தயாரிப்பாளர்களில் இப்படியும் சிலர் இருக்கிறார்கள்: கமல் ஹீரோயின் திடுக் தகவல்

ஹைலைட்ஸ்:

சில தயாரிப்பாளர்கள் பற்றி ரவீணா திடுக் தகவல்
ஓடிடி பற்றி மகிழ்ச்சி தெரிவித்த ரவீணா டாண்டன்
கே.ஜி.எஃப். 2 படத்தில் நடித்திருக்கும் ரவீணா டாண்டன்

மனதில் பட்டதை பளிச்சென்று பேசுவதற்கு பெயர் போனவர்
பாலிவுட்
நடிகை
ரவீணா டாண்டன்
. இந்நிலையில் அவர் சில
தயாரிப்பாளர்கள்
, சமூக வலைதளங்கள், ஓடிடி தளங்கள் பற்றி பேட்டி ஒன்றில் மனம் திறந்து பேசியுள்ளார்.

அந்த பேட்டியில் ரவீணா கூறியருப்பதாவது,

சமூக வலைதளங்கள் மூலம் கிடைக்கும் ரீச் எனக்கு பிடித்திருக்கிறது. இது ஒரு வரம், அதே சமயம் நெகட்டிவிட்டி, கிண்டல்களால் சாபமும் கூட. ஆனால் கலைஞர்களான நாங்கள் இதை எப்பொழுதுமே எதிர்கொண்டு வருகிறோம்.

சில நெகட்டிவான ஆட்கள் தயாரிப்பாளர்களாகிவிட்டனர். அவர்கள் நடிகர்கள், நடிகைகளை தங்கள் தாளத்திற்கு ஏற்ப ஆட வைக்கிறார்கள்.

அவர்களிடம் இருந்து நான் எப்பொழுதும் தள்ளியே இருக்கிறேன். நான் ட்ரோல்களை கண்டுகொள்வது இல்லை. அதை தான் நாம் செய்ய முடியும். பாசிட்டிவாக இருப்பவர்களுடன் தான் இருக்க வேண்டும்.

கொரோனா வைரஸ் பிரச்சனையால் தியேட்டர் ரிலீஸ் முடிவுக்கு வந்துவிடும் என்று நான் நினைக்கவில்லை. நிலைமை சரியான பிறகு படங்கள் மீண்டும் தியேட்டர்களில் வெளியாகும். பொழுதுபோக்கிற்கு மக்கள் வேறு எங்கு செல்ல முடியும்?. தியேட்டர்கள், மால்கள் தான் இருக்கின்றன.

அந்த இடங்களுக்கு மீண்டும் செல்லவே மக்கள் காத்துக் கொண்டிருக்கிறார்கள் என்று நினைக்கிறேன். நான் இன்றைய காலகட்டத்தில் முதல் படத்தில் நடிப்பதாக இருந்தால் சஞ்சய் லீலா பன்சாலி இயக்குவது போன்ற படங்களில் நடிக்க விரும்புகிறேன்.

ஹைவே படத்தை பார்த்து அசந்துவிட்டேன். நடிகைகளை வைத்து பல புது மற்றும் இளம் இயக்குநர்கள் சிறந்த படங்களை கொடுத்து வருகிறார்கள். நான் இன்னும் திரைத்துறையில் இருந்து, மாற்றங்களை பார்ப்பதில் மகிழ்ச்சியாக இருக்கிறது.

நான் கேஜிஎஃப் 2 படத்தில் நடித்து முடித்திருக்கிறேன். இது போன்ற நல்ல கதாபாத்திரங்களில் நடிப்பதில் மகிழ்ச்சி.

ஓடிடியில் பெண்களை மையமாக வைத்து எடுக்கப்படும் கன்டென்ட்டை பார்த்து சந்தோஷமாக இருக்கிறது. பல ஆண்டுகளுக்கு முன்பு பெண்களை மையமாக வைத்து படங்கள் எடுக்கப்பட்டது. ஆனால் இந்த அளவுக்கு இல்லை. ஓடிடியில் ஆண்களை விட பெண்களுக்கு அதிக வாய்ப்பு கிடைக்கிறது. இது ஒரு நல்ல டிரெண்ட் என்றார்.

செட்டில் பயங்கர சண்டை: மாறி மாறி அடித்துக் கொண்ட 2 ஹீரோயின்கள்

Leave a Comment

This site uses Akismet to reduce spam. Learn how your comment data is processed.