ஏப்ரல் 7ஆம் தேதி அதிமுக எம்.எல்.ஏ.க்கள் கூட்டம்: எதிர்க்கட்சித் தலைவர் தேர்வு!

ஹைலைட்ஸ்:

எதிர்க்கட்சித் தலைவர், துணைத் தலைவராக யாரை தேர்ந்தெடுப்பது
தேர்தலில் வெற்றி பெற்ற அதிமுக எம்.எல்.ஏ.க்கள் கூட்டம் அதிமுக தலைமை அலுவலகத்தில் நடைபெறும்

தமிழக சட்டமன்றத் தேர்தலில் பதிவான வாக்குகள் நேற்று எண்ணப்பட்டன. அதில், திமுக கூட்டணி 159 இடங்களில் வெற்றி பெற்றுள்ளது. இந்த வெற்றியின் மூலம் திமுக தலைவர் ஸ்டாலின் தமிழகத்தின் அடுத்த முதல்வராக பதவியேற்கவுள்ளார். தேர்தலில்
அதிமுக
கூட்டணி 75 இடங்களில் வெற்றி பெற்று தோல்வியை சந்தித்துள்ளது.

இதனையடுத்து, முதல்வர் பதவியை
எடப்பாடி பழனிசாமி
ராஜினாமா செய்துள்ளார். அவரது ராஜினாமா கடிதத்தை ஏற்றுக்கொண்டுள்ள ஆளுநர், புதிய ஆட்சி அமையும் வரை பணிகளை தொடருமாறு கேட்டுக் கொண்டுள்ளார்.

முன்னதாக, அதிமுகவின் முதல்வர் வேட்பாளராக களமிறங்கிய எடப்பாடி பழனிசாமி, தான் போட்டியிட்ட எடப்பாடி தொகுதியில் தன்னை எதிர்த்து களம் கண்ட திமுக வேட்பாளார் சம்பத்தை வெற்றி கண்டார். சுமார் 1 லட்சம் வாக்குகளுக்கும் அதிகமாக பெற்று அவர் வெற்றி பெற்றுள்ளார்.

அதிமுக அறிக்கை

இந்த நிலையில், தேர்தலில் வெற்றி பெற்ற அதிமுக
எம்.எல்.ஏ.க்கள்
கூட்டம் ஒருங்கிணைப்பாளர்
ஓ.பன்னீர்செல்வம்
, இணை ஒருங்கிணைப்பாளர் பழனிசாமி தலைமையில் வருகிற 7ஆம் தேதி மாலை 4.30 மணிக்கு அதிமுக தலைமை அலுவலகத்தில் நடைபெறும் என்று அக்கட்சித் தலைமை அறிவித்துள்ளது.

ஈபிஎஸ் ராஜினாமா ஏற்பு: தமிழக சட்டப்பேரவை கலைக்கப்பட்டது!

இந்த கூட்டத்தில் எதிர்க்கட்சித் தலைவர், துணைத் தலைவராக யாரை தேர்ந்தெடுப்பது, பேரவைக்கு செல்லும் எம்.எல்.ஏ.க்களுக்கான வழிகாட்டல்கள், அடுத்து செய்ய வேண்டிய விஷயங்கள் உள்ளிட்டவைகள் குறித்து விரிவாக விவாதிக்கப்படும் என்று தெரிகிறது.

Leave a Comment

This site uses Akismet to reduce spam. Learn how your comment data is processed.