ஐபோன் 12 மினி & ஐபோன் 12 சீரிஸ்: டிஸ்பிளே, கேமரா, பேட்டரி விவரங்கள்!

டூயல் சிம் (நானோ + ஈசிம்) ஆதரவு கொண்ட ஐபோன் 12 மினி, ஐபோன் 12, ஐபோன் 12 ப்ரோ, மற்றும் ஐபோன் 12 ப்ரோ மேக்ஸ் ஆகியவைகள் iOS 14 மூலம் இயங்குகின்றன, மேலும் இவைகள் சூப்பர் ரெட்டினா எக்ஸ்டிஆர் ஓஎல்இடி டிஸ்ப்ளேக்களுடன் வருகின்றன – மேலே ஒரு பீங்கான் ஷீல்ட் கண்ணாடி கவரும் இடம்பெறுகிறது.

ஐபோன் 12 மினி, ஐபோன் 12, ஐபோன் 12 ப்ரோ, ஐபோன் 12 ப்ரோ மேக்ஸின் இந்திய விலைகள்!

இது கடந்த ஆண்டு வெளியான ஐபோன் மாடல்களை விட குறிப்பிடத்தக்க மேம்படுத்தலாகும், ஏனெனில் 2019 ஐபோன் வரம்பில் ஐபோன் 11 மேம்படுத்தப்பட்ட ஓஎல்இடி டிஸ்பிளேவிற்கு பதிலாக எல்சிடி பேனலுடன் அறிமுகமானது.

புதிய 2020 ஐபோன் மாடல்கள் ஏ 14 பயோனிக் SoC மூலம் இயக்கப்படுகின்றன, இது ஏற்கனவே சமீபத்திய ஐபாட் ஏர்-இல் கிடைக்கிறது மற்றும் இவைகள் நான்காவது தலைமுறை நியூரல் எஞ்சினுடன் வருகிறது.

ஏ14 பயோனிக் சிப் ஆனது 4 கே வீடியோ எடிட்டிங் உள்ளிட்டவைகளை கையாளப்படும் வண்ணம் வடிவமைக்கப்பட்டுள்ளது. இது தற்போதுள்ள A13 பயோனிக் சிப்பை விட CPU செயல்திறனில் 40 சதவிகித ஊக்கத்தையும் கிராபிக்ஸில் 30 சதவிகித முன்னேற்றத்தையும் அளிப்பதாக கூறப்படுகிறது.

மேலும், புதிய 16-கோர் நியூரல் என்ஜின் வினாடிக்கு 11 டிரில்லியன் வரை செயல்படும் திறன் கொண்டது. முந்தைய தலைமுறை நியூரல் என்ஜினை விட 10 சதவீதம் வேகமான இயந்திர கற்றல் கணக்கீடுகளை வழங்க, இந்த CPU-வில் இரண்டாம் தலைமுறை மெஷின் லேர்னிங் கால்குலேஷன்ஸ் உள்ளன.

மேம்படுத்தப்பட்ட செயலாக்க சக்தியைத் தவிர, 2020 ஐபோன் மாடல்கள் அனைத்துமே 5 ஜி ஆதரவுடன் வருகிறது. இருப்பினும், உங்கள் பகுதியில் 5 ஜி நெட்வொர்க்குகள் இன்னும் கிடைக்கவில்லை என்றால் இந்த அம்சத்தின் கீழ் உங்களுக்கு எந்த பயனும் இருக்காது.

டிஸ்பிளே:

வேறுபாடுகளைப் பொறுத்தவரை, ஐபோன் 12 மினி ஆனது 5.4 இன்ச் டிஸ்பிளே அளவுடன் வருகிறது, அதே நேரத்தில் ஐபோன் 12 மற்றும் ஐபோன் 12 ப்ரோ ஆகியவை ஒரே 6.1 இன்ச் டிஸ்பிளே வடிவமைப்பை பகிர்ந்து கொள்கின்றன. கடைசியாக உள்ள ஐபோன் 12 ப்ரோ மேக்ஸ் ஆனது இந்த தொடரின் கீழ் வெளியான மிகப்பெரிய டிஸ்பிளேவை கொண்டுள்ளது, அது 6.7- இன்ச் ஆகும்.

கேமராக்கள்:

ஐபோன் 12 மினி மற்றும் ஐபோன் 12 மாடல்களில் 12 மெகாபிக்சல் டூயல் பின்புற கேமராக்கள் உள்ளன, அவை வைட் ஆங்கிள் மற்றும் அல்ட்ரா வைட்-ஆங்கிள் ஷூட்டரை உள்ளடக்கியது, முறையே எஃப் / 1.6 லென்ஸ் மற்றும் எஃப் / 2.4 லெஸ்ன உடன் வருகிறது.

மறுகையில் உள்ள ஐபோன் 12 ப்ரோ மற்றும் ஐபோன் 12 ப்ரோ மேக்ஸ் மடல்களில் 12 மெகாபிக்சல் ட்ரிபிள் ரியர் கேமரா அமைப்பு உள்ளது. அதில் வைட் (எஃப் / 1.6), அல்ட்ரா-வைட் (எஃப் / 2.4) மற்றும் கூடுதலாக ஒரு டெலிஃபோட்டோ (ப்ரோவில் எஃப் / 2.0 லென்ஸ் மற்றும் ப்ரோ மேக்ஸில் எஃப் / 2.2 லென்ஸ்) சென்சாரும் உள்ளது.

