OnePlus Nord 2-வின் ஸ்பெஷல் Pac-Man Edition அடுத்த மாதம் அறிமுகம்?

ஹைலைட்ஸ்:

அடுத்த ஒன்பிளஸ் மாடல் பற்றி லேட்டஸ்ட் அப்டேட்
அது நோர்ட் 2 பேக் மேன் ஸ்பெஷல் எடிஷன் ஆகும்

ஒரிஜினல் நோர்டின் வாரிசான
ஒன்பிளஸ்
நோர்ட் 2 ஸ்மார்ட்போன் கடந்த ஜூலை மாதத்தில் இந்தியாவில் வெளியிடப்பட்டது மற்றும் அது மீடியா டெக் சிப்செட், டைமென்சிட்டி 1200 உடன் அனுப்பப்பட்ட நிறுவனத்தின் முதல் ஸ்மார்ட்போனும் ஆகும்.

ஒன்பிளஸ் 9RT அறிமுகமானது: என்ன விலை? எப்போது இந்திய அறிமுகம்?

இந்த ஸ்மார்ட்போன் மக்களிடையே நல்ல வரவேற்பைப் பெற்றுள்ளது மற்றும் இது ப்ளூ ஹேஸ், கிரே சியரா மற்றும் கிரீன் வூட்ஸ் வண்ண விருப்பங்களில் வாங்க கிடைக்கிறது.

இதற்கிடையில் நம்பகமான டிப்ஸ்டர் மேக்ஸ் ஜேவின் படி, நிறுவனம் விரைவில் ஒரு ஸ்பெஷல் பேக்-மேன்-தீம்டு ஒன்பிளஸ் நோர்ட் 2 மாடலை வெளியிட தயாராக உள்ளது.

OnePlus அதன் பிரபலமான ஸ்மார்ட்போன்களின் ஸ்பெஷல் எடிஷன் மாடல்களை அறிமுகப்படுத்துவது புதிதல்ல. இது கடந்த காலத்தில் ஒன்பிளஸ் 5டி ஸ்டார் வார்ஸ் எடிஷன் மற்றும் ஒன்பிளஸ் 8 டி சைபர்பங்க் 2077 எடிஷன் அறிமுகம் செய்யப்பட்டுள்ளன.

கிடைக்கப்பெற்ற தகவலின்படி, ஒன்பிளஸ் லான்ச்சர் v5.2.34 டியர்டவுனில் மஞ்சள் நிற டெக்ஸ்ட் மற்றும் பேக்-மேன் பூதத்தின் கண்களுடன் ஒரு புதிய லாக் ஸ்க்ரீன் க்ளாக் தீம் கண்டறியப்பட்டுள்ளது, இது XDA டெவலப்பர்ஸின் அறிக்கையுடன் ஒத்துப்போகிறது.

இந்த எடிஷன் Nord 2-க்கான OxygenOS A.11 அப்டேட் உடன் வெளியிடப்பட்டுள்ளது. SystemUI APK ஆனது ஒரு ஸ்பெஷல் பேக்-மேன் ஆல்வேஸ்-ஆன் டிஸ்ப்ளே க்ளாக்கை குறிக்கும் ஸ்ட்ரிங்ஸ்களைக் கொண்டுள்ளது.

மிகவும் சுவாரசியமான விடயம் என்னவென்றால், அசல் ஒன்பிளஸ் நோர்டில் காணப்படும் டைமென்சிட்டி 1200 AI SoC க்கு பதிலாக ஸ்னாப்டிராகன் 778G SoC-ஐக் குறிக்கும் புதிய ஸ்ட்ரிங் அதில் உள்ளது. இந்த ஸ்பெஷல் பேக்-மேன் எடிஷன் அடுத்த மாதம் அறிமுகம் செய்யப்பட வாய்ப்புகள் அதிகம்.

OnePlus Nord 2 5G அம்சங்கள் மற்றும் விவரக்குறிப்புகள்:

வடிவமைப்பை பொறுத்தவரை, நோர்ட் 2 அதன் வடிவமைப்பை ஒன்பிளஸ் 9 மாடல்களிடமிருந்து கடன் வாங்குகிறது, அதாவது டேப்லெட் வடிவ கேமரா ஹம்பிற்கு மாறாக பெரிய பின்புற கேமரா ஹவுசிங்ஸ், 6.43 இன்ச் அளவிலான டிஸ்பிளேவில் செல்பீ கேமராவிற்கான பஞ்ச்-ஹோல் கட்அவுட் போன்றவற்றை கொண்டுள்ளது.

