ஸ்டாலினின் பலே திட்டம்: போன முறை நடந்த தப்பு இனி நடக்காது!

தமிழ்நாட்டில் அதிக கடனில் சிக்கித் தவிக்கும் துறையாக மின்சாரத் துறை உள்ளது. ஆயிரக்கணக்கான கோடி ரூபாயை வட்டியாக மட்டுமே செலுத்துகிறது இத்துறை.

மின்வெட்டு பிரச்சினையை சமாளிக்க மிக அதிக விலைக்கு தனியாரிடம் மின்சாரத்தை பெற்றதே இந்த கடனுக்கு முக்கிய காரணம் என்று கூறப்படுகிறது. நாளுக்கு நாள் மின்சாரத் தேவை அதிகரித்தபடியே வருகிறது. ஒரு லட்சம் இணைப்புகள் வேண்டி விண்ணப்பங்கள் வந்த வண்ணம் உள்ளன.

காற்றாலை, அனல் மின் நிலையம், அணு மின் நிலையம் என பல வழிகளில் மின்சாரம் உற்பத்தி செய்யப்படுகிறது. உற்பத்தியை அதிகரிக்காமல் மக்களின் தேவையை பூர்த்தி செய்ய முடியாது. அந்த வகையில்
மு.க.ஸ்டாலின்
தலைமையிலான தமிழ்நாடு அரசு காற்றாலை மூலம் மின் உற்பத்தியை அதிகரிக்க புதிய திட்டமிட்டுள்ளது.

மாணவர்களுக்கு சர்ப்ரைஸ் நியூஸ்: வகுப்புகள் முடியும் நேரத்தில் மாற்றம்?

அந்த வகையில் இந்தியாவிலேயே முதன்முறையாக தமிழ்நாட்டில்
மிதக்கும் காற்றாலை
அமைக்கப்பட உள்ளது. டென்மார்க் உதவியுடன் இந்த காற்றாலைகள் அமைக்கப்பட உள்ளன. மன்னார் வளைகுடா பகுதிகளிலும், அங்குள்ள தீவுகளிலும் முதற்கட்டமாக காற்றாலைகள் அமைக்கப்படும் என்றும் இதுதவிர தமிழ்நாட்டில் காற்று அதிகம் வீசக்கூடிய கடற்கரைகளை தேர்வு செய்து அங்கும் காற்றாலைகளை அமைக்க முடிவு செய்யப்படும் என்றும் கூறப்படுகிறது.

எங்க போறதுனே தெரியல, இப்படி வந்து நிக்கிறேன்… பெண்ணின் கண்ணீர்..!

இது தொடர்பாக டென்மார்க் மின்சக்தி அமைச்சர் ஜானிக் ஜோர்சென்சன் தலைமையில் 50 பேர் கொண்ட குழு அண்மையில் தமிழ்நாடு வந்தது. செப்டம்பர் 8ஆம் தேதி சென்னை சேப்பாக்கம் கலைவாணர் அரங்கில் முதலமைச்சர் மு.க.ஸ்டாலினை சந்தித்து பேசினர்.

தமிழ்நாட்டில் எந்த மாதிரியான காற்றாலைகளை அமைப்பது, எவ்வாறு அதை செயல்படுத்துவது என்பது குறித்து ஆலோசனை நடத்தினர். இந்த திட்டத்தில் ரூ.35 ஆயிரம் கோடி முதல் ரூ.70 ஆயிரம் கோடி வரை முதலீடு செய்யப்பட உள்ளதாகவும் கடலில் அமைக்கப்படும் காற்றாலைகள் மூலம் 4 ஆயிரம் மெகாவாட் முதல் 10 ஆயிரம் மெகாவாட் வரை மின்சாரம் உற்பத்தி செய்ய இலக்கு நிர்ணயம் செய்யப்பட்டிருப்பதாகவும் கூறப்படுகிறது.

கை நீட்டிய திமுக அமைச்சர்: கோட்டை முழுக்க இதுதான் பேச்சு!

2011 தேர்தலில் திமுக தோல்வியடைந்ததற்கு முக்கிய காரணங்களில் ஒன்றாக இருந்தது மின் வெட்டுப் பிரச்சினை. இம்முறை ஆட்சிப் பொறுப்பேற்ற பின்னரும்கூட மின் வெட்டு பிரச்சினை லேசாக தலை தூக்கியது. பராமரிப்பு பணிகள் பல மாதங்களாக மேற்கொள்ளப்படாததாலே மின் வெட்டு ஏற்படுகிறது என மின்சாரத் துறை அமைச்சர்
செந்தில் பாலாஜி
விளக்கம் அளித்தார்.

இருப்பினும் திமுக வந்தாலே மின் வெட்டு பிரச்சினையும் வந்துவிடுகிறது என விமர்சனங்கள் எழுந்தன. ஆனால் அத்தகைய விமர்சனங்கள் இனி வரக்கூடாது, தமிழ்நாடு மின்மிகை மாநிலமாக மாற வேண்டும் என்பதற்காக ஸ்டாலின் எடுக்கும் முயற்சிகளில் முக்கியமானது இந்த மிதக்கும் காற்றாலை திட்டம் என்கின்றனர்.

Leave a Comment

This site uses Akismet to reduce spam. Learn how your comment data is processed.