கேமரா அம்சங்களை பொருத்தவ்ரு, குறைந்த ஒளியில் (மற்றும் நைட்-மோட் போர்ட்ரெய்ட்ஸ்) சிறந்த ஆட்டோஃபோகஸ், மேம்பட்ட டெப்த் புகைப்படம் எடுத்தல் மற்றும் வளர்ந்த ரியாலிட்டி (ஏஆர்) அளவீடுகள் ஆகியவைகளை உறுதி செய்யும் LiDAR ஸ்கேனர் இணைக்கப்பட்டுள்ளது.

ஐபோன் 12 ப்ரோ மேக்ஸ் ஆனது 47 சதவீத பெரிய வைட் கேமரா சென்சாரை கொண்டுள்ளது. ஐபோன் 12 ப்ரோ ஆனது 4 எக்ஸ் ஆப்டிகல் ஜூம் உடன் வருகிறது. ஐபோன் 12 ப்ரோ மேக்ஸ் மாடல் டெலிஃபோட்டோ சென்சாருடன் 5 எக்ஸ் ஆப்டிகல் ஜூமை வழங்குகிறது. மேலும் இந்த நான்கு மாடல்களிலும் 12 மெகாபிக்சல் எஃப் / 2.2 முன்பக்க செல்பீயி கேமராக்கள் உள்ளன.

ஆப்பிள் நிறுவனம் ஐபோன் 12 ப்ரோ மற்றும் ப்ரோ மேக்ஸில் புதிய ஆப்பிள் ProRAW வடிவமைப்பை உருவாக்கி, பயனர்களுக்கு தொழில்முறை போஸ்ட்-போட்டோகிராஃபி அனுபவத்தை அளிக்கிறது. ப்ரோ ஐபோன் 12 மாடல்கள் 4 கே டால்பி விஷன் எச்டிஆர் வீடியோ ரெக்கார்டிங் மற்றும் ஆன்-டிவைஸ் எடிட்டிங் ஆகியவற்றையும் வழங்குகின்றன.

ஆப்பிள் நிறுவனம் கடந்த ஆண்டு வெளியான ஐபோன் 11 ப்ரோ மற்றும் ஐபோன் 11 ப்ரோ மேக்ஸ் ஆகியவற்றில் அறிமுகமான அதன் டீப் ஃப்யூஷன் மென்பொருளில் சில மாற்றங்களையும் செய்துள்ளது. இதேபோல், ஐபோன் 12 தொடரில் நைட் மோட் அம்சமானது (செல்பீ கேமரா உட்பட) சிறந்த குறைந்த ஒளி முடிவுகளை வழங்கும்படி புதுப்பிக்கப்பட்டுள்ளது. மேலும் நைட்-மோட் டைம்-லேப்ஸ் அம்சமும் அறிமுகம் செய்யப்பட்டுள்ளது.

பேட்டரி மற்றும் சார்ஜிங்:

பேட்டரி ஆயுளைப் பொறுத்தவரை, ஐபோன் 12 மினி 15 மணிநேர வீடியோ பிளேபேக்கை வழங்குவதாகக் கூறப்படுகிறது, அதே நேரத்தில் ஐபோன் 12 மாடலானது 17 மணிநேர வீடியோ பிளேபேக்கை வழங்கும்படி மதிப்பிடப்பட்டுள்ளது, ஐபோன் 12 ப்ரோ மாடலும் இதே திறனைத்தான் வழங்குகிறது.

கடைசியாக உள்ள ஐபோன் 12 ப்ரோ மேக்ஸ் மாடலானது 20 மணிநேர வீடியோ பிளேபேக்கை வழங்குவதின் மூலம் “மிக நீண்ட பேட்டரி ஆயுளை வழங்கும் ஐபோன்” என்கிற பெயரை பெறும் என்று எதிர்பார்க்கப்படுகிறது.

இவைகள் 15W வரை மாக்ஸேஃப் வயர்லெஸ் சார்ஜிங்கையும், 7.5W வரை குய் வயர்லெஸ் சார்ஜிங்கையும் ஆதரிக்கின்றன. ஆப்பிள் நிறுவனம் ஐபோன் 12 மினியை உலகின் மிகச்சிறிய, இலகுவான மற்றும் மெல்லிய 5 ஜி ஸ்மார்ட்போன் என்று அழைக்கிறது. மேலும் ஐபோன் 12 தொடர் மாடல்கள் ஆனது பாக்சில் ஏசி அடாப்டர் இல்லாமல் அனுப்பப்படும். இவைகள் யூ.எஸ்.பி-சி டு லைட்னிங் கேபிளுடன் வருகிறது.

ஆப்பிள் நிறுவனம் அதன் புதிய ஐபோன் 12 தொடரில் மேம்படுத்தப்பட்ட வயர்லெஸ் சார்ஜிங் ஆதரவையும் வழங்கியுள்ளது, இது மேக்சேஃப் பிராண்டிங்கின் கீழான சுமக்கும் மேக்னட் சார்ஜர்களை ஆதரிக்கிறது, இது முந்தைய தலைமுறை மேக்புக்ஸின் மேக்னட் சார்ஜிங் பாகங்கள் உடன் தொடர்புடையது.

Leave a Comment

This site uses Akismet to reduce spam. Learn how your comment data is processed.