தனுஷின் ஜெகமே தந்திரம் ரிலீஸ் எப்போது? புதிய ரிலீஸ் தேதி முடிவு..

கொரோனா ஊரடங்கால் கடந்த 8 மாதமாக திரை அரங்குகள் திறக்கப்படாததால் சூர்யா நடித்த சூரரைப் போற்று, ஜோதிகா நடித்த பொன்மகள் வந்தாள், கீர்த்தி சுரேஷ் நடித்த பெண்குயின், வரலட்சுமி நடித்த டேனி, யோகிபாபு நடித்த காக்டெயில் உள்ளிட்ட 10க்கும் மேற்பட்ட படங்கள் ஒடிடி தளத்தில் ரிலீஸ் ஆனது. கடந்த நவம்பர் மாதம் தியேட்டர்கள் திறக்கப்பட்டன. ஆனால் 50 சதவீத டிக்கெட்தான் அனுமதி என்றதால் விஜய் நடித்த மாஸ்டர். தனுஷ் நடித்த ஜெகமே தந்திரம் போன்ற பெரிய படங்கள் ரிலீஸ் செய்ய முடியாமல் நிறுத்தி வைக்கப்பட்டது. 100 சதவீத டிக்கெட் அனுமதி கிடைத்தால் ரிலீஸ் செய்ய எண்ணியிருந்தனர். நடிகர் விஜய் 100 சதவீதம் தியேட்டர் திறக்க முதல்வரை நேரில் சந்தித்து கோரிக்கை வைத்தார். நடிகர் சிம்புவும், திரை அரங்கு உரைமையாளர்களும் இதே கோரிக்கை வைத்தனர். அதை ஏற்று 100 சதவீதம் டிக்கெடுக்கு அரசு அனுமதி அளித்தது. ஆனால் இதற்கு சிலர் எதிர்ப்பு தெரிவித்தனர்.

மதுரை ஐகோர்ட்டிலும் வழக்கு தொடரப்பட்டது. இதுகுறித்து அரசிடம் கோர்ட்டு விளக்கம் கேட்டது. இந்நிலையில் நேற்று மீண்டும் அரசு வெளியிட்ட அறிக்கையில் 100 சதவீதம் ரத்து செய்து 50 சதவீதம் மட்டுமே அனுமதி என தெரிவித்தது. இது ரசிகர்கள், தயாரிப்பாளர்கள், நடிகர்கள் மத்தியில் குழப்பத்தையும், அதிர்ச்சியையும் ஏற்படுத்தியது. ஆனாலும் அறிவித்தபடி மாஸ்டர் 13ம் தேதியும். ஈஸ்வரன் 14ம் தேதியும் வெளியாகிறது. ஆனால் தனுஷ் படம் இந்த விவாகாரத்தில் சிக்காமல் எச்சரிக்கையாக இருந்தனர். ஜெகமே தந்திரம் ரிலீஸ் பற்றி அறிவிக்காமல் மவுனம் காத்தனர். கார்த்திக் சுப்பராஜ் இயக்கிய தனுஷின் 40 வது படமான ‘ஜகமே தந்திராம்’ வெளியீடு குறித்த அறிவிப்புக்காக ரசிகர்கள் ஆவலுடன் காத்திருக்கிறார்கள். தனுஷ் மற்றும் ஐஸ்வர்யா லட்சுமி, மிமி ஆகியோர் முக்கிய கதாபாத்திரத்தில் நடித்த படம் கடந்த 2020 மே 1 ஆம் தேதி தியேட்டரில் ரிலீஸ் செய்ய திட்டமிடப்பட்டது, ஆனால் கோவிட் -19 தொற்று நோய் சூழ்நிலை காரணமாக லாக் டவுன் வந்த்தால் ரிலீஸ் ஒத்திவைக்கப்பட்டது.

தனுஷின் ஜகமே தந்திராம் ஒரு சில படங்களைப் போலவே ஒரு ஒ டி டி மேடையில் வெளியிடப்படும் என்று பல சலசலப்புகள் இருந்த போதிலும், படத்தின் தயாரிப்பாளர் சஷிகாந்த் எஸ், வதந்திகளுக்கு முற்றுப்புள்ளி வைத்தார், திரையரங்குகளில் படம் வெளியிடுவதாக உறுதியளித்தார். இப்போது, ​​சமீபத்திய சலசலப்பு என்னவென்றால், தனுஷின் ‘ஜகமே தந்திரம்’ 2021 பிப்ரவரி 12 ஆம் தேதி காதலர் தினத்திற்கு முன்னதாக வெளியிட திட்டமிடப்பட்டுள்ளது. ரிலையன்ஸ் என்டர்டெயின்மென்ட் நிறுவனத்துடன் இணைந்து ஒய்நொட் ஸ்டுடியோஸால் ஜெகமே தந்திரம் தயாரிக்கப்படுகிறது. தனுஷ் ஒரு கேங்க் ஸ்டராக இப்படத்தில் நடிக்கிறார். இதில் ஐஸ்வர்யா லக்ஷ்மி ஜோஜு ஜார்ஜ் மற்றும் கலையரசன் நடிக்கின்றனர். ஹாலிவுட் நட்சத்திரம் ஜேம்ஸ் காஸ் மோ நடிக்கிறார். இவர் ஹாலி வுட் படங்கள் பிரேவ் ஹார்ட், டிராய், தி க்ரோனி கல்ஸ் ஆஃப் நார்னியா: தி லயன் மற்றும் கேம் ஆப் த்ரோன்ஸ் போன்ற திரைப்படங்களில் நடித்தவர். இந்த படத்தின் மூலம் ஜேம்ஸ் காஸ்மோ இந்திய திரையுலகில் அறிமுகமாகிறார்.

https://tamil.thesubeditor.com/news/cinema/27840-dhanush-s-jagame-thandhiram-gears-up-for-february-release.html

Source link

Leave a Comment

This site uses Akismet to reduce spam. Learn how your comment data is processed.