கமல் ஒத்த காலில் நின்று பிரச்சாரம் செய்ததை பார்த்துமா இப்படி?: ஸ்ருதியை விளாசும் நெட்டிசன்ஸ்

ஹைலைட்ஸ்:

கமலுக்காக ஸ்ருதி ஹாசன் பிரச்சாரம் செய்யாதது ஏன்?
கமலுக்கு துணையாக இருந்த அக்ஷரா ஹாசன்
பிரச்சாரத்தில் டான்ஸ் ஆடிய அக்ஷரா ஹாசன்

தமிழக சட்டசபை தேர்தல் நாளை நடக்கவிருக்கிறது. மக்கள் நீதி மய்யம் கட்சியின் தலைவரும், நடிகருமான
கமல் ஹாசன்
கோவை தெற்கு தொகுதியில் போட்டியிடுகிறார். பிரச்சாரத்தின்போது அவரின் இளைய மகள் அக்ஷரா தான் உடனிருந்தார்.

அரசியலில் இதெல்லாம் சாதாரணமப்பா, நடுத்தெருவில் கமல் மகள் செய்த காரியம்: வைரல் வீடியோ
மேலும் அக்ஷரா ஹாசனும், சுஹாசினி மணிரத்னமும் கோவையில் தங்கி வாக்கு சேகரித்தார்கள். நேற்று வாக்கு சேகரித்தபோது அக்ஷராவும், சுஹாசினியும் டான்ஸ் ஆடிய வீடியோ வெளியாகி வைரலானது. தன் தந்தை கால் வலியையும் தாண்டி பிரச்சாரம் செய்வதாக அக்ஷரா புகைப்படத்துடன் போட்ட ட்வீட் பலரையும் ஃபீல் பண்ண வைத்தது.

இந்நிலையில் அக்ஷராவை பிரச்சாரத்தில் பார்த்தவர்களோ, மூத்த மகள் ஸ்ருதி ஏன் இந்த பக்கம் எட்டிக் கூடப் பார்க்கவில்லை. அவர் தானே அப்பா செல்லம். அப்படி இருக்கும்போது தன் அப்பா கால் வலியோடு பிரச்சாரம் செய்தபோதிலும் ஸ்ருதி மட்டும் கோவைக்கு வராதது ஏன் என்று பலரும் கேள்வி எழுப்பியுள்ளனர்.

காதலர் சாந்தனு ஹசாரிகாவுக்கு சமைத்துப் போடுகிறார், அவருடன் சேர்ந்து டிசைன், டிசைனாக புகைப்படம் எடுத்து வெளியிடுகிறார், ஆனால் அப்பாவுக்கு வாக்கு சேகரிக்க மட்டும் நேரம் இல்லையோ என்று சமூக வலைதளவாசிகள் கேள்வி எழுப்பியுள்ளனர்.

அதற்கு ஸ்ருதியின் ரசிகர்கள் கூறியிருப்பதாவது,

பிரச்சாரம் செய்வதும், செய்யாமல் இருப்பதும் ஸ்ருதியின் விருப்பம். அதை கேள்வி கேட்க யாருக்கும் உரிமை இல்லை. அவர் படங்களில் பிசியாக இருக்கிறார். பிரச்சாரம் என்கிற பெயரில் அடுத்தவர்களை தனிப்பட்ட முறையில் கேவலமாக விமர்சித்தார்கள். ஸ்ருதிக்கும் அந்த நிலைமை ஏற்பட வேண்டுமா என தெரிவித்துள்ளனர்.

குண்டை தூக்கிப் போட்ட கமல்: ஆண்டவரே, அப்படி சொல்லாதீங்கனு கதறும் ரசிகர்கள்
இதற்கிடையே அரசியலில் இருந்தாலும் படங்களில் நடிப்பதை நிறுத்த மாட்டேன் என்று தெரிவித்த கமல் தற்போது மாற்றி பேசியுள்ளார். அரசியலுக்கு சினிமா இடைஞ்சலாக இருந்தால் அது நிறுத்தப்படும் என்று நேற்று அவர் கோவையில் கூறியதை கேட்ட ரசிகர்கள் அதிர்ச்சி அடைந்துவிட்டனர்.

Leave a Comment

This site uses Akismet to reduce spam. Learn how your comment data is processed.