அவசரப்பட்டு வேற Realme போன் வாங்கிடாதீங்க; கொஞ்சம் வெயிட் பண்ணுங்க!

ஹைலைட்ஸ்:

ரியல்மி ஜிடி 5ஜி, ஜிடி நியோ இந்திய அறிமுகம் கிட்டத்தட்ட உறுதியானது
ஜிடி 5ஜி ஸ்மார்ட்போன் ரூ.30கே பட்ஜெட்டில் வாங்க கிடைக்கும்
ஜிடி நியோரூ.20கே பட்ஜெட்டில் வாங்க கிடைக்கும்

ரியல்மி
நிறுவனம் சமீபத்தில் சீனாவில் ஒரு புதிய ரியல்மி ஜிடி ஸ்மார்ட்போன் தொடரை அறிமுகம் செய்தது. அது ஜிடி 5ஜி மற்றும் ஜிடி நியோ ஆகும். இப்போது இந்த ஸ்மார்ட்போன்கள் இந்தியாவில் விரைவில் அறிமுகமாகும் என்று எதிர்பார்க்கப்படுகிறது.

இடியே விழுந்தாலும் இந்த 8 விஷயங்களை Google Search-ல தேடாதீங்க!

ரியல்மி நிறுவனத்தின் தலைமை சந்தைப்படுத்தல் அதிகாரி (சி.எம்.ஓ) பிரான்சிஸ் வோங், இந்த புதிய ஸ்மார்ட்போன்களின் இந்திய வருகையை வெளிப்படுத்தியுள்ளார், அது அடுத்த மாதம் நடக்கலாம்.

இந்தியாவிற்கு வரும் ரியல்மி ஜிடி ஸ்மார்ட்போன்கள்:

வோங் (டெக்ரேடாரின் அறிக்கையின்படி), அவர் பயன்படுத்தும் ஸ்மார்ட்போனைப் பற்றி கேட்டபோது “Know your Realmers” series சாதனங்களின் வருகையை சுட்டிக்காட்டினார். அதன் பெயர் வெளிப்படுத்தவில்லை என்றாலும் கூட, அது ரியல்மி நிறுவனத்தின் மூன்றாம் ஆண்டு விழாவில் அறிமுகமாகும் முதன்மை ஸ்மார்ட்போன் தொகுப்பாக இருக்கும் கூறப்படுகிறது. அதாவது – ரியல்மி ஜிடி 5ஜி என்று நாம் கருதலாம்.

Jio : வெறும் ரூ.22 முதல்; சைலன்ட் ஆக அறிமுகமான 5 புதிய டேட்டா திட்டங்கள்!

அறியாதவர்களுக்கு, ரியல்மி நிறுவனம் மே 2018 இல் இயங்கத் தொடங்கியது. ஆகவே, ரியல்மி ஜிடி தொடர் மே மாதத்தில் தொடங்கப்படும் என்று எதிர்பார்க்கலாம். இருப்பினும், எங்களிடம் சரியான வெளியீட்டு தேதி இல்லை. ஜிடி 5ஜி ஸ்மார்ட்போனுடன் சேர்த்து கூடுதலாக, நிறுவனம் ரியல்மி ஜிடி நியோவையும் அறிமுகப்படுத்துமா என்பதில் தெளிவில்லை.

Realme GT 5G ஸ்மார்ட்போனின் விலை மற்றும் அம்சங்கள்:

ரியல்மி ஜிடி 5ஜி ஸ்மார்ட்போனின் 8 ஜிபி ரேம் + 128 ஜிபி சேமிப்பு மாடலானது சீனாவில் இந்திய மதிப்பின்படி தோராயமாக ரூ.31,400 க்கும் மற்றும் இதன் 12 ஜிபி ரேம் + 256 ஜிபி சேமிப்பு விருப்பமானது தோராயமாக ரூ.37,000 க்கும் அறிமுகமானது. இது நீலம், வெள்ளி மற்றும் ரேசிங் மஞ்சள் (வேகன் லெதர் பூச்சு) வண்ண விருப்பத்தில் வருகிறது.

ரியல்ம் ஜிடி 5ஜி ஸ்மார்ட்போன் ஆனது ஆண்ட்ராய்டு 11 ஓஎஸ்-ஐ அடிப்படையாகக் கொண்ட ரியல்மி யுஐ 2.0 மூலம் இயங்குகிறது.

இதில் 120 ஹெர்ட்ஸ் ரெஃப்ரெஷ் ரேட் வீகிதம், 360 ஹெர்ட்ஸ் டச் சாம்ப்ளிங்விகிதம், 100 சதவீதம் டிசிஐ-பி 3 வைட் கலர் கேமட், 98 சதவீதம் என்.டி.எஸ்.சி, மற்றும் 91.7 சதவீதம் ஸ்க்ரீன் டூ பாடி விகிதம் கொண்ட 6.43-inch full-HD+ AMOLED டிஸ்பிளே உள்ளது.

இது 12 ஜிபி ரேம் மற்றும் 256 ஜிபி வரையிலான ஸ்டோரேஜ் உடன் இணைக்கப்பட்ட ஸ்னாப்டிராகன் 888 SoC மூலம் இயக்கப்படுகிறது.

