சாம்சங்கின் ரொம்ப Cheap ஆன 5G போன்: கேலக்ஸி A13 விலை, அம்சங்கள் லீக்!

ஹைலைட்ஸ்:

அடுத்த சாம்சங் போன் பற்றி லேட்டஸ்ட் அப்டேட்
அது கேலக்ஸி ஏ13 5ஜி ஆகும்
2022 ஆம் ஆண்டின் ஆரம்பத்தில் வெளியாகும்

சாம்சங்
நிறுவனத்தின் மிகவும் பிரபலமான A சீரீஸ் ஸ்மார்ட்போன்கள், வருகிற 2022 இன் தொடக்கத்தில் ஒரு புதிய நுழைவு நிலை மாடலைப் பெறும். அது சாம்சங் கேலக்ஸி
A13 5G
ஆகும்.

Prime மெம்பர்கள் குஷி! ரூ.129 மாதாந்திர சந்தாவை மீண்டும் வந்தது Amazon India!

கடந்த சில வாரங்களாக இது பல லீக்ஸ் மற்றும் செய்திகளில் அடிபட்டு வருகிறது. கடந்த செப்டம்பரில், சாம்சங் கேலக்ஸி ஏ13 5ஜி மாடல் ஆனது சாம்சங்கின் மலிவு விலை 5ஜி போனாக இருக்கலாம் என்று ஒரு அறிக்கை வெளியானது. இந்த ஸ்மார்ட்போன் நிறுவனத்தின் தற்போதைய பட்ஜெட் 5 ஜி போன்களுக்கு ஒரு புதிய கூடுதலாகவும் இருக்கும்.

இதற்கிடையில், வரவிருக்கும் குறைந்த விலை 5 ஜி சாம்சங் ஸ்மார்ட்போனின் பர்ஸ்ட் லுக் வெளியாகியுள்ளது. டிப்ஸ்டர் ஸ்டீவ் ஹெம்மர்ஸ்டாஃபர் வழியாக சில சாம்சங் கேலக்ஸி ஏ 13 5 ஜி ரெண்டர்கள் லீக் செய்யப்பட்டுள்ளது.

அதன் வழியாக இது வாட்டர் டிராப் டிஸ்ப்ளே, மூன்று பின்புற கேமராக்கள் மற்றும் பலவற்றை வெளிப்படுத்துகிறது உடன் சில முக்கிய அம்சங்கள் மற்றும் ஸ்மார்ட்போனின் சாத்தியமான விலையை பற்றிய ஐடியாவையும் நமக்கு வழங்குகிறது.

சாம்சங் கேலக்ஸி A13 5G வடிவமைப்பு மற்றும் அம்சங்கள்:

கிடைத்த ரெண்டர்களில் இருந்து நீங்களே பார்க்க முடியும், சாம்சங் கேலக்ஸி A13 5G ஸ்மார்ட்போனில் பக்கவாட்டில் பொருத்தப்பட்ட கைரேகை சென்சார், வாட்டர் டிராப் இன்பினிட்டி-வி டிஸ்ப்ளே உள்ளது. மேலும் ஸ்மார்ட்போனில் பிளாஸ்டிக் ஃப்ரேம் மற்றும் பேக் பேனலை காண முடிகிறது. பின்புற பேனலில் செங்குத்தாக அடுக்கப்பட்ட மூன்று கேமரா அமைப்பு உள்ளது. அந்த கேமரா அமைப்பில் வைட் ஆங்கிள் லென்ஸ் இடம்பெறும்.

சாம்சங் கேலக்ஸி ஏ 13 5 ஜி ஸ்மார்ட்போன் ஆனது 4 ஜிபி ரேம் மற்றும் 64 ஜிபி இன்டர்னல் ஸ்டோரேஜ் உடன் வெளியாகும். சில மாதங்களில் OTA வழியாக வரும் ஆண்ட்ராய்டு 12 அப்டேட்டை பெறும், அதுவரை ஆண்ட்ராய்டு 11 கொண்டு இயங்கும். இந்த மாடல் மீடியாடெக் டைமென்சிட்டி 700 ஆக்டா-கோர் ப்ராசஸர் மூலம் இயக்கப்படும், அதாவது இது அனைத்து அன்றாட பணிகளையும் எளிதாக கையாள உதவும்.

மற்ற அம்சங்களை பொறுத்தவரை, இது யூ.எஸ்.பி டைப் சி 2.0 மூலம் 25W சார்ஜிங் ஆதரவுடன் 5000mAh பேட்டரியை பேக் செய்யலாம். இந்த போன் ஒப்பீட்டளவில் மெல்லியதாக இருக்கு, அதாவது 8.9 மிமீ தடிமன் (10 மிமீ தடிமன் உயர்த்தப்பட்ட கேமரா லென்ஸ் உட்பட) இருக்கும்.

கேமராக்களை பொறுத்தவரை, ஸ்மார்ட்போனின் பின்புறத்தில் 50MP மெயின் கேமரா சென்சார், 8MP அல்ட்ராவைடு சென்சார் மற்றும் 2MP டெப்த் சென்சார் கொண்ட மூன்று கேமரா அமைப்பு இருக்கும். பக்கவாட்டில் பொருத்தப்பட்ட கைரேகை சென்சார் இருக்கும், சுற்றிலும் பிளாஸ்டிக் ஃப்ரேம் உடன் இருக்கும்.

சாம்சங் கேலக்ஸி A13 5G விலை மற்றும் அறிமுக தேதி:

அமெரிக்கா மற்றும் கனடா பிராந்தியங்களில் சாம்சங் கேலக்ஸி ஏ 13 5 ஜி ஸ்மார்ட்போன் வருகிற 2022 ஆம் ஆண்டின் தொடக்கத்தில் இந்திய மதிப்பின்படி சுமார் ரூ.21,000 – ரூ.22,000 என்கிற ஆரம்ப விலையில் அறிமுகப்படுத்தப்படும் என்று எதிர்பார்க்கப்படுகிறது.

இந்தியாவில் இன்னும் மலிவான விலையை நாம் எதிர்பார்க்கலாம். மேலும் வரவிருக்கும் மாதங்களில் குறிப்பிட்ட ஸ்மார்ட்போனின் இந்திய அறிமுகம் மற்றும் விற்பனை குறித்த தகவல்கள் கிடைக்கும் என்று எதிர்பார்க்கலாம்.

Leave a Comment

This site uses Akismet to reduce spam. Learn how your comment data is processed.