Samsung Galaxy Wide5 ஸ்மார்ட்போன் அறிமுகம்: எப்போது இந்திய அறிமுகம்? என்ன விலை?

ஹைலைட்ஸ்:

தென் கொரியாவில் அறிமுகமான புதிய சாம்சங் ஸ்மார்ட்போன்
அது இந்தியாவிலும் விரைவில் அறிமுகமாகும் ஆனால் வேறு பெயரில்
என்ன பெயரில், என்ன விலைக்கு வரும், என்னென்ன அம்சங்களை பேக் செய்யும்?

SK டெலிகாம் உடன் இணைந்து சாம்சங் நிறுவனம் தனது கேலக்ஸி வைட் 5 ஸ்மார்ட்போனை தென் கொரியாவில் அறிமுகப்படுத்தியுள்ளது.

ஜியோபோன் நெக்ஸ்ட் விற்பனை தள்ளிபோனது; என்ன ஆச்சு? அடுத்து எப்போது?

இந்த லேட்டஸ்ட் ஸ்மார்ட்போன் ஆனது 5ஜி ஆதரவு, 6.6 இன்ச் அளவிலான Full எச்டி+ டிஸ்ப்ளே, மீடியாடெக் டைமன்சிட்டி 700 SoC ப்ராசஸர், 64 மெகாபிக்சல் ட்ரிபிள் ரியர் கேமரா அமைப்பு மற்றும் 5,000 எம்ஏஎச் பேட்டரி போன்ற முக்கிய அம்சங்களை பேக் செய்கிறது.

2 மலிவான ஜியோ போன் ரீசார்ஜ்கள் திடீர் நிறுத்தம்; பயனர்கள் ஷாக்!

சாம்சங் கேலக்ஸி வைட் 5 ஸ்மார்ட்போன் இந்தியாவில் கூடிய விரைவில் அறிமுகமாகும் என்று கூறப்படும் கேலக்ஸி எஃப்42 5ஜி மாடலின் அதே மாடல் நம்பரைக் கொண்டுள்ளது, அதாவது எஸ்எம்-இ 426 பி-டிஎஸ் என்கிற மாடல் நம்பருடன் வருகிறது.

சாம்சங் நிறுவனம் விரைவில் கேலக்ஸி எஃப் 42 5 ஜி ஸ்மார்ட்போனை இந்தியாவில் அறிமுகம் செய்ய இருப்பதாக வதந்திகள் பரவி வருகிறது. ஆக அது கேலக்ஸி வைட் 5 ஸ்மார்ட்போனின் “மறுவடிவமைக்கப்பட்ட” எடிஷனாக இருக்கும் என்று எதிர்பார்ப்பது பெரிய தவறு ஒன்றும் இல்லை.

சாம்சங் கேலக்ஸி வைட் 5 ஸ்மார்ட்போனின் விலை:

சாம்சங் கேலக்ஸி வைட் 5 மாடலின் சிங்கிள் 6 ஜிபி ரேம் + 128 ஜிபி ஸ்டோரேஜ் ஆப்ஷன் ஆனது தென் கொரியாவில் இந்திய மதிப்பின்படி தோராயமாக ரூ.28,280 க்கு அறிமுகம் செய்யப்பட்டுள்ளது.

SK டெலிகாமின் ஆன்லைன் மற்றும் ஆஃப்லைன் கடைகள் வழியாக இது கருப்பு, வெள்ளை மற்றும் நீல வண்ணங்களில் வாங்க கிடைக்கிறது.

சாம்சங் கேலக்ஸி வைட் 5 ஸ்மார்ட்போனின் அம்சங்கள் மற்றும் விவரக்குறிப்புகள்:

சாம்சங் கேலக்ஸி வைட் 5 ஆனது 6.6 இன்ச் அளவிலான FHD+ AMOLED டிஸ்ப்ளேவை கொண்டுள்ளது, இதில் 8 MP செல்பீ கேமரா உள்ளது.

இந்த ஸ்மார்ட்போன் மீடியாடெக் டைமென்சிட்டி 700 சிப்செட் மூலம் இயக்கப்படுகிறது, உடன் 6 ஜிபி ரேம் மற்றும் 128 ஜிபி இன்டர்னல் ஸ்டாராஜை பேக் செய்கிறது. இதன் ஸ்டோரேஜை மைக்ரோ எஸ்டி கார்டு வழியாக விரிவாக்கும் ஆதரவும் கிடைக்கிறது.

செக்யூரிட்டிக்காக, இந்த ஸ்மார்ட்போன் பக்கவாட்டில் பொருத்தப்பட்ட பிங்கர் பிரிண்ட் சென்சார் உடன் வருகிறது. சாஃப்வேரை துறையில், நீங்கள் அவுட் ஆப் பாக்ஸ் ஆண்ட்ராய்டு 11 ஓஎஸ்-ஐ பெறுவீர்கள்.

கேமராக்களைப் பொறுத்தவரை, கேலக்ஸி வைட் 5 ஸ்மார்ட்போன் அதன் பின்புறத்தில் மூன்று கேமராக்களை கொண்டுள்ளது. அது 64 எம்பி ப்ரைமரி சென்சார் + 5 எம்பி அல்ட்ரா-வைட்-ஆங்கிள் லென்ஸ் (115 டிகிரி ஃபீல்ட்-ஆஃப்-வியூ) + 2 எம்பி டெப்த் சென்சார் ஆகியவைகள் ஆகும்.

இந்த ஸ்மார்ட்போன் 5,000 எம்ஏஎச் பேட்டரியுடன் 15W ஃபாஸ்ட் சார்ஜிங் ஆதரவுடன் அனுப்பப்படும். குறிப்பிட்ட 15W வழியாக இந்த பிராண்ட் அதன் மிட் ரேன்ஞ் ஸ்மார்ட்போன்களுக்கு ட்ரூலி பாஸ்ட் சார்ஜிங் வேகங்களை வழங்க எந்த வகையிலும் ஆர்வம் காட்டவில்லை என்பதை அறிய முடிகிறது.

இதே பாணி இந்தியாவிற்கு வரும் கேலக்ஸி எஃப்42 5ஜி மாடலிலும் கட்டவிழ்க்கப்படுமா என்பதை பொறுத்திருந்து தான் பார்க்க வேண்டும்.

Leave a Comment

This site uses Akismet to reduce spam. Learn how your comment data is processed.