மதுக்கடைகள் மூடல்: நேற்று ஒரே நாளில் சிகரம் தொட்ட வருமானம்..!

தமிழக சட்டமன்ற தேர்தலையொட்டி இன்று 4ம் தேதி முதல் 6ம் தேதி வரை 3 நாட்களுக்கு மதுக்கடைகளுக்கு
தேர்தல் ஆணையம்
விடுமுறை அளித்து உத்தரவிட்டுள்ளது. ஆகையால், ஞாயிறு, திங்கள், செவ்வாய் கிழமை வரை தமிழகத்தில் மதுக்கடைகள் திறக்கப்படாது.

இதனால், கள்ள சந்தையில் சரக்குகளை விற்பனை செய்யப்படுவதை தடுக்க காவல் துறையினரும், பறக்கும் படையினரும் தீவிர ஆய்வில் ஈடுபட்டுள்ளனர். இந்நிலையில், மது பிரியர்கள் நேற்றைய தினமே மூன்று நாட்களுக்கு தேவையான சரக்குகளை வாங்க மது கடைகளில் அலை மோதினர்.

சாதாரண நாட்களை விட நேற்று மது கடைகளில் கூட்டம் சேர்ந்ததால் நீண்ட நாட்களுக்கு பிறகு மது கடை முன்பு கடும் நெரிசல் ஏற்பட்டது. அதனால் பண்டிகை நாட்களில் கிடைக்கும் வருவாயை போல தமிழகத்தில் நேற்று ஒரே நாளில் ரூ. 160 கோடிக்கு
மது விற்பனை
செய்யப்பட்டுள்ளது.

நீட் அனிதா அதிமுகவிற்கு ஆதரவா? அமைச்சரின் மோசடி வீடியோவால் வெடித்த சர்ச்சை!

வழக்கமாக நாள் ஒன்றுக்கு 100 கோடி வரை மது விற்பனை ஆகும் நிலையில் நேற்று கூடுதலாக 60 கோடி வருமானம் கிடைத்துள்ளதாக அறிவிப்பு வெளியாகியுள்ளது. தமிழக
சட்டமன்ற தேர்தல்
வரும் 6ம் தேதி நடக்கவுள்ள நிலையில் இன்று மாலை 7 மணியுடன் தேர்தல் பிரச்சாரம் நிறைவுபெறுகிறது. அரசியல் கட்சி தலைவர்கள் இறுதி கட்ட பிரச்சாரத்தில் ஈடுபட்டுள்ளனர்.

தேர்தல் நாட்களில் மது பிரியர்களை கவனம் சிதற கூடாதென்பதற்காகவும், அரசியல் கட்சிகள் மது சப்ளை செய்வதை தடுப்பதர்காகவும் வாக்குப்பதிவு முடிவடையும் வரையில் மதுக்கடைகளுக்கு விடுமுறை அளிக்கப்பட்டுள்ளன. இந்நிலையில் நேற்று ஒரே நாளில் மது விற்பனை மூலம் தமிழக அரசுக்கு 160 கோடி ரூபாய் வருமானம் கிடைத்துள்ளது.

Leave a Comment

This site uses Akismet to reduce spam. Learn how your comment data is processed.