காஷ்மீரில் உச்சகட்ட பதற்றம்: 5 ராணுவ வீரர்கள் வீரமரணம்!

ஜம்மு – காஷ்மீரில், பயங்கரவாதிகள் உடனான சண்டையில், ஒரு ராணுவ அதிகாரி உட்பட 5 ராணுவ வீரர்கள் வீர மரணம் அடைந்தனர்.

ஜம்மு – காஷ்மீர் யூனியன் பிரதேசத்தில்,
பயங்கரவாதிகள் தாக்குதல்
நடத்துவதும், அதற்கு பாதுகாப்புப் படையினர் தக்க பதிலடி கொடுப்பதும் தொடர்கதையாகி விட்டது. இந்நிலையில், காஷ்மீரின் பூஞ்ச் மாவட்டத்தில் உள்ள சுரேன்கோட் என்ற பகுதியில், பயங்கரவாதிகள் ஊடுருவி பதுங்கி இருப்பதாக பாதுகாப்புப் படையினருக்கு ரகசிய தகவல் கிடைத்தது.

இதன் அடிப்படையில், அந்த பகுதியை பாதுகாப்புப் படையினர் சுற்றி வளைத்தனர். அப்போது அங்கு பதுங்கி இருந்த பயங்கரவாதிகள், பாதுகாப்புப் படையினர் மீது தாக்குதல் நடத்தினர். இதற்கு பாதுகாப்புப் படையினரும் தக்க பதிலடி கொடுத்தனர். இரு தரப்புக்கு இடையே நடந்த துப்பாக்கிச் சண்டையில், ஒரு ராணுவ அதிகாரி உட்பட 5 ராணுவ வீரர்கள் வீர மரணம் அடைந்தனர். இதை அடுத்து சம்பவ இடத்தில் ஏராளமான பாதுகாப்புப் படையினர் குவிக்கப்பட்டு உள்ளனர்.

தாக்குதல் நடத்திய பயங்கரவாதிகளை தேடும் பணி முழுவீச்சில் நடைபெற்று வருகிறது. ஜம்மு – காஷ்மீரில் அண்மைக்காலமாக பயங்கரவாதிகள் தாக்குதல் நடத்தி வருவது அதிகரித்து வருகிறது. இது தொடர்பாக 700-க்கும் மேற்பட்டோரை பாதுகாப்புப் படையினர் கைது செய்துள்ளது குறிப்பிடத்தக்கது.

Leave a Comment

This site uses Akismet to reduce spam. Learn how your comment data is processed.