சங்கர் ஜிவால் உடல்நிலை: மருத்துவமனை அப்டேட்!

ஹைலைட்ஸ்:

செங்கோட்டுவேலு தலைமையிலான மருத்துவர்கள் சிகிச்சை அளித்தனர்
சங்கர் ஜிவால் உடல்நிலை சீராக உள்ளது. மருத்துவர்கள் தொடர்ந்து அவரை கண்காணித்து வருகின்றனர்

திமுக அரசு கடந்த மே மாதம் பொறுப்பேற்றதைத் தொடர்ந்து, பல்வேறு அரசு உயர் அதிகாரிகள் மாற்றம் செய்யப்பட்டனர். அதன்படி, சென்னை மாநகரக் காவல் ஆணையராக
சங்கர் ஜிவால்
ஐபிஎஸ் நியமனம் செய்யப்பட்டார். இந்த நிலையில், வேப்பேரியிலுள்ள காவல் ஆணையர் அலுவலகத்தில் காவல் ஆணையர் சங்கர் ஜிவால், வழக்கம் போல தன்னுடைய பணிகளை மேற்கொண்டிருந்தார்.

அப்போது, சங்கர் ஜிவாலுக்கு திடீரென நெஞ்சு வலி ஏற்பட்டதாகக் கூறப்படுகிறது. இதையடுத்து, அங்கிருந்த காவல் அதிகாரிகள் சங்கர் ஜிவாலை உடனடியாக அழைத்துச் சென்று சென்னை அப்பல்லோ மருத்துவமனையில் அனுமதித்தனர். காவல் மூத்த அதிகாரிகள் பலரும் மருத்துவமனைக்கு நேரில் சென்று அவரது உடல்நலம் குறித்து விசாரித்தனர்.

சென்னை மாநகரக் காவல் ஆணையர் சங்கர் ஜிவாலின் உடல்நிலை எப்படி இருக்கிறது என்ற விவரங்கள் இதுவரை வெளியாகாமல் இருந்த நிலையில், தற்போது அவரது உடல்நிலை சீராக உள்ளதாக
அப்பல்லோ மருத்துவமனை
தகவல் தெரிவித்துள்ளது.

கோவில்கள் திறப்பு: பாஜகவுக்கு கிடைத்த வெற்றி – அண்ணாமலை, எச்.ராஜா

மருத்துவமனை அறிக்கை

இதுகுறித்து சென்னை அப்பல்லோ மருத்துவமனையின் மருத்துவ சேவைகள் இயக்குநர் வெங்கடாசலம் வெளியிட்டுள்ள அறிவிப்பில், “சென்னை மாநகர காவல் ஆணையர் சங்கர் ஜிவால் இன்று மாலை கடுமையான நெஞ்சு வலி காரணமாக கிரீம்ஸ் சாலையில் உள்ள அப்பல்லோ மருத்துவமனையில் அனுமதிக்கப்பட்டார். உடனடியாக அவருக்கு மருத்துவர் செங்கோட்டுவேலு தலைமையிலான மருத்துவர்கள் சிகிச்சை அளித்தனர். தற்போது அவரது உடல்நிலை சீராக உள்ளது. மருத்துவர்கள் தொடர்ந்து அவரை கண்காணித்து வருகின்றனர்” என்று தெரிவிக்கப்பட்டுள்ளது.

Leave a Comment

This site uses Akismet to reduce spam. Learn how your comment data is processed.