லக்கிம்பூர் வன்முறை: போலீஸ் கஸ்டடியில் மத்திய அமைச்சர் மகன்!

லக்கிம்பூர் கேரி வன்முறை வழக்கில், மத்திய உள்துறை இணை அமைச்சர் அஜய் மிஸ்ராவின் மகன், ஆஷிஷ் மிஸ்ராவுக்கு, 3 நாட்கள் போலீஸ் காவல் விதிக்கப்பட்டு உள்ளது.

உத்தர பிரதேச மாநிலம்
லக்கிம்பூர் கேரி
என்ற பகுதியில், கடந்த சில நாட்களுக்கு முன்பு, விவசாயிகள் வேளாண் சட்டங்களுக்கு எதிராக கருப்புக் கொடி ஏந்தி போராட்டம் நடத்தினர். அப்போது அந்த வழியாக காரில் சென்ற மத்திய உள்துறை இணை அமைச்சர் அஜய் மிஸ்ராவின் மகன்
ஆஷிஷ் மிஸ்ரா
, விவசாயிகள் மீது மோதியாகக் கூறப்படுகிறது. இதை அடுத்து அப்பகுதியில் போராட்டம் வெடித்தது.

லக்கிம்பூர் கேரி வன்முறை
சம்பவத்தில், 4 விவசாயிகள், ஒரு பத்திரிகையாளர் உட்பட 8 பேர் பலியாகினர். இந்த சம்பவம் நாடு முழுவதும் கடும் அதிர்வலைகளை ஏற்படுத்தியது. விவசாயிகள் மீது, மத்திய இணை அமைச்சர் மகனின் கார் ஏறி கொல்லப்பட்டதற்கான வீடியோ வெளியாகி பெரும் பரபரப்பை ஏற்படுத்தியது.

இந்நிலையில், கடந்த சில நாட்களுக்கு முன்பு, இந்த வழக்கில், மத்திய அமைச்சர் அஜய் மிஸ்ராவின் மகன் ஆஷிஷ் மிஸ்ராவை, போலீசார் கைது செய்தனர். அவருக்கு 14 நாட்கள் நீதிமன்றக் காவல் விதிக்கப்பட்டு இருந்தது.

இந்நிலையில், அமர்வு நீதிமன்றத்தில் இன்று மீண்டும், மத்திய அமைச்சர் அஜய் மிஸ்ராவின் மகன்
ஆஷிஷ் மிஸ்ரா
ஆஜர்படுத்தப்பட்டார். அப்போது, வழக்கு தொடர்பாக விசாரிக்க வேண்டி உள்ளதால், ஆஷிஷ் மிஸ்ராவை போலீஸ் காவலில் எடுத்து விசாரிக்க நீதிபதியிடம் போலீசார் அனுமதி கேட்டனர். இதை அடுத்து ஆஷிஷ் மிஸ்ராவை 3 நாட்கள் காவலில் எடுத்து விசாரிக்க போலீசாருக்கு நீதிபதி அனுமதி உத்தரவிட்டார்.

Leave a Comment

This site uses Akismet to reduce spam. Learn how your comment data is processed.