முடிவுக்கு வரும் ஆன்லைன் விசாரணை: பிப்ரவரி 7 முதல் இனி இப்படி தான்!

தமிழ்நாட்டில் கொரோனா பரவல் காரணமாக கடந்த 2020ஆம் ஆண்டு மார்ச் மாதம் முதல்
உயர் நீதிமன்றம்
மற்றும் கீழமை நீதிமன்றங்கள் மூடப்பட்டன . இதனை தொடர்ந்து நீதிமன்றங்களில் விசாரணையானது காணொளி மூலமாக மட்டுமே நடைபெற்று வந்தது.

கொரோனா பரவல் சற்று குறைந்த பின்னர் ஒரு சில மாதங்கள் நேரடி விசாரணைக்கு அனுமதி வழங்கப்பட்டாலும், தொடர்ந்து டெல்டா மற்றும் ஒமைக்ரான் போன்ற வைரஸ் பாதிப்பு அதிகரித்து வந்த நிலையில் மீண்டும் நீதிமன்றங்களில் காணொளி விசாரணைக்கு தடை விதிக்கப்பட்டது.

இந்நிலையில், தற்போது கொரோனா பரவல் கட்டுக்குள் இருப்பதால் ஊரடங்கில் பல்வேறு தளர்வுகள் அறிவிக்கப்பட்டுள்ளன. பள்ளிகள், கல்லூரிகள் பிப்ரவரி 1ஆம் தேதி முதல் திறக்கப்பட்டு நேரடி வகுப்புகள் நடைபெற்று வருகின்றன.

இலவச லேப்-டாப்கள் வழங்கப்படாதது ஏன்? – தமிழக அரசு விளக்கம்!

இதைத் தொடர்ந்து சென்னை உயர் நீதிமன்ற
தலைமை பதிவாளர்
சென்னை உயர்நீதிமன்றம், மதுரை கிளை, கீழமை நீதிமன்றங்களில் பிப்ரவரி 7ஆம் தேதி முதல் நேரடி விசாரணை நடைபெறும் என்று தெரிவித்துள்ளார்.

மேலும் பிப