தைரியமாக சபதம் போட்ட விஷாலுக்கே இப்படி ஆப்பு வச்சுட்டாங்களே

ஹைலைட்ஸ்:

சக்ரா ரிலீஸான வேகத்தில் ஆன்லைனில் கசியவிட்ட தமிழ் ராக்கர்ஸ்
விஷாலின் சக்ரா படத்தையும் விட்டு வைக்காத தமிழ் ராக்கர்ஸ்
விஷால் கஷ்டப்பட்டு ரிலீஸ் செய்த சக்ராவை கசியவிட்ட தமிழ் ராக்கர்ஸ்

ஆனந்தன் இயக்கத்தில்
விஷால்
ராணுவ வீரராக நடித்த
சக்ரா
படம் இன்று வெளியாகியுள்ளது. படத்தை ரிலீஸ் செய்ய சென்னை உயர் நீதிமன்றம் இடைக்காலத் தடை விதித்தது. இதனால் படம் ரிலீஸாகுமா, ஆகாதா என்கிற டென்ஷனில் ரசிகர்கள் இருந்தனர். இதையடுத்து கடைசி நேரத்தில் பிரச்சனை தீர்ந்து படம் திட்டமிட்டபடி ரிலீஸாகியிருக்கிறது.

இடைக்கால தடை நீக்கம்: திட்டமிட்டபடி நாளை ரிலீஸாகும் சக்ரா
ராணுவ அதிகாரியாக கெத்தாக, ஃபிட்டாக இருக்கிறார் விஷால். ஷ்ரத்தா ஸ்ரீநாத் வழக்கம் போன்று தன் கதாபாத்திரத்தை உணர்ந்து நடித்திருக்கிறார். ரெஜினாவின் கதாபாத்திரம் தான் பலரின் கவனத்தையும் ஈர்த்திருக்கிறது. ரோபோ சங்கர் காமெடி என்கிற பெயரில் கடுப்பேற்றியிருக்கிறார் என்று விமர்சனம் எழுந்துள்ளது.

விஷால் ரசிகர்களுக்கு படம் ரொம்ப பிடித்துள்ளது. மற்றவர்களோ இதை எல்லாம் நாங்கள் இரும்புத்திரையிலேயே பார்த்துவிட்டோம் என்கிறார்கள். இந்நிலையில் இந்த
தமிழ் ராக்கர்ஸ்
வேறு தன் வேலையை காட்டிவிட்டது.

சக்ரா படம் தியேட்டர்களில் ரிலீஸான சில மணிநேரத்தில் ஆன்லைனில் கசியவிட்டுள்ளது தமிழ் ராக்கர்ஸ். சக்ரா படத்தின் ஹெச்.டி. பிரிண்ட் வெளியாகியிருக்கிறது. இதனால் வசூல் பாதிக்கப்படும் என்று அஞ்சப்படுகிறது.

வார இறுதி நாட்களில் தியேட்டருக்கு செல்லலாம் என்று இருப்பவர்கள் கூட படத்தை ஆன்லைனில் பார்த்துவிடுவார்கள். தமிழ் ராக்கர்ஸ் ஆட்களை பிடித்து சிறையில் தள்ளாமல் விட மாட்டேன் என்று ஒரு காலத்தில் விஷால் சபதம் போட்டார். ஆனால் அந்த சபதம் இன்று வரை நிறைவேற்றப்படவில்லை.

தமிழ் ராக்கர்ஸை அடக்கும் வேலையை தமிழக முதல்வரிடம் ஒப்படைத்துவிட்டு தன் வேலையை பார்த்து வருகிறார் விஷால்.

சக்ரா மட்டும் அல்ல இன்று வெளியான மோகன்லாலின் த்ரிஷ்யம் 2, த்ருவா சார்ஜாவின் பொகரு ஆகிய படங்களும் தமிழ் ராக்கர்ஸில் கசிந்துவிட்டது. படம் ரிலீஸான கையோடு அதை கசியவிடுவதையே வேலையாக வைத்திருக்கிறது தமிழ் ராக்கர்ஸ்.

தமிழ் ராக்கர்ஸ் ஆட்களை பிடிக்க ஹீரோ அல்ல அதற்கும் மேல் ஒருவர் தேவைப்படுகிறார்.

Leave a Comment

This site uses Akismet to reduce spam. Learn how your comment data is processed.