நண்பன் விவேக் இடத்தையும் சேர்த்து நிரப்ப வேண்டிய பொறுப்பு உள்ளது – வடிவேலு!

வடிவேலு
மீதான பிரச்சினைகள் அனைத்தும் சுமூகமாக பேசி தீர்க்கப்பட்டு மீண்டும் நடிக்கத் தொடங்கியுள்ளார். முதலாவதாக
லைகா நிறுவனம்
தயாரிப்பில்
சுராஜ்
இயக்கத்தில் உருவாகும் படத்தில் நடிக்கவுள்ளார் வடிவேலு. இந்த படத்தின் பத்திரிகையாளர் சந்திப்பு நேற்றைய தினம் சென்னையில் இன்று நடைபெற்றது. அதில், பத்திரிகையாளர்கள் எழுப்பிய பல கேள்விகளுக்கு பதிலளித்தார் வடிவேலு.

தமிழக முதலமைச்சரை சந்தித்தது பற்றி கேட்ட போது, என்னைப் பார்த்தவுடன் சீக்கிரம் படம் நடிங்க வடிவேலு என்று சொன்னார். கண்டிப்பாக உங்க ஆசீர்வாதம் இருக்கும் வரை எனக்கு ஒரு குறையும் இல்லண்ணே என்றேன். அப்படியே கொஞ்ச நேரம் உட்கார்ந்து பேசினேன். குடும்பத்தைப் பற்றி எல்லாம் விசாரித்து அனுப்பினார். முதல்வரைப் பார்த்ததிலிருந்தே எனக்கு நல்ல நேரமாக இருந்தது.

தயாரிப்பாளர் சங்கமும் அப்புறமாகப் பேசி உங்களுக்கு ரெட் கார்டே போடவில்லை. ரெட் என்று சொன்னது பொய். வாய்மொழியில்தான் உங்களை நடிக்கவிடாமல் செய்துள்ளார்கள். நீங்கள் வாங்கப் பிரச்சினையைப் பேசி முடித்துவிடுவோம் என்றார்கள். அதற்குள் சுபாஷ்கரன் ஐயா வந்து பிரச்சினையை முடித்துவிட்டார்.

விபத்தில் சிக்கிய பிரபல இளம் நடிகர்: படுகாயங்களுடன் மருத்துவமனையில் அனுமதி

அதன்பின்னர் நீங்கள் நடிக்க வந்தது தெரிந்து நடிகர்கள் யாராவது உங்களை அணுகினார்களா என கேட்கப்பட்ட போது, நிறைய போன் வந்து கொண்டிருக்கிறது. எல்லாமே நல்ல கதைகளாக வந்துள்ளன. லாரன்ஸ் சார், அர்ஜுன் சார், சிவகார்த்திகேயன் ஆகியோர் பேசியிருக்கிறார்கள். 2 படங்கள் மட்டும் கதையின் நாயகனாக நடித்துவிட்டு, அப்புறம் முழுக்க காமெடியன்தான் என கூறினார்.

மேலும், நடிகர்
விவேக்
மறைவு குறித்த கேட்கப்பட்ட போது, அவன் ஒரு அருமையான நண்பன். அவன் இறந்தது திரையுலகிற்கும், மக்களுக்கும் பெரிய இழப்பு. அவனுடைய இறப்பை என்னால் மறக்கவே முடியாது. என்னுடைய சக நடிகன். அவன் போனது பெரிய வேதனை. அவன் ஆத்மா சாந்தி அடைய வேண்டும். அவன் இடத்தையும் சேர்த்து நிரப்ப வேண்டிய பொறுப்பைக் கடவுள் எனக்குக் கொடுத்துள்ளார் என தெரிவித்துள்ளார் வடிவேலு.

Leave a Comment

This site uses Akismet to reduce spam. Learn how your comment data is processed.