பாஜக வேட்பாளருக்கு ஆதரவு தெரிவித்த மோகன்லால்!

பாஜக வேட்பாளருக்கு ஆதரவு தெரிவித்த மோகன்லால்!

04 ஏப், 2021 – 10:53 IST

தமிழகத்தைப்போலவே கேரளாவில் வருகிற ஏப்ரல் 6-ந்தேதி சட்டமன்ற தேர்தல் நடைபெறுகிறது. இந்நிலையில், புயலில் சேதமடைந்த பாம்பன் பாலத்தை 46 நாட்களில் கட்டி முடித்தவரான மெட்ரோமேன் ஸ்ரீதரன் என்பவரும் இந்த தேர்தலில் போட்டியிடுகிறார். சமீபத்தில் கேரளா மாநில பாஜகவில் இணைந்த அவருக்கு அக்கட்சி கேரளாவில் உள்ள பாலக்காடு தொகுதியில் போட்டியிட வாய்ப்பு அளித்துள்ளது.
இந்த நிலையில், ஸ்ரீதரனுக்கு ஆதரவு தெரிவித்து மலையாள நடிகர் மோகன்லால் ஒரு வீடியோ வெளியிட்டுள்ளார். அதில், இந்தியர்கள் பெருமைப் படக்கூடிய மனிதராக மெட்ரோமேன் ஸ்ரீதரன் இருக்கிறார். பாம்பம் பாலம், கொங்கன் ரயில்வே பணிகள், கொச்சி டூ டில்லி மெட்ரோ ரயில் கட்டுமான பணிகளை திட்டமிட்டதை விட குறைவான நாட்களில் முடித்தவர். அதோடு, மீதமுள்ள நிதியை அரசாங்கத்திடம் திருப்பி அளித்தவர். இவரது சேவை நாட்டுக்கு தேவை. கேரள சட்டசபை தேர்தலில் ஸ்ரீதரன் வெற்றி பெற வாழ்த்துக்கள் என்று அந்த வீடியோவில் தெரிவித்துள்ளார் மோகன்லால். இந்த வீடியோ சோசியல் மீடியாவில் வைரலாகி வருகிறது.

Leave a Comment

This site uses Akismet to reduce spam. Learn how your comment data is processed.