இதன் டிஸ்பிளே AMOLED பேனலை அடிப்படையாகக் கொண்டது மற்றும் full HD பிளஸ் 90 ஹெர்ட்ஸ் ரெஃப்ரெஷ் ரேட் உடன் வருகிறது.

இது மீடியா டெக் டைமன்சிட்டி 1200-AI சிப் கொண்டு இயங்குகிறது. இது சமீபத்தில் வெளியான ஒப்போ ரெனோ 6 ப்ரோ 5 ஜி மற்றும் ரியல்மி எக்ஸ் 7 மேக்ஸ் 5 ஜி ஆகியவற்றில் கூட காணப்படுகிறது.

ஆனால் ஒன்பிளஸில் உள்ள சிப்செட் ஆனது டிஸ்பிளே, கேமரா மற்றும் கேமிங் பகுதிகளில் AI மேம்பாடுகளை வழங்கும் என்று எதிர்பார்க்கப்படுகிறது.

முந்தைய நோர்ட் ஸ்மார்ட்போன்களை போலவே, இதுவும் 3 ரேம் / ஸ்டோரேஜ் விருப்பங்களைத் தேர்வுசெய்கிறது. 6 ஜிபி / 128 ஜிபி மாடல், 8 ஜிபி / 128 ஜிபி மாடல் மற்றும் 12 ஜிபி / 256 ஜிபி.

இதன் கேமரா துறை நல்ல மேம்பாடுகளையும் கண்டுள்ளது: சோனி ஐஎம்எக்ஸ் 766 சென்சார் மற்றும் ஓஐஎஸ் ஆதரவுடன் 50 மெகாபிக்சல் பிரதான கேமரா, ஈஐஎஸ் உடன் 8 மெகாபிக்சல் அல்ட்ரா-வைட் கேமரா மற்றும் 2 மெகாபிக்சல் மோனோ லென்ஸ் உள்ளது.

முன்பக்கத்தில் 32 எம்பி செல்பீ கேமரா உள்ளது. இந்த ஸ்மார்ட்போன் மல்டி ஆட்டோஃபோகஸ் (பி.டி.ஏ.எஃப், சி.ஏ.எஃப்), 4 கே வீடியோக்கள், நைட்ஸ்கேப் அல்ட்ரா பயன்முறை, AI மேம்பாடுகள், போர்ட்ரெயிட் பயன்முறை, நைட் போர்ட்ரெயிட் மோட், டூயல் வியூ வீடியோ மற்றும் பல கேமரா அம்சங்களுடன் வருகிறது.

இது 65W ஃபாஸ்ட் சார்ஜிங் கொண்ட 4,500 எம்ஏஎச் பேட்டரி மூலம் ஆதரிக்கப்படுகிறது. இது வெறும் 30 நிமிடங்களில் 0 சதவீதத்திலிருந்து 100 சதவீதத்தை எட்டும் என்று கூறப்படுகிறது.

இது ஆண்ட்ராய்டு 11 ஐ அடிப்படையாகக் கொண்ட ஆக்ஸிஜன்ஓஎஸ் 11.3 (topped with ColorOS) கொண்டு இயங்குகிறது. இது இரண்டு ஆண்டு பெரிய மற்றும் மூன்று ஆண்டு பாதுகாப்பு அப்டேட்டைகளை ஆதரிக்கிறது.

மற்ற அம்சங்களை பொறுத்தவரை, இது டூயல் ஸ்பீக்கர்கள், ஹாப்டிக்ஸ் 2.0, இன்-டிஸ்ப்ளே கைரேகை ஸ்கேனர், ஃபேஸ் அன்லாக், 5ஜி (நிச்சயமாக,), என்எப்சி, ப்ளூடூத் வெர்ஷன் 5.2 மற்றும் பலவற்றை கொண்டுள்ளது.

Leave a Comment

This site uses Akismet to reduce spam. Learn how your comment data is processed.