ஏவுகணை சோதனை செய்த வட கொரியா: தென் கொரியா தகவல்!

ஹைலைட்ஸ்:

ஏவுகணை சோதனை செய்த வட கொரியா
தென் கொரியா தகவல்!

வட கொரியா இரண்டு ஏவுகணை சோதனைகளை நடத்தி உள்ளதாக தென் கொரியா அரசு தரப்பில் தெரிவிக்கப்பட்டு உள்ளது.

கிழக்கு ஆசிய நாடான
வட கொரியா
, அண்மையில் இரண்டு ஏவுகணை சோதனைகளை நடத்தியதாக தகவல்கள் வெளியாகின. இது குறித்து கவலை தெரிவித்த அமெரிக்கா, வட கொரியாவின்
ஏவுகணை சோதனை
அண்டை நாடுகளுக்கு மட்டுமல்லாமல், உலக நாடுகளுக்கும் அச்சுறுத்தலாக உள்ளது எனத் தெரிவித்தது.

இந்நிலையில், தென் கொரிய ராணுவம் வெளியிட்டுள்ள அறிக்கையில், வட கொரியா புதன் கிழமையன்று கிழக்கு கடற்பகுதியில் இரண்டு ஏவுகணை சோதனைகளை நடத்தியது. ஒரே வாரத்தில் இரண்டு முறை ஏவுகணை சோதனைகளை நடத்தி உள்ளது. இந்த ஏவுகணை சோதனை குறித்து அமெரிக்காவும், தென் கொரியாவும் ஆய்வு செய்து வருகின்றன என்று தெரிவிக்கப்பட்டு உள்ளது.

என்ன கொடுமை சார் இது..! – எல்லைகளில் காத்திருக்கும் ஆப்கன் மக்கள்!

ஏவுகணை சோதனை நடத்தி அண்டை நாடுகளுக்குப் பதற்றத்தை ஏற்படுத்தி வரும் வட கொரியாவுக்கு ஐக்கிய நாடுகள் பாதுகாப்பு கவுன்சில் பலமுறை எச்சரிக்கை விடுத்துள்ளது. ஏவுகணை சோதனை காரணமாகவே அமெரிக்காவுக்கும், வட கொரியாவுக்கும் மோதல் நிலவியது.

அமைச்சர் சேகர்பாபு செயல் பாபு இல்லை செயலற்ற பாபு!

கொரோனா அச்சத்தால் வட கொரியா தொடர்ந்து எல்லைகளை மூடிவைத்துள்ளது. அணு ஆயுத சோதனைகளால் பல்வேறு நாடுகளிடமிருந்தும் பொருளாதாரத் தடைகளை அந்நாடு எதிர்கொண்டுள்ளது. பொருளாதாரத் தடைகள் காரணமாக வட கொரியா உணவுப் பஞ்சத்தையும் எதிர் கொண்டுள்ளது குறிப்பிடத்தக்கது. உலகம் முழுவதும் கொரோனா தொற்றால் பல்வேறு நாடுகள் பாதிப்புக்கு உள்ளாகும்போது வட கொரியாவில் மட்டும் கொரோனா தொற்று குறித்த எந்தத் தகவலும் வெளியிடப்படாமல் இருந்து வருவது குறிப்பிடத்தக்கது.

Leave a Comment

This site uses Akismet to reduce spam. Learn how your comment data is processed.