பிரதமர் மோடி எப்போது கோபப்படுவார்?

நாட்டின் பொருளாதாரம் நலிவடைந்து வருவதாக குற்றச்சாட்டு முன் வைக்கப்பட்ட்டு வரும் நிலையில், பெட்ரோல், டீசல், சமையல் எரிவாயு சிலிண்டர்களின் விலை மலை போல் கிடுகிடுவென உயர்ந்து வருகிறது. இதுகுறித்தும், மத்திய அரசின் செயல்பாடுகள் குறித்தும்,
பிரதமர் மோடி
பற்றியும்
காங்கிரஸ்
மூத்த தலைவர்
ராகுல் காந்தி
அவ்வப்போது தொடர் விமர்சனங்களை முன் வைத்து வருகிறார்.

இதனிடையே, லக்கிம்பூர் வன்முறையில் விவசாயிகள் மீது மத்திய அமைச்சரின் மகன் கார் ஏற்றி கொன்றதாக கூறப்படும் விவகாரம் பூதாகரமாகியுள்ளது. லக்கிம்பூர் விவகாரத்தில் பிரதமர் மோடி அமைதி காப்பதாக எதிர்க்கட்சிகள் குற்றம் சாட்டி வருகின்றன.

இந்த நிலையில், பிரதமர் மோடி எப்போது கோபப்படுவார் எப்போது அமைதியாக இருப்பார் என்று விளக்கம் அளித்து ராகுல் காந்தி சாடியுள்ளார். இதுகுறித்து தனது ட்விட்டர் பக்கத்தில், “பணவீக்கம், பெட்ரோல் விலை உயர்வின்போது, வேலையின்மை, விவசாயிகள் மற்றும்
பாஜக
தொண்டர் கொலை விவகாரங்களின்போது பிரதமர் மோடி அமைதியாக இருக்கிறார்” என்று பதிவிட்டுள்ளார்.

மேலும், “கேமிரா மற்றும் போட்டோ வாய்ப்புகள் குறையும் போது, உண்மையான விமர்சனங்கள் வரும்போது, நண்பர்கள் மீது கேள்வி எழுப்பப்படும்போது பிரதமர் மோடி கோபப்படுகிறார்” என்று ராகுல் காந்தி விமர்சித்துள்ளார்.

Leave a Comment

This site uses Akismet to reduce spam. Learn how your comment data is processed.