பாஜக அரசை எதிர்த்து போராடவுள்ள தொழிலாளர்கள், விவசாயிகளுக்கு முழு ஆதரவு – திருமா

தொழிலாளர்களுக்கும், விவசாயிகளுக்கும் எதிராகப்
பாஜக
அரசு கொண்டு வந்திருக்கும் சட்டங்களை எதிர்த்து தொழிலாளர் அமைப்புகள் மற்றும் விவசாயிகள் அமைப்புகளின் சார்பில் நவம்பர் 26,27 தேதிகளில் இந்தியாவெங்கும் நடைபெறும் போராட்டங்களை வெற்றிபெறச் செய்வோம் என
விடுதலை சிறுத்தைகள்
கட்சி தலைவர்
திருமாவளவன்
அறிவித்துள்ளார்.

அந்த அறிக்கையில் கூறியுள்ளதாவது, ” தொழிலாளர்களுக்கும், விவசாயிகளுக்கும் எதிராக பாஜக அரசு கொண்டுவந்திருக்கும் சட்டங்களை எதிர்த்து நாடு தழுவிய போராட்டங்களை நடத்துவதற்கு தொழிலாளர் அமைப்புகளும், விவசாயிகள் அமைப்புகளும் அறிவித்துள்ளனர்.

எதிர்வரும் நவம்பர் 26 மற்றும் 27 தேதிகளில் இந்தியாவெங்கும் நடைபெறும் இந்த போராட்டத்திற்கு விடுதலைச் சிறுத்தைகள் கட்சியின் சார்பில் எமது முழுமையான ஆதரவை தெரிவித்துக் கொள்கிறோம். இந்த போராட்டங்களை வெற்றிபெற செய்யுமாறு அனைத்து தரப்பு மக்களையும் அறைகூவி அழைக்கிறோம். தொழிலாளர்களின் நீண்டகால போராட்டங்களின் விளைவாக உருவாக்கப்பட்ட 29 தொழிலாளர் சட்டங்களை ரத்து செய்துவிட்டு 4 தொகுப்புகளாக பாஜக அரசு கொண்டு வந்துள்ளது.

அத்துடன் புரட்சியாளர் அம்பேத்கரால் உறுதிப்படுத்தப்பட்ட 8 மணி நேர வேலை என்பதை ஒழித்துக் கட்டிவிட்டு 12 மணி நேர வேலை என ஒரு கொடுங்கோல் நிலையை இந்தியாவில் அறிமுகப்படுத்த பாஜக முயற்சிக்கிறது. அதுபோலவே மாநில அரசுகளின் அதிகாரப் பட்டியலில் உள்ள வேளாண் துறையில் தலையிட்டு விவசாயிகளுக்கு எதிரான 3 சட்டங்களை நிறைவேற்றி இந்தியாவின் முதுகெலும்பாக உள்ள விவசாயிகளை ஓட்டாண்டிகளாக்கிக் கொண்டிருக்கிறது.

ரஜினி எங்கே? வீட்டில் இருந்து வந்த பதில்களும் பரவிய வதந்திகளும்…

இந்த சட்டங்களை எதிர்த்தும்,
கொரோனா
பெருந்தொற்றால் பரிதவிக்கும் அனைத்து குடும்பங்களுக்கும் மாதம் ரூபாய் 7500 நிவாரணம், மாதம் 10 கிலோ அரிசி வழங்குவதோடு, 100 நாள் வேலைத்திட்ட வேலை நாட்களை 200 ஆக உயர்த்த வேண்டும் என்றும் எதிர்வரும் நவம்பர் 26ஆம் தேதி நாடு தழுவிய பொது வேலை நிறுத்தத்திற்கு தொழிற்சங்கங்கள் அழைப்பு விடுத்துள்ளன.

அதுபோலவே 27ஆம் தேதி டெல்லியில் முற்றுகைப் போராட்டத்திற்கு விவசாயிகள் சங்கங்களும் அழைப்பு விடுத்துள்ளனர். இந்த இரண்டு அறப் போராட்டங்களையும் விடுதலை சிறுத்தைகள் கட்சியின் சார்பில் வரவேற்று ஆதரிக்கிறோம்.

இவற்றில் விவசாயிகள் மற்றும் தொழிலாளர்கள் திரளாக பங்கேற்று இந்த போராட்டங்களை வெற்றி பெறச் செய்யுமாறு விடுதலை சிறுத்தைகளையும், அனைத்து ஜனநாயக சக்திகளையும் கேட்டுக்கொள்கிறோம்” என இவ்வாறு அதில் கூறப்பட்டுள்ளது.

Leave a Comment

This site uses Akismet to reduce spam. Learn how your comment data is processed.