பெளத்த மதத்தை பாதுகாக்க எனது நாட்டிற்கு வாருங்கள்: அழைப்பு விடுத்த பாகிஸ்தான் பிரதமர்!

பெளத்தர்களின் புனித தலங்களை இணைக்கும் பெளத்த பாதை ஒன்றை வடிவமைத்து வருவதாக பாகிஸ்தான் பிரதமர் இம்ரான் கான் தெரிவித்துள்ளார்.

இதன் மூலம் பெளத்த மதத்தை பின்பற்றுகின்ற மக்கள் தமது நாட்டுக்கு வருகை தர முடியும் என்றும் இதற்கான முதல் அழைப்பை தான் இலங்கைப் பிரதமருக்கு விடுப்பதாகவும் பிரதமர் இம்ரான் கான் தெரிவித்தார்.

இரண்டு நாட்கள் உத்தியோகபூர்வ விஜயத்தை மேற்கொண்டு இலங்கை வந்துள்ள பாகிஸ்தான் பிரதமர் இம்ரான் கான் இன்று பிரதமர் மஹிந்த ராஜபக்ஷவை அலரிமாளிகையில் சந்தித்து கலந்துரையாடியிருந்தார்.

அதன் பின்னர் இணை ஊடக சந்திப்பொன்றை நடத்திய நிலையில் அதில் உரையாற்றும் போதே பிரதமர் இம்ரான்கான் இதனை கூறினார்.

இதுகுறித்து மேலும் அவர் கூறுகையில்,

”40 அடி நீளமான ‘உறங்கும் புத்தர்’ எனும் உலகிலேயே மிகப் பாரிய பெளத்த புராதன சின்னத்தை நாம் அண்மையில் கண்டுபிடித்துள்ளோம்.

வடக்கு பாகிஸ்தான், கந்தாரா நாகரீகத்தின் மிக முக்கிய தளமாகும். இவற்றை பார்வையிட பாகிஸ்தானுக்கு வருகை தருமாறு இலங்கை மக்களை நான் அழைக்கிறேன்.

நாம் இப்போது பெளத்தர்களின் புனித தலங்களை இணைக்கும் ‘பெளத்த பாதை‘ ஒன்றை வடிவமைத்து வருகிறோம்.

இதன் மூலம் பெளத்த மதத்தை பின்பற்றுகின்ற மக்கள் எமது நாட்டுக்கு வருகை தர முடியும். இதற்கான முதல் அழைப்பை நான் இலங்கைப் பிரதமருக்கு விடுக்கிறேன்” எனக் குறிப்பிட்டுள்ளார்.

Leave a Comment

This site uses Akismet to reduce spam. Learn how your comment data is processed.