நிவர் புயல் அதிகபட்சமாக 100 கிலோ மீட்டர் வேகத்தில் கரையை கடக்கலாம் – மாநில பேரிடர் மேலாண்மை

வங்கக் கடலில் உருவாகியுள்ள காற்றழுத்தம் வரும் 25ம் தேதி புயலாக மாறி கரையை கடக்கும் என வானிலை மையம் தெரிவித்திருக்கும் நிலையில் மாநில பேரிடம் மேலாண்மை ஆணையம் பொதுமக்களுக்கும், மீனவர்களுக்கும் புயல் எச்சரிக்கையை விடுத்துள்ளது.

நிவர் புயல் கரையை கடக்கும் வேகம்

இந்திய பெருங்கடல் தென் வங்காள விரிகுடாவின் மையப் பகுதிகள் நவம்பர் 22 அன்று மணிக்கு 40-50 கிலோ மீட்டர் வேகத்திலும் அதிகபட்சம் 60 கிலோ மீட்டர் வேகத்திலும் வீசக்கூடும்.

நவம்பர் 23 அன்று மணிக்கு 45-55 கிலோ மீட்டர் வேகத்திலும் அதிகபட்சம் 65 கிலோ மீட்டர் வேகத்திலும் காற்று வீசக்கூடும்.

நவம்பர் 24 அன்று மணிக்கு 55-65 கிலோ மீட்டர் வேகத்திலும் அதிகபட்சம் 75 கிலோ மீட்டர் வேகத்திலும் காற்று வீசக்கூடும்.

நவம்பர் 25 அன்று மணிக்கு 80-90 கிலோ மீட்டர் வேகத்திலும் அதிகபட்சம் 100 கிலோ மீட்டர் வேகத்திலும் காற்று வீசக்கூடும். எனவே
மீனவர்கள்
கடலுக்கு செல்ல வேண்டாம் என மாநில பேரிடர் மேலாண்மை ஆணையம் எச்சரிக்கை விடுத்துள்ளது.

நிவர் புயல்: 24 மணி நேரத்துக்கு யாரும் வெளியில் வரவேண்டாம் – எஸ்டிஎம்ஏ

அதன்படி, தென் தமிழக கடலோர பகுதிகளான கொளச்சல் முதல் தனுஷ்கோடி வரை 22.11.2020 அன்று 17.30 மணி முதல் 25.11.2020 வரை 23.30 மணி வரை கடல் அலையின் உயரம் 4.9 அடி முதல் 9.8 அடி வரை கடல் சீற்றமாக இருக்கக்கூடும்.

வட தமிழக கடலோர பகுதிகளான கோடியக்கரை முதல் பழவேற்காடு வரை 22.11.2020 அன்று 17.30 மணி முதல் 25.11.2020 வரை 23.30 மணி வரை கடல் அலையின் உயரம் 8 அடி முதல் 18 அடி வரை கடல் சீற்றமாக இருக்கக்கூடும் என தெரிவிக்கப்பட்டுள்ளது.

Leave a Comment

This site uses Akismet to reduce spam. Learn how your comment data is processed.