படமாகிறது சசிகலா வாழ்க்கை, உண்மையை எக்போஸ் பண்ணுவேன்: சர்ச்சை இயக்குநர்

சர்ச்சைக்கு பெயர் போன இயக்குநர்
ராம் கோபால் வர்மா
தற்போது மீண்டும் ஒரு சர்ச்சையை ஏற்படுத்தியுள்ளார். அதாவது மறைந்த முன்னாள் முதல்வர் ஜெயலலிதாவின் நெருங்கிய தோழியான சசிகலாவை பற்றி படம் எடுக்கப் போவதாக அறிவித்துள்ளார் ராம் கோபால் வர்மா.

இது குறித்து ராம் கோபால் வர்மா ட்விட்டரில் கூறியிருப்பதாவது,

சசிகலா
என்கிற படத்தை இயக்குகிறேன். இது எஸ் என்கிற பெண், E என்கிற ஆண் ஒரு லீடருக்கு செய்ததை பற்றியது. தமிழக சட்டசபை தேர்தலுக்கு முன்பு அந்த லீடரின் வாழ்க்கை வரலாற்று படம் ரிலீஸாகும் அதே நாள் வெளியாகும்.

ரொம்ப நெருக்கமாக இருந்தால் எளிதில் கொலை செய்யலாம் என்று தெரிவித்துள்ளார்.

அவர் மேலும் கூறியிருப்பதாவது,

சசிகலா படத்தை ராகேஷ் ரெட்டி தயாரிக்கிறார். லக்ஷ்மிஸ் என்.டி.ஆர். படத்தின் தயாரிப்பாளரும் ராகேஷ் ரெட்டி தான். சசிகலா படம் ஜெ, எஸ் மற்றும் இபிஎஸ் இடையேயான சிக்கலான உறவு பற்றியது. ஜெவுக்கு ஒரு முகம். எஸ்ஸுக்கு 2 முகங்கள், Eக்கு 3 முகங்கள்…உண்மைக்கு பின்னால் இருக்கும் உண்மை பிப்ரவரி மாதம் வெளியே வரும்.

தலைவி ரிலீஸாகும் அதே நாளில் ஏன் சசிகலா படமும் வெளியாகும் என்றால், Tல் S இல்லை. நான் உண்மை கதையை Eயுடன் சொல்ல விரும்புகிறேன். J, S, D ,I, O மற்றும் E ஆகியோர் சசிகலாவில் முக்கிய ஸ்பெஷல் கதாபாத்திரங்கள். ட்ரெயெ்லர் வரும் டிசம்பர் மாதம் முதல் வாரத்தில் வெளியாகும் என்று தெரிவித்துள்ளார்.

சசிகலா படத்தின் போஸ்டரையும் வெளியிட்டுள்ளார் ராம் கோபால் வர்மா.

சொத்து குவிப்பு வழக்கில் பெங்களூர் பரப்பன அகர்ஹாரா சிறையில் இருக்கும் சசிகலா 2021ம் ஆண்டு ஜனவரி மாதம் வெளியே வருவார் என்று கூறப்படுகிறது. இந்நிலையில் ராம் கோபால் வர்மா சசிகலா பற்றி படம் எடுப்பதாக அறிவிப்பு வெளியிட்டுள்ளது பரபரப்பை ஏற்படுத்தியிருக்கிறது.

ஏழை மாணவியின் டாக்டர் கனவை நிறைவேற்றி வைத்த சிவகார்த்திகேயன்

Leave a Comment

This site uses Akismet to reduce spam. Learn how your comment data is processed.