iPhone 12, iPhone 11 மீது கனவில் கூட எதிர்பார்க்காத அளவு விலை குறைப்பு!

ஹைலைட்ஸ்:

3 ஆப்பிள் ஐபோன் மாடல்களின் இந்திய விலைகள் குறைப்பு
வழக்கம் போல புதிய ஐபோன் 13 சீரீஸ் அறிமுகத்தின் விளைவே இது
பட்டியலில் ஐபோன் 12 மாடலும் உள்ளது

ஆப்பிளின் ‘கலிபோர்னியா ஸ்ட்ரீமிங்’ நிகழ்வில் ஐபோன் 13 சீரீஸ் உடன் சேர்த்த ஆப்பிள் வாட்ச் சீரிஸ் 7 மற்றும் புதிய 10.2-இன்ச் ஐபேட் மற்றும் புதிய ஐபேட் மினி போன்ற தயாரிப்புகளும் அறிமுகம் செய்யப்பட்டன.

இனிமேல் இந்த 3 ஐபோன் மாடல்களையும் இந்தியாவில் வாங்க முடியாது; ஆனால்!

புதிய ஐபோன் 13 சீரிஸ் அறிமுகப்படுத்தப்பட்ட உடனேயே, ஆப்பிள் நிறுவனம் அதன் பழைய ஐபோன் மாடல்களின் விலையை குறைத்துள்ளது. இது இந்நிறுவனம் ஒவ்வொரு ஆண்டும் புதிய ஐபோன்கள் அறிவிக்கப்பட்டதும் பின்பற்றும் பாரம்பரியமான ஒரு நடவடிக்கையே ஆகும்.

ஐபோன் 13 சீரிஸ் அறிமுகம்: மொத்தம் 4 மாடல்கள்; இதோ விலை விவரங்கள்!

அப்படியான ஆப்பிள் நிறுவனத்தின் லேட்டஸ்ட் “நடவடிக்கையின்” கீழ் ஐபோன் 11, ஐபோன் 12 மினி மற்றும் ஐபோன் 12 மாடல்களின் இந்திய விலைகள் குறைக்கப்பட்டுள்ளன.

Apple: புதிய ஐபேட் & ஐபாட் மினி அறிமுகம்: விலை, அம்சங்கள், விற்பனை விவரங்கள்

குறிப்பிடத்தக்க வண்ணம், கடந்த ஆண்டு அறிமுகப்படுத்தப்பட்ட பிறகு வரும் ஐபோன் 12 மீதான முதல் அதிகாரப்பூர்வ விலை குறைப்பு இதுவாகும்.

இதன் கீழ் ஐபோன் 11 மாடலின் 64 ஜிபி மற்றும் 128 ஜிபி ஸ்டோரேஜ் மாடல்கள் ரூ.5,000 என்கிற விலை குறைப்பை பெற்றுள்ளது. மறுகையில் உள்ள ஐபோன் 12 ஆனது ரூ.14,000 என்கிற விலை வீழ்ச்சியை கண்டுள்ளது மற்றும் ஐபோன் 12 மினி மீது ரூ.10,000 விலை குறைப்பு கிடைத்துள்ளது.

இந்தியாவில் iPhone 11, iPhone 12 மற்றும் iPhone 12 Mini மாடல்களின் பழைய மற்றும் புதிய விலைப்பட்டியல்:

ஐபோன் 11 – 64GB – ரூ.54,900 – ரூ.49,900

ஐபோன் 11 – 128GB – ரூ.59,900 – ரூ.54,900

ஐபோன் 12 மினி – 64GB – ரூ.69,900 – ரூ.59,900

ஐபோன் 12 மினி – 128GB – ரூ.74900 – ரூ.64,900

ஐபோன் 12 மினி – 256GB – ரூ.84,900 – ரூ.74,900

ஐபோன் 12 – 64GB – ரூ.79,900 – ரூ.65,900

ஐபோன் 12 – 128GB – ரூ.84,900 – ரூ.70,900

ஐபோன் – 12 256GB – ரூ.94,900 – ரூ.80,900

பழைய மாடல்களுக்கான விலைகுறைப்புடன் சேர்த்து ஆப்பிள் நிறுவனம் அதன் ஐபோன் 12 ப்ரோ மற்றும் 12 ப்ரோ மேக்ஸ் மாடல்களை நிறுத்தியும் உள்ளது. ஏனெனில் அவைகள் ஐபோன் 13 ப்ரோ மற்றும் ஐபோன் 13 ப்ரோ மேக்ஸ் மாடல்களால மாற்றப்பட்டு, கிட்டத்தட்ட அதே அதே விலைகளுடன் வெளியாகியுள்ளது.

இந்த லேட்டஸ்ட் விலை குறைப்பு ஆப்பிள் இணையதளத்தில் பிரதிபலிக்கிறது, ஆனால் இது தற்போது பிளிப்கார்ட்டில் பொருந்தாது. ஆனால் அது விரைவில் மாறும் என்று நாம் எதிர்பார்க்கலாம்.

வரவிருக்கும் பண்டிகை கால விற்பனைகள், லாபகரமான வங்கி சலுகைகளுடன் இணைந்து பழைய ஐபோன்களின் விலைகளை இன்னும் குறைக்கலாம் என்பதால் ஒரு சிறந்த ஒப்பந்தத்திற்காக நீங்கள் சிறிது காலம் காத்திருக்குமாறு நாங்கள் பரிந்துரைக்கிறோம்.

இன்னும் வெளிப்படையாக சொல்ல வேண்டும் என்றால் புதிய ஐபோன் 13 ஆனது பாலையே ஐபோன் 12 மாடலை விட பெரிதாக ஒன்றும் வழங்கிவிடவில்லை.எனவே நீங்கள் சற்றே பழைய அல்லது லேட்டஸ்ட் ஐபோன் 13 மாடலை வாங்கும் எண்ணம் கொண்டிருந்தால், இரண்டையும் தவிர்த்து ஐபோன் 14 வரை காத்திருக்கவும், இது அடுத்த வருடம் வெளியாகும்.

Leave a Comment

This site uses Akismet to reduce spam. Learn how your comment data is processed.