Vivo V20: எதிர்பார்த்ததை விட கம்மி விலை; இதுக்கு மேல வேற என்ன வேணும்?

விவோ நிறுவனத்தின் வரவிருக்கும் புதிய ஸ்மார்ட்போனான விவோ வி20 மாடலின் இந்திய விலை நிர்ணயம் லீக் ஆகியுள்ளது. அக்டோபர் 13 ஆம் தேதி ஆம் தேதி நடக்கும் அதன் அதிகாரப்பூர்வ அறிமுகத்திற்கு சற்று முன்னதாக இந்த தகவல் வெளியாகியுள்ளது என்பதும் குறிப்பிடத்தக்கது.

Redmi Note 10 : இனிமே இது பட்ஜெட் போன் இல்ல; 108MP கேமராவுடன் மிரட்ட போகுது!

கடந்த மாதம் தாய்லாந்தில் நடந்த ஒரு நிகழ்வில் இந்த லேட்டஸ்ட் விவோ ஸ்மார்ட்போன் உலகளவில் வெளியிடப்பட்டது. உடன் விவோ வி 20 ப்ரோ ஸ்மார்ட்போனும் வெளியானது. இருப்பினும், அதன் விவரக்குறிப்புகள் சில வாரங்களுக்கு முன்பே வெளியானது.

OnePlus Nord ஸ்பெஷல் எடிஷன்: அக்.16-இல் ஒரு தரமான சம்பவம் இருக்கு!

விவோ வி 20 ஆண்ட்ராய்டு 11 ஓஎஸ் (அவுட்-ஆஃப்-பாக்ஸ்) கொண்டு இயங்குகிறது மற்றும் குவால்காம் ஸ்னாப்டிராகன் 720 ஜி SoC உடன் வருகிறது. இந்த ஸ்மார்ட்போன் டிரிபிள் ரியர் கேமராக்களையும் பேக் செய்கிறது மற்றும் வாட்டர் டிராப்-ஸ்டைல் டிஸ்ப்ளே நாட்ச் வடிவமைப்பையும் கொண்டுள்ளது. கூடுதலாக, விவோ வி 20 ஸ்மார்ட்போன் 33W பாஸ்ட் சார்ஜிங் ஆதரவுடன் வருகிறது.

இந்தியாவில் விவோ வி 20 ஸ்மார்ட்போனின் (எதிர்பார்க்கப்படும்) விலை:

டிப்ஸ்டர் இஷான் அகர்வால் ட்வீட்டின்படி விவோ வி20 ஸ்மார்ட்போனின் இந்திய விலை நிர்ணயம் ரூ.24,000 இருக்கும். அதாவது இது ரூ.20,000 முதல் ரூ.30,000 க்குள் என்கிற விலை நிர்ணயத்திற்க்குள் வெளியாகும்.

இதன் முன்னோடிகளான விவோ வி 19 ஸ்மார்ட்போன் நாட்டில் கடந்த மே மாதத்தில் ரூ.27,990 க்கு அறிமுகமானதும், பின்னர் ஜூலை மாதத்தில் அது ரூ.24,990 ஆக குறைந்ததும் இங்கே குறிப்பிடத்தக்கது.

விவோ வி 20 ஸ்மார்ட்போனின் அம்சங்கள் மற்றும் விவரக்குறிப்புகள்:

இந்திய அறிமுகத்தையொட்டி, விவோ நிறுவனம் ஏற்கனவே அதன் விவோ வி 20 ஸ்மார்ட்போனின் முழு விவரக்குறிப்புகளை வெளியிட்டுவிட்டது. அதன்படி விவோ வி 20 ஸ்மார்ட்போன் ஆனது 6.80 இன்ச் புல் எச்டி + அமோலேட் டிஸ்ப்ளே, 1080 x 2400 பிக்சல்கள் தீர்மானம், 2.2GHz ஸ்னாப்டிராகன் 720 ஜி ப்ராசஸர், 8 ஜிபி ரேம் மற்றும் 128 ஜிபி ஆன் போர்டு ஸ்டோரேஜ் போன்ற பிரதான அம்சங்களை கொண்டிருக்கும்.

மேலும் இது 4,000 mAh திறன் கொண்ட பேட்டரி உடனாக 33W பாஸ்ட் சார்ஜிங் ஆதரவினையும் கொண்டிருக்கும். முன்னரே குறிப்பிட்டபடி இது ஆண்ட்ராய்டு 11 ஓஎஸ்-ஐ அடிப்படையாகக் கொண்ட ஃபன்டச் ஓஎஸ் 11 மூலம் இயக்கப்படும். பாதுகாப்புக்காக, இந்த ஸ்மார்ட்போனில் இன்-டிஸ்ப்ளே கைரேகை சென்சார் மற்றும் ஃபேஸ் அன்லாக் அம்சங்கள் உள்ளன.

கேமராக்களை பொறுத்தவரை, விவோ வி 20 ஸ்மார்ட்போனில் ஒரு ட்ரிபிள்-கேமரா அமைப்பு இடம்பெறும். அதில் 64 மெகாபிக்சல் முதன்மை சென்சார் (எஃப் / 1.89 லென்ஸ்) + 8 மெகாபிக்சல் செகண்டரி சென்சார் (எஃப் / 2.2 அல்ட்ரா-வைட்-ஆங்கிள் லென்ஸ்) + 2 மெகாபிக்சல் மோனோக்ரோம் சென்சார் (எஃப் / 2.4 லென்ஸ்) ஆகியவைகள் இடம்பெறும். முன்பக்கத்தை பொறுத்தவரை, ஒரு 44 மெகாபிக்சல் செல்பீ சென்சார் இருக்கும். அது எஃப் / 2.0 லென்ஸுடன் வாட்டர் டிராப் நாட்ச் வடிவமைப்பில் வைக்கப்பட்டுருக்கும்.

கடைசியாக விவோ வி 20 ஸ்மார்ட்போன் ஆனது சன்செட் மெலடி, மிட்நைட் ஜாஸ் மற்றும் மூன்லைட் சொனாட்டா உள்ளிட்ட மூன்று வெவ்வேறு வண்ண விருப்பங்களில் வாங்க கிடைக்கும். இந்த ஸ்மார்ட்போன் அளவீட்டில் வெறும் 7.38 மிமீ மெல்லியதாகவும் 171 கிராம் எடையுள்ளதாகவும் இருக்கும்.

Leave a Comment

This site uses Akismet to reduce spam. Learn how your comment data is processed.