கேமராக்களை பொறுத்தவரை, ரியல்மி ஜிடி 5ஜி ஸ்மார்ட்போன் 64 மெகாபிக்சல் சோனி ஐஎம்எக்ஸ் 682 முதன்மை கேமரா, 8 மெகாபிக்சல் வைட்-ஆங்கிள் கேமரா (119 டிகிரி ஃபீல்ட்-வியூ) + 4 செ.மீ வரம்பைக் கொண்ட மேக்ரோ லென்ஸ் ஆகியவற்றைக் கொண்டுள்ளது.

இந்த ஸ்மார்ட்போன் 65W ஃபாஸ்ட் சார்ஜிங் ஆதரவுடன் 4,500 எம்ஏஎச் பேட்டரியை பேக் செய்கிறது. இணைப்பு விருப்பங்களை பொறுத்தவரை, இது வைஃபை 6, யூ.எஸ்.பி டைப்-சி போர்ட்ம் மற்றும் 3.5 மிமீ ஆடியோ ஜாக் ஆகியவைகளை கொண்டுள்ளது. இதன் எடை 186 கிராம் மற்றும் இது 8.4 மிமீ மெல்லியதாக இருக்கும்.

Realme GT Neo ஸ்மார்ட்போனின் விலை மற்றும் அம்சங்கள்:

இதன் பேஸிக் மாறுபாட்டிற்கான விலை, இந்திய மதிப்பின்படி சுமார் ரூ.20,000 ஆகும். இது ரியல்மி ஜிடி நியோ ஸ்மார்ட்ப்பனின் 6 ஜிபி ரேம் / 128 ஜிபி ஸ்டோரேஜ் மாறுபாட்டின் விலை ஆகும்.

மறுகையில் உள்ள 8 ஜிபி ரேம் / 128 ஜிபி வேரியண்ட் ஆனது தோராயமாக ரூ.22,300 க்கும், டாப்-எண்ட் மாடலான 12 ஜிபி ரேம் + 256 ஜிபி ஸ்டோரேஜ் வேரியண்ட் ஆனது சுமார் ரூ.25,700 க்கும் அறிமுகம் செய்யப்பட்டுள்ளது.

இந்த புதிய ரியல்மி ஜிடி நியோ ஸ்மார்ட்போன் முன்னதாக அறிமுகமான ரியல்மி ஜிடி 5ஜி ஸ்மார்ட்போனுடன் பல அம்சங்களைப் பகிர்ந்து கொள்கிறது, இருப்பினும், புதிய ஜிடி ஸ்மார்ட்போன் இப்போது டூயல் டோன் ஷேடைக் கொண்டுள்ளது.

அம்சங்களை பொறுத்தவரை ரியல்மி ஜிடி நியோ ஆனது 6.43 இன்ச் அளவிலான சூப்பர் அமோலேட் டிஸ்ப்ளேவை – மேல் வலது மூலையில் பஞ்ச்-ஹோல் கட்அவுட்டுடன் – கொண்டுள்ளது. இந்த உயரமான டிஸ்பிளே புல் HD + ரெசல்யூஷன், 120Hz ரெஃப்ரெஷ் ரேட் மற்றும் 360Hz டச் சாம்ப்ளிங் விகிதத்தை ஆதரிக்கிறது. இது இன்-டிஸ்ப்ளே ஆப்டிகல் கைரேகை சென்சாரை கொண்டுள்ளது.

கேமிங் மற்றும் பல்பணி செயல்பாடுகளுக்கு, மீடியாடெக்கிலிருந்து Dimensity 1200 SoC ஒருங்கிணைக்கப்பட்டுள்ளது. இந்த சிப்செட் 12 ஜிபி ரேம் மற்றும் 256 ஜிபி யுஎஃப்எஸ் 3.1 ஸ்டோரேஜ் உடன் இணைக்கப்பட்டுள்ளது.

இமேஜிங்கை பொறுத்தவரை, ரியல்மி ஜிடி நியோ ஸ்மார்ட்போன் ஆனது 64 மெகாபிக்சல் ட்ரிபிள் கேமரா அமைப்பைப் பெறுகிறது. இந்த முதன்மை சென்சாருடன் 8 மெகாபிக்சல் அல்ட்ரா-வைட் சென்சார் மற்றும் 2 மெகாபிக்சல் மேக்ரோ சென்சார் உள்ளது. செல்பீக்களுக்கு, நீங்கள் 16 மெகாபிக்சல் முன்பக்க கேமராவைப் பெறுவீர்கள்.

ரியல்மி ஜிடி நியோ ஸ்மார்ட்போன் ஆண்ட்ராய்டு 11 ஓஎஸ் அடிப்படையிலான ரியல்மி யுஐ 2.0 கஸ்டம் ஸ்கின்னை இயக்குகிறது. இந்த ஸ்மார்ட்போன் 4,500 எம்ஏஎச் பேட்டரியால் ஆதரிக்கப்படுகிறது மற்றும் 50W ஃபாஸ்ட் சார்ஜ் ஆதரவைக் கொண்டுள்ளது.

இணைப்பு விருப்பங்களை பொறுத்தவரை, 5 ஜி, 4 ஜி எல்டிஇ, ப்ளூடூத் வி 5.1, ஜிபிஎஸ், யூ.எஸ்.பி-சி போர்ட் ஆகியவற்றை கொண்டுள்ளது. மேலும் இந்த புதிய ஜிடி நியோ விசி கூலிங் தொழில்நுட்பத்தையும் கொண்டுள்ளது.

Leave a Comment

This site uses Akismet to reduce spam. Learn how your comment data is processed.