பிடிஆரை புகழ்ந்த முதல்வர் மு.க.ஸ்டாலின்.. திமுக ஐடி விங் கூட்டத்தில் உரை!

திமுக
தகவல் தொழில்நுட்ப அணியின் ஆலோசனைக் கூட்டம் இன்று காணொலி வாயிலாக நடைபெற்றது. இதில் ஏராளமான நிர்வாகிகள் பங்கேற்றனர். இந்நிகழ்வில் பேசிய முதல்வர்
மு.க.ஸ்டாலின்
, “தகவல் தொழில்நுட்ப அணி பெருமைமிக்க அணியாக செயல்பட நம் நிதியமைச்சர்
பிடிஆர் பழனிவேல் தியாகராஜன்
சிறப்பாக செயல்பட்டார்.

ஆனால், அவர் நிதியமைச்சரான பிறகு இரண்டு பொறுப்புகளையும் கவனிக்க முடியாத அளவுக்கு பணிச்சுமைக்கு தள்ளப்பட்டார். அதனால்தான் பொறுப்பில் இருந்து விலகுவதாக பலமுறை என்னிடம் கூறினார். அதன்பின் அணி செயலாளராக டி.ஆர்.பி.ராஜா நியமிக்கப்பட்டுள்ளார்.

நகர்ப்புற உள்ளாட்சி தேர்தல் நெருங்கிவிட்டது. நம் அரசின் சாதனைகளை சமூக வலைதளங்களில் இயங்குவோருக்கு நீங்கள் கொண்டுசேர்க்க வேண்டும். சில பேர் போல நாம் போட்டாஷாப் செய்யாமல் இருப்பதால்தான் நடுநிலையாளர்களின் நம்பிக்கையை பெற்றுள்ளோம்.

அழைப்பு விடுத்த ஸ்டாலின்…நிராகரித்த ஓபிஎஸ்!

நம் சாதனைகளை சொன்னாலே திமுகவின் வெற்றி எளிதாகிவிடும். நமக்கு எதிராக அவதூறு பரப்புவதும், பொய் சொல்வதுதாம் எதிரணியினரின் வேலை. உண்மையான விமர்சனமாக இருந்தால் ஏற்றுக்கொள்ளலாம்; யாரும் குறைந்துவிடப்போவதில்லை. ஆனால் பொய் சொல்கின்றனர்.

இந்து சமய அறநிலையத்துறையின் சாதனைகளை பொறுத்துக்கொள்ள முடியாமல் கோயில்களை இடித்துவிட்டதாக பொய் பரப்பி வருகின்றனர். மலை அளவு பொய்யையும் உடைக்க உண்மை ஒன்றே போதும். எதிரணியினர் நம்மை கோவப்படுத்துவார்கள், ஆத்திரப்படுத்துவார்கள், எரிச்சலூட்டுவார்கள்.

அதற்கு நாம் எதிர்வினையாற்ற வேண்டுமென நினைப்பார்கள். நீங்கள் அப்படி செய்ய வேண்டாம். வெறும் கரண்டியை பிடித்திருப்பவன் எப்படி வேண்டுமானாலும் ஆட்டலாம். எண்ணெய் கரண்டியை வைத்திருக்கும் நாம் அப்படி செய்ய முடியாது. ஆட்சியில் நாம் இருப்பதால் அவர்கள் அளவுக்கு கீழே இறங்க வேண்டாம்.

ஜாதியை சொல்லி திட்டுவார்கள், மதத்தை வைத்து திட்டுவார்கள், பெண்களாக இருந்தால் ஆபாசமாக திட்டுவார்கள், நம் குடும்பத்தையும் இழிவாக பேசுவார்கள். அதுதான் அவர்கள் பண்பாடு. வாழ்க வசவாளர்கள் என்ற அடிப்படையில் நாம் செயல்பட வேண்டும்.

பொய் சொல்வதற்கே சிலர் கூச்சப்படாத போது உண்மையை சொல்ல நீங்கள் தயக்கப்பட தேவையில்லை. யார் எந்த குற்றச்சாட்டை வைத்தாலும் பதில் சொல்ல தயாராக வேண்டும். சுய விளம்பரங்களை விட கழகமே பெரிது. இந்த காலத்தில் தகவல்தான் மிகப்பெரிய பலம்” என்று ஆலோசனை வழங்கினார்.

Leave a Comment

This site uses Akismet to reduce spam. Learn how your comment data is processed.