ஜெட் ஸ்மார்ட்போனாகவும் உள்ளது.

டிஸ்பிளே பற்றி?

இது 6.2 இன்ச் அளவிலான எச்டி+ டிஸ்ப்ளேவை கொண்டுள்ளது. இது 82 சதவீத ஸ்கிரீன்-டு-பாடி விகிதத்தை வழங்குகிறது. இதன் டிஸ்ப்ளே மெல்லிய பெஸல்களை கொண்டுள்ளது மற்றும் மேலே ஒரு வாட்டர் டிராப் நாட்ச வடிவமைப்பையும் பெற்றுள்ளது.

ப்ராசஸர் மற்றும் மெமரி பற்றி?

மோட்டோரோலா ஒன் மேக்ரோ ஆனது மீடியாடெக் ஹீலியோ பி 70 சிப்செட் கொண்டு இயங்குகிறது, இது 4 ஜிபி ரேம் மற்றும் 128 ஜிபி அளவிலான உள்ளடக்க சேமிப்பகத்துடன் இணைக்கப்பட்டுள்ளது. இது ஆண்ட்ராய்டு 9 பை ஸ்டாக் வெர்ஷன் அடிப்படையிலான மோட்டோ எக்ஸ்பீரியன்ஸ் உடன் வருகிறது.

பேட்டரி மற்றும் பாஸ்ட் சார்ஜிங் பற்றி?

மேலும் இந்த புதிய மோட்டோரோலா ஸ்மார்ட்போன் ஆனது ஒரு பெரிய 4000 எம்ஏஎச் பேட்டரி மூலம் சக்தியூட்டப்படுகிறது, இது 10W பாஸ்ட் சார்ஜிங்கிற்கான ஆதரவையும் கொண்டுள்ளது.

இந்த மோட்டோரோலா ஸ்மார்ட்போனுடன் 10W ஃபாஸ்ட் சார்ஜரும் வருகிறது. மேலும், இந்த ஸ்மார்ட்போன் சார்ஜ் செய்ய யூ.எஸ்.பி-சி போர்ட்டைப் பயன்படுத்துகிறது.

WhatsApp-ல் இணைந்த Theme Settings; Dark Mode உட்பட 3 புதிய விருப்பங்கள் அறிமுகம்!

வண்ண விருப்பங்கள் பற்றி?

வண்ண விருப்பங்களை பொறுத்தவரை, மோட்டோரோலா ஒன் மேக்ரோ ஆனது ஸ்பேஸ் ப்ளூ வேரியண்ட்டில் மட்டுமே கிடைக்கிறது. முன்னரே கூறியபடி இது அக்டோபர் 12 முதல் ஃப்ளிப்கார்ட்டில் விற்பனைக்கு வரும்.

அறிமுக சலுகைகள் பற்றி?

வெளியீட்டு சலுகையின் ஒரு பகுதியாக, ரிலையன்ஸ் ஜியோவிலிருந்து ரூ.2,200 மதிப்பிலான கேஷ்பேக் மற்றும் 125 ஜிபி அளவிலான டேட்டா போன்றவைகள் அறிவிக்கப்பட்டுள்ளது.

Leave a Comment

This site uses Akismet to reduce spam. Learn how your comment data is processed.