பேராண்மையுடன் நின்றதே வெற்றி: கமலுக்கு ஆறுதல் ட்விட் பகிர்ந்த பார்த்திபன்!

ஹைலைட்ஸ்:

கோவை தெற்கு தொகுதியில் போட்டியிட்ட கமல்.
1500 வாக்கு வித்தியாசத்தில் வென்ற வானதி சீனிவாசன்.
கமலுக்கு ஆறுதல் ட்விட் போட்ட பார்த்திபன்.

நடந்து முடிந்த தமிழக சட்டசபை தேர்தலில் பல ஸ்டார் வேட்பாளர்கள் தோல்வியை தழுவியுள்ளனர். அந்த வகையில் கோவை தெற்கு தொகுதியில் போட்டியிட்ட
மக்கள் நீதி மையம்
தலைவர்
கமல்ஹாசன்
கடும் போராட்டத்திற்கு பின்னர் தன்னை எதிர்த்து போட்டியிட்ட வானதி சீனிவாசனிடம் 1500 வாக்கு வித்தியாசத்தில் தோல்வியை தழுவினார். இந்நிலையில் இயக்குனரும் நடிகருமான
பார்த்திபன்
தனது ட்விட்டர் பக்கத்தில் நடிகர் கமலுக்கு ஆறுதல் கூறியுள்ளார்.

கோவை தெற்கு தொகுதியில் மக்கள் நீதி மய்யம் தலைவர் கமல்ஹாசனும் காங்கிரஸ் சார்பாக மயூரா ஜெயக்குமாரும், பாஜக சார்பாக வானதி சீனிவாசனும் போட்டியிட்டனர். வானதிக்கும், கமல்ஹாசனுக்கும் இடையே நேரடி போட்டி நிலவியது. நேற்றைய தினம் வாக்கு எண்ணிக்கையின் போது, ஆரம்ப சுற்றுகளில் மயூரா ஜெயக்குமாரும், கமல்ஹாசனும் மாறி மாறி முன்னிலை வகித்தனர்.

ஒரு கட்டத்திற்கு மேலே மயூரா ஜெயக்குமாரை பின்னுக்கு தள்ளி, வானதிக்கும் கமலுக்கும் இடையே கடுமையான போட்டி நிலவி வந்தது. ஆரம்ப சுற்றுகளில் கமல் முன்னிலை வகிக்க, எப்படியாவது அவர் ஜெயித்து விடுவார் என்று அனைவரும் எதிர்பார்த்தனர். ஆனால் கடைசி சுற்றுகளில் முன்னிலை வகித்த பாஜக வேட்பாளர்
வானதி சீனிவாசன்
1500 வாக்கு வித்தியாசத்தில் கமலை தோற்கடித்தார்.

வாழ்த்தோடு கோரிக்கை வைத்த இசைப்புயல்: ஆஸ்கார் நாயகனின் நம்பிக்கையை நிறைவேற்றி தருவதாக உறுதியளித்த மு.க.ஸ்டாலின்!

நீண்ட போராட்டத்திற்கு பிறகு தோல்வியை தழுவிய கமலுக்கு பலரும் ஆறுதல் தெரிவித்து வருகின்றனர். காலையில் கமல் முன்னிலையில் இருந்த போது முதல் ஆளாக ” kaMaL A” என வித்தியாசமாக டிவிட்டரில் பதிவிட்டிருந்தார் பாரத்திபன். எம்.எல்.ஏ கமல் என்பதை குறிக்கும் வகையில் அவர் பதிவிட்டிருந்தது அனைவரிடம் கவனம் பெற்றது.

இதனையடுத்து தேர்தலில் தோல்வியடைந்துள்ள கமலுக்கு ஆறுதல் கூறும் வகையில் பார்த்திபன் மீண்டும் ஒரு ட்விட்டர் பதிவை வெளியிட்டுள்ளார். அதில், திரு கமல் அவர்களின் வெற்றி என்பது…. வெற்றி தோல்வி-எண்ணிக்கையில் இல்லாமல், தன்னம்பிக்கையில் மக்களுக்காக உழைக்க முன்வந்து, அரசியல் க(ள்)ளம் அறிந்தப் பின்(னும்) வாங்காமல்,வெல்வதற்கு கூட்டு பொரியல் ஏதும் வைக்காமல் பேராண்மையுடன் நின்றதே!!! என குறிப்பிட்டுள்ளார்.

Leave a Comment

This site uses Akismet to reduce spam. Learn how your comment data is processed.