பிப். 8ல் சட்டப்பேரவை சிறப்பு கூட்டம் – சபாநாயகர் அப்பாவு அறிவிப்பு!

நீட் விலக்கு மசோதாவை ஆளுநர் திருப்பி அனுப்பியதை அடுத்து, வரும் 8 ஆம் தேதி சட்டமன்ற சிறப்புக் கூட்டம் நடைபெறும் என சட்டப்பேரவைத் தலைவர் அப்பாவு அறிவித்துள்ளார்.

நீட் எனப்படும் மருத்துவப் படிப்புகளுக்கான நுழைவுத் தேர்வுக்கு விலக்குக் கோரி, கடந்த ஆண்டு செப்டம்பர் மாதம், முதலமைச்சர்
மு.க.ஸ்டாலின்
தலைமையிலான
தமிழக அரசு
, சட்டப்பேரவையில் ஒருமனதாக தீர்மானம் நிறைவேற்றியது. இது, தமிழக ஆளுநருக்கு உடனடியாக அனுப்பி வைக்கப்பட்டது. மசோதா ஆளுநருக்கு அனுப்பி வைக்கப்பட்டு சுமார் 142 நாட்கள் ஆன நிலையில், அண்மையில், நீட் விலக்கு கோரி தமிழக சட்டப்பேரவையில் நிறைவேற்றப்பட்ட தீர்மானத்தை ஆளுநர் ஆர்.என்.ரவி நிராகரித்தார்.

இந்த விவகாரம் தமிழக அரசியலில் தற்போது புயலைக் கிளப்பி உள்ளது. இதற்கிடையே, இந்த விவகாரம் குறித்து விவாதிக்க, சென்னை தலைமைச் செயலகத்தில், முதலமைச்சர் மு.க.ஸ்டாலின் தலைமையில் அனைத்துக் கட்சிக் கூட்டம் இன்று நடைபெற்றது.

இந்தக் கூட்டத்தில், பாஜக – அதிமுக பங்கேற்கவில்லை. பிரதான எதிர்க்கட்சியான அதிமுக, அனைத்துக் கட்சிக் கூட்டத்தில் பங்கேற்காதது சர்ச்சையை ஏற்படுத்தியது. மேலும், நீட் விலக்கு மசோதாவை மீண்டும் நிறைவேற்றி ஆளுநருக்கு அனுப்பி வைக்கும் தீர்மானமும் அனைத்துக் கட்சிகள் ஆதரவுடன் நிறைவேற்றப்பட்டது. இதற்காக, வரும் 8 ஆம் தேதி சட்டப்பேரவை சிறப்புக் கூட்டத்தொடர் நடைபெறும் என தகவல் வெளியாகியது.

‘கூச்சமா இல்லையா உங்களுக்கு..?’ – ஓ.பி.எஸ்.,ஐ கலாய்த்த துரைமுருகன்!

இந்நிலையில்,
நீட் தேர்வு
விலக்கு மசோதாவை ஆளுநர் திருப்பி அனுப்பியதை அடுத்து, வரும் 8 ஆம் தேதி சட்டப்பேரவை சிறப்புக் கூட்டம் நடைபெறும் என, சட்டப்பேரவைத் தலைவர் அப்பாவு அறிவித்துள்ளார். சட்டப்பேரவை சிறப்புக் கூட்டத்தில் நீட் விலக்கு குறித்து தீர்மானம் நிறைவேற்றி, குடியரசுத் தலைவருக்கு அனுப்ப முடிவு செய்யப்பட்டு உள்ளதாகவும் அவர் தெரிவித்தார். வரும் 8 ஆம் தேதி காலை 10 மணிக்கு சட்டப்பேரவை கூடும் என தகவல் வெளியாகி உள்ளது.

Leave a Comment

This site uses Akismet to reduce spam. Learn how your comment data is processed.