தொழிலதிபரை கரம் பிடித்த நடிகை வித்யுலேகா: குவியும் வாழ்த்துக்கள்!

கெளதம் மேனன் இயக்கத்தில், ஜீவா, சமந்தா நடிப்பில் வெளியான ‘நீதானே என் பொன் வசந்தம்’ படம் மூலம் சினிமாவில் அறிமுகமானவர் வித்யுலேகா. அந்தப்படத்தில் நடிகர் சந்தானத்துக்கு ஜோடியாக நடித்து இருப்பார். இந்நிலையில் இவருக்கும் தொழிலதிபர் சஞ்சய்க்கும் திருமணம் நடந்து முடிந்துள்ளது.

வீரம், புலி, ஜில்லா ஆகிய படங்களில் நடித்து ரசிகர்கள் மத்தியில் பரீட்சியமான நடிகையாக வலம் வந்தவர் வித்யுலேகா. பப்ளியான லுக்கில் காமெடியில் கலக்கி வந்த சமயத்தில் உடல் எடையை குறைக்கும் முயற்சிகளில் இறங்கினார் வித்யுலேகா. அதன்பின்னர் ஓரளவிற்கு உடலை குறைத்து அடிக்கடி தனது கவர்ச்சியான புகைப்படத்தை தனது சமூகவலைத்தளங்களில் பதிவிட்டு வந்தார்.

இந்நிலையில் கடந்த ஆண்டு ஊரடங்கு சமயத்தில், சென்னையைச் சேர்ந்த தொழிலதிபர் சஞ்சய் உடன் வித்யுலேகாவுக்கு நிச்சயதார்த்தம் நடைபெற்றது. குடும்ப உறுப்பினர்கள் மட்டும் அதில் கலந்து கொண்டனர். தனது நிச்சயதார்த்த புகைப்படங்களை சமூக வலைத்தள பக்கத்தில் பகிர்ந்திருந்தார் வித்யுலேகா. அவருக்கு ரசிகர்கள் மற்றும் பிரபலங்கள் பலரும் வாழ்த்துக்கள் கூறினார்கள்.

இது என்ன புது ட்விஸ்ட்?: தீபாவளி ரேஸில் களமிறங்கும் சிம்புவின் ‘மாநாடு’!

இந்நிலையில் கடந்த சில தினங்களுக்கு முன்பாக நடைபெற்ற வித்யுலேகா மெஹந்தி பங்க்ஷனில் இயக்குனர்
செல்வராகவன்
தனது மனைவியுடன் கலந்துக்கொண்டார். கீதாஞ்சலியின் தங்கை தான் நடிகை வித்யூலேகா ராமன். இவர் பிரபல சீரியல் நடிகர் மோகன் ராமனின் மகள் என்பது குறிப்பிடத்தக்கது. இந்நிலையில் தற்போது சஞ்சய்யும், வித்யுலேகாவும் திருமணம் செய்து கொண்டனர். இவர்களுக்கு பலரும் வாழ்த்துக்கள் தெரிவித்து வருகின்றனர்.

Leave a Comment

This site uses Akismet to reduce spam. Learn how your comment data is processed.