சொன்னது சொன்னபடி நாளை திரையரங்கில் கர்ணன்! உச்சகட்ட எதிர்பார்ப்பில் தனுஷ் ரசிகர்கள்..

ஹைலைட்ஸ்:

கொரோனோ இரண்டாவது அலையை முன்னிட்டு புதிய கட்டுபாடுகளை அறிவித்துள்ளது அரசு.
திரையரங்குகள் 50% இருக்கையுடன் மட்டும் இயங்க அனுமதி.
நாளை வெளியாகிறது தனுஷின் ‘கர்ணன்’ திரைப்படம்.

கர்ணனை திரையரங்குகளில் கண்டு ரசிக்க ரசிகர்கள் ஆர்வமுடன் காத்திருக்கின்றனர். சில நாட்களுக்கு முன்பு
கர்ணன்
திரைப்படத்திற்கான டிக்கெட் முன்பதிவும் தொடங்கியது. இந்நிலையில் தமிழகத்தில் அதிகரித்து வரும் கொரோனோ பரவல் காரணமாக ஒரு சில கட்டுபாடுகளை அறிவித்துள்ளது தமிழக அரசு. அதில் திரையரங்கிற்கு 50% இருக்கைகளுக்கு மட்டுமே அனுமதி என்ற கட்டுப்பாடும் இடம்பெற்றுள்ளது. இதனால் கர்ணன் திரைப்படம் நாளை வெளியாகுமா இல்லையா என்ற குழப்பத்தில் இருக்கின்றனர்
தனுஷ்
ரசிகர்கள்.

தனுஷ் , ராஜிஷா விஜய், யோகி பாபு, லால் உள்ளிட்ட பலர் இந்த திரைப்படத்தில் நடித்துள்ளனர்.’அசுரன்’ திரைப்படத்தை தயாரித்த கலைப்புலி எஸ் தாணுவே, இந்த திரைப்படத்தையும் தயாரித்துள்ளார். அண்மையில் ‘கர்ணன்’ திரைப்படத்தின் பத்திரிக்கையாளர்கள் சந்திப்பும், இசை வெளியீட்டு விழாவும் எளிமையாக சென்னையில் நடைபெற்றது.

கர்ணன் திரைப்படத்தின் பர்ஸ்ட் லுக் போஸ்டர், பாடல்கள், டீசர், என படம் தொடர்பான அனைத்து செய்திகளும் டிரெண்டிங்கில் இடம் பிடித்தன. இதனால் படம் வெளியாகும் நாளை ஆர்வமுடன் எதிர்பார்த்து வந்தனர் தனுஷ் ரசிகர்கள். இசையமைப்பாளர்
சந்தோஷ் நாராயணன்
இசையமைத்துள்ள இந்த படத்தின் பாடல்கள் அனைத்தும் ரசிகர்களிடம் அமோக வரவேற்பை பெற்றுள்ளன. சமீபத்தில் வெளியான ‘பண்டாரத்தி புராணம்’ பாடல் சர்ச்சை நீதிமன்றம் வரை சென்றதால், ‘மஞ்சனத்தி பாடல்’ என்று மாற்றம் செய்தார் இயக்குனர்
மாரி செல்வராஜ்
.

சி.வி.குமாரின் அடுத்த திரைப்படம் குறித்து அதிகாரப்பூர்வ அறிவிப்பு: உறுதியானது மாயவன் 2!

‘கர்ணன்’ திரைப்படம் தொடர்பான அனைத்து செய்திகளையும் தினமும் தன்னுடைய ட்விட்டர் பக்கத்தில் வெளியிட்டு வந்தார் இயக்குனர் மாரி செல்வராஜ். இந்நிலையில் கொரோனோ இரண்டாம் அலை தொடங்கியுள்ளதால் ஒருசில கட்டுபாடுகளை அறிவித்துள்ளது தமிழக அரசு. நாளை மறுநாள் முதல் திரையரங்குகள் 50% இருக்கையுடன் மட்டுமே செயல்பட முடியும் என்ற கட்டுப்பாட்டையும் அறிவித்துள்ளது. இதனால் திட்டமிட்டபடி ‘கர்ணன்’ திரைப்படம் வெளியாகுமா என ரசிகர்கள் குழப்பத்தில் உள்ளனர்.

இந்நிலையில் ‘கர்ணன்’ திரைப்பட தயாரிப்பாளர் கலைப்புலி தாணு தனது தவிட்ட பக்கத்தில், ‘சொன்னது சொன்னபடி கர்ணன் திரைப்படம் நாளை திரைக்கு வரும், அரசின் அறிவிப்பின் படி, 50% இருக்கைகளோடு தக்க பாதுகாப்புடன் திரையிடப்படும், கர்ணன் திரைப்படத்திற்கு உங்கள் பேராதரவை தருமாறு அன்புடன் கேட்டுக்கொள்கின்றேன்’ என பதிவிட்டுள்ளார். இதனால் குஷியாகியுள்ள தனுஷ் ரசிகர்கள், நாளை கர்ணனை திரையரங்கில் காண ஆர்வமுடன் காத்திருக்கின்றனர்.

Leave a Comment

This site uses Akismet to reduce spam. Learn how your comment data is processed.