மீண்டும் ஆலோசிக்கும் ஸ்டாலின்: அடுத்து என்ன அறிவிப்பு?

முதலமைச்சராக பதவியேற்காவிட்டாலும்
கொரோனா தடுப்பு
நடவடிக்கை குறித்து தமிழக தலைமைச் செயலாளரும், சுகாதாரத் துறை அதிகாரிகளும் மு.க.ஸ்டாலினிடம்தான் தொடர்ந்து ஆலோசனை நடத்தி வருகின்றனர்.

தேர்தல் முடிவுகள் வெளியாகிக் கொண்டிருந்த சமயம், திமுக முன்னிலை வகித்தபோதே சுகாதாரத் துறைச் செயலாளர்
ராதாகிருஷ்ணன்
பூங்கொத்துடன், முக்கிய கோப்புகளையும் எடுத்துச் சென்று வாழ்த்து தெரிவித்துவிட்டு கொரோனா நிலவரங்களையும் விளக்கிவிட்டு வந்தார்.

ஏன் திடீர் ஊரடங்கு அறிவிப்பு? ஸ்டாலின் காட்டிய க்ரீன் சிக்னல்!

நேற்று இரவு தமிழக
தலைமைச் செயலாளர்
ராஜீவ் ரஞ்சன், சுகாதாரத் துறைச் செயலாளர் ராதாகிருஷ்ணன், பணீந்திர ரெட்டி, ஜெகநாதன் உள்ளிட்ட அதிகாரிகள்
மு.க.ஸ்டாலின்
வீட்டில் ஆலோசனை நடத்தினர். “கொரோனா தடுப்பு குறித்து அரசு அதிகாரிகளுடன் ஆலோசனை நடத்தப்பட்டது. தடுப்பு நடவடிக்கைகள் முழுமுனைப்புடன் நடைபெற்றிட வலியுறுத்தினேன்.

மக்கள் அனைவரும் முகக்கவசம் அணிந்து, சமூக இடைவெளி கடைப்பிடித்து, அரசின் வழிகாட்டு நெறிமுறைகளைப் பின்பற்றி நோய்ப்பரவலைத் தடுத்திட உதவ வேண்டும்” என அந்த சந்திப்பு குறித்து ஸ்டாலின் தகவல் தெரிவித்தார்.

சூப்பர் நியூஸ்: வந்தது பணி நிரந்தர ஆணை! செவிலியர்கள் உற்சாகம்!

அதன்பின்னர் தமிழக அரசு சார்பில் மே 6ஆம் தேதி முதல் 20ஆம் தேதி வரை
ஊரடங்கு
கட்டுப்பாட்டு அறிவிப்புகள் வெளியாகின.

இந்நிலையில் இன்று மீண்டும் தலைமைச் செயலாளர், சுகாதாரத் துறை அதிகாரிகள் உள்ளிட்ட அதிகாரிகள் மு.க.ஸ்டாலின் வீட்டுக்குச் சென்று ஆலோசனை நடத்தி வருகின்றனர். இதனால் இந்த சந்திப்புக்குப் பின் முக்கிய் அறிவிப்புகள் வெளியாகுமா என்ற எதிர்பார்ப்பு உருவாகியுள்ளது.

தமிழகத்தில் பேருந்து சேவை ரத்தாகுமா? அரசின் முடிவால் அதிர்ச்சி!

இன்று மாலை திமுக எம்எல்ஏக்கள் கூட்டம் அண்ணா அறிவாலயத்தில் நடைபெறுகிறது. அதில் மு.க.ஸ்டாலின் சட்டமன்றத் தலைவராக தேர்ந்தெடுக்கப்பட உள்ளார்.

Leave a Comment

This site uses Akismet to reduce spam. Learn how your comment data is processed.