மிரட்டும் கொரோனா: தியேட்டர்களில் 50% இருக்கைகளுக்கு மட்டுமே அனுமதி, அப்போ கர்ணன்?

ஹைலைட்ஸ்:

தமிழகத்தில் அதிகரிக்கும் கொரோனா தொற்று
தியேட்டர்களில் 50 சதவீத இருக்கைகளுக்கு மட்டுமே அனுமதி
நாளை ரிலீஸாகும் தனுஷின் கர்ணன்

தமிழகத்தில் கொரோனா வைரஸால் பாதிக்கப்படுவோரின் எண்ணிக்கை வேகமாக அதிகரித்து வருகிறது. இரண்டாவது அலையில் பலரும் பாதிக்கப்படுகிறார்கள். இந்நிலையில் மக்கள் பின்பற்ற வேண்டிய புதிய விதிமுறைகளை தமிழக அரசு இன்று வெளியிட்டுள்ளது.

எதிர்பார்த்தது போன்றே தியேட்டர்களுக்கு அரசு புது உத்தரவிட்டுள்ளது. அரசு உத்தரவில் கூறப்பட்டிருப்பதாவது,

நிலையான வழிகாட்டு நடைமுறைகளைப் பின்பற்றி, ஒன்றுக்கு மேற்பட்ட திரையரங்குகள் உள்ள திரையரங்கு வளாகங்கள்(multiples), வணிக வளாகத்தில் (shopping malls)உள்ள திரையரங்குகள் உட்பட அனைத்து திரையரங்குகளும் 50 விழுக்காடு இருக்கைகளை மட்டுமே பயன்படுத்தி செய்லபட அனுமதிக்கப்படும் என்று தெரிவிக்கப்பட்டுள்ளது. வரும் 10ம் தேதி முதல் இந்த புதிய விதிமுறையை பின்பற்ற வேண்டும்.

மாரி செல்வராஜ் இயக்கத்தில்
தனுஷ்
நடித்துள்ள
கர்ணன்
படம் நாளை தியேட்டர்களில் ரிலீஸாகவிருக்கிறது. கர்ணன் ரிலீஸான மறுநாளே தியேட்டர்களில் 50 சதவீத இருக்கைகளை மட்டுமே பயன்படுத்த முடியும். இதனால் கர்ணன் படத்தின் வசூல் பாதிக்கப்படும் என்று அஞ்சப்படுகிறது. இருப்பினும் கர்ணனை பார்க்க மக்கள் குடும்பம் குடும்பமாக வருவார்கள் என்று எதிர்பார்க்கப்படுகிறது.

கடந்த ஆண்டு மார்ச் மாதம் கொரோனா வைரஸ் பிரச்சனை விஸ்வரூபம் எடுத்தபோது தமிழகத்தில் உள்ள அனைத்து திரையரங்குகளும் மூடப்பட்டன. பல மாதங்களாக மூடப்பட்டிருந்த திரையரங்குகள் கடந்த நவம்பர் மாதம் தான் மீண்டும் திறக்கப்பட்டன.

இந்நிலையில் இந்த புதிய விதிமுறையால் தியேட்டரில் படத்தை ரிலீஸ் செய்யலாம் என்று திட்டமிட்டவர்களும் ஓடிடியின் பக்கம் செல்லக்கூடும். கார்த்திக் சுப்புராஜ் இயக்கத்தில் தனுஷ் நடித்திருக்கும் ஜகமே தந்திரம் படம் ஓடிடியில் தான் வெளியாகவிருக்கிறது என்பது குறிப்பிடத்தக்கது.

தனுஷ் தற்போது அமெரிக்காவில் இருக்கிறார். அவர் அங்கு தங்கி தி கிரே மேன் ஹாலிவுட் படத்தில் நடித்து வருகிறார்.

ஊருக்கு வெளியே சத்தமில்லாமல் நடந்த ஐஸ்வர்யா ராஜேஷ் திருமணம்

Leave a Comment

This site uses Akismet to reduce spam. Learn how your comment data is processed.