ஸ்டாலின் விஷயத்தில் அடிச்சாங்க பாரு அந்தர் பல்ட்டி: கஸ்தூரியை கலாய்க்கும் நெட்டிசன்ஸ்

ஹைலைட்ஸ்:

ஸ்டாலின் வெற்றி பெறுவார் என்று எதிர்பார்த்தேன்- கஸ்தூரி
கஸ்தூரியை கிண்டல் செய்யும் சமூக வலைதளவாசிகள்
தமிழகத்தில் ஆட்சி அமைக்கும் திமுக

தமிழக சட்டசபை தேர்தல் கடந்த மாதம் 6ம் தேதி நடந்தது. தேர்தலில் பதிவான வாக்குகள் நேற்று எண்ணப்பட்டு முடிவுகள் அறிவிக்கப்பட்டது. பெரும்பான்மை பெற்றுள்ள
திமுக
ஆட்சியை பிடித்துள்ளது. திமுக தலைவர் மு.க. ஸ்டாலின் முதல்வராகவிருக்கிறார்.

அவரின் மகன் உதயநிதி ஸ்டாலின் சேப்பாக்கம் தொகுதியில் அமோக வெற்றி பெற்றுள்ளார். ஸ்டாலின் மற்றும் உதயநிதியின் வெற்றி குறித்து
கஸ்தூரி
ட்வீட் செய்துள்ளார். மு.க. ஸ்டாலின் தலைமையில் புது அத்தியாயம் துவங்கப் போகிறது. கோவிட் பிரச்சனையாக இருப்பதால் அவர் பிசியாக இருப்பார் என்று

ட்வீட் செய்தார் கஸ்தூரி.

அதை பார்த்த ஒருவரோ, ஸ்டாலின் வெற்றி பெறுவார் என்று எதிர்பார்த்தீர்களா என்று கேட்க கஸ்தூரியோ, கண்டிப்பாக, அதில் சந்தேகமே இல்லை என்று பதில் அளித்தார்.

கஸ்தூரியின் பதிலை பார்த்தவர்களோ,

கஸ்தூரி அக்கா அடிச்சாங்க பாரு அந்தர் பல்ட்டி. திமுக வேண்டாம் என்று இதே கைகள் தான் ட்வீட் செய்தன. தற்போது திமுக வெற்றி பெற்றதும் பிளேட்டை மாற்றுகிறார்.

“களங்கள் அனைத்திலும் அதிமுக வெல்லும்; கடமைகள் அழைக்கின்றன வெற்றிமாலை சூட தயாராகுங்கள் ” – அதிமுக தலைமை என்று ட்வீட் போட்டதை நாங்கள் இன்னும் மறக்கவில்லை.

அது வேற வாய், இது வேற வாய் போன்று. ஆட்சி செய்வது ஒன்றும் திமுகவுக்கு புதிது அல்ல. காலி கஜானா, கோவிட் பிரச்சனையை சமாளிக்க வேண்டியிருக்கிறது என தெரிவித்துள்ளனர்.

அய்யோ திமுக வேண்டாம்: என்னம்மா கஸ்தூரி, இப்படி சொல்லிட்டீங்களேமா
முன்னதாக ஸ்டாலின் பிரச்சாரம் செய்தபோது எடுக்கப்பட்ட புகைப்படத்தை ட்விட்டரில் வெளியிட்டு வெல்வோம் என ஒருவர் ட்வீட் செய்தார். அதை பார்த்த கஸ்தூரியோ, அய்யோ வேணாம் என கமெண்ட் போட்டார். அதை பற்றி தான் தற்போது சமூக வலைதளவாசிகள் கூறுகிறார்கள்.

இது தவிர்த்து நாகர்கோவில் தொகுதியில் பாஜக சார்பில் போட்டியிட்ட எம்.ஆர். காந்தி வெற்றி பெற்றதை பார்த்த கஸ்தூரி, தன்னுடைய தேர்தல் கருத்துக்கணிப்புகள் அனைத்தும் கிட்டத்தட்ட உண்மையாகிவிட்டதாக கூறியுள்ளார்.

Leave a Comment

This site uses Akismet to reduce spam. Learn how your comment data is processed.