Moto E40: முக்கிய அம்சங்களை வெளிப்படுத்திய Flipkart! என்னென்ன எதிர்பார்க்கலாம்?

ஹைலைட்ஸ்:

அடுத்த மோட்டோ ஸ்மார்ட்போன் பற்றி லேட்டஸ்ட் அப்டேட்
அது மோட்டோ இ40 பற்றியது
அனைத்து அம்சங்களும் வெளியானது

மோட்டோரோலா
நிறுவனம் அதன் மோட்டோ இ 40 மாடலை கடந்த வாரம் ஐரோப்பாவில் அதிகாரப்பூர்வமாக அறிமுகம் செய்தது. இப்போது அது நாளை இந்தியாவில் அறிமுகமாக உள்ளது. மற்ற மோட்டோரோலா போன்களைப் போலவே, E40 மாடலும் பிளிப்கார்ட் மூலம் விற்கப்படும்.

200Mbps பிராட்பேண்ட்டில் எந்த BSNL பிளான் சிறந்தது? எது தேவை இல்லாதது?

குறிப்பிட்ட ஸ்மார்ட்போனின் அனைத்து முக்கிய அம்சங்களை குறிப்பிடும் லேண்டிங் பேஜ், இப்போது Flipkart தளத்தில் நேரலையாக உள்ளது. அதன் வழியாக, இந்தியாவுக்கு வரும் மோட்டோ இ 40 மாடலில் பஞ்ச்-ஹோல் டிஸ்ப்ளே இருப்பதும், அது எச்டி+ ரெசல்யூஷன், 400 நிட்ஸ் ப்ரைட்னஸ் மற்றும் 90 ஹெர்ட்ஸ் ரெஃப்ரெஷ் ரேட் போன்றவைகளை கொண்டிருக்கும் என்பது வெளிப்படுத்தப்பட்டுள்ளது.

ஸ்மார்ட்போனின் முன் பக்க கேமரா பற்றி எந்த வார்த்தையும் இல்லை என்றாலும், ஆனால் அதன் பின்புற பேனலில் 48 மெகாபிக்சல் மெயின் லென்ஸ்,டெப்த் சென்சார் மற்றும் மேக்ரோ ஷூட்டர் ஆகிய மூன்று கேமரா யூனிட் பொருத்தப்பட்டுள்ளது.

மோட்டோ இ40
மாடல் ஆனது யுனிசாக் டி 700 சிப்செட் உடனாக 4 ஜிபி எல்பிடிடிஆர் 4 எக்ஸ் ரேம் மற்றும் 64 இன்டர்னல் ஸ்டோரேஜ் பேக் செய்யப்படும். மேலும் இது 5,000 எம்ஏஎச் பேட்டரியால் சக்தியூட்டப்படும். நிறுவனத்தின் கூற்றுப்படி இதை ஒரு முறை முழுமையாக சார்ஜ் செய்தால் 40 மணி நேரம் வரை நீடிக்கும்.

இந்த ஸ்மார்ட்போன் IP52 நீர் எதிர்ப்பு ஆதரவு, ஃபேஸ் அன்லாக், பின்புறம் பொருத்தப்பட்டுள்ள கைரேகை ஸ்கேனர் மற்றும் கூகுள் அசிஸ்டண்ட் கீ போன்ற பிற அம்சங்களையும் வழங்குகிறது. மேலும் Flipkart பக்கம் இந்த ஸ்மார்ட்போன் இரண்டு வண்ணங்களில் கிடைக்கும் என்றும் குறிப்பிட்டுள்ளது.

ஆகமொத்தம், பிளிப்கார்ட்டில் பட்டியலிடப்பட்டுள்ள முக்கிய அம்சங்கள் ஐரோப்பாவில் அறிமுகமான அதே மோட்டோ இ 40 மாடல் தன இந்தியாவிலும் வெளியாகும் என்று தெரிவிக்கிறது. இருப்பினும் தற்போது வரை, அதன் விலை குறித்து எந்த தகவலும் இல்லை.

மோட்டோரோலா கடந்த வாரம் மற்ற சந்தைகளில் மோட்டோ இ30 மாடலை அறிமுகப்படுத்தியது. இது E40 மாடலின் அதே அம்சங்களைக் கொண்டுள்ளது. ஆனால் அது 2 ஜிபி ரேம் மற்றும் 32 ஜிபி ஸ்டோரேஜை வழங்குகிறது.

மோட்டோ இ30 மாடல் ஆண்ட்ராய்டு 11 கோ எடிஷனுடன் ப்ரீ இன்ஸ்டால் செய்யப்பட்டுள்ளது. இருப்பினும் E30 மாடலை இந்தியாவில் அறிமுகம் செய்ய நிறுவனத்திற்கு எந்த திட்டமும் இல்லையா என்பதில் தெளிவு இல்லை.

Leave a Comment

This site uses Akismet to reduce spam. Learn how your comment data is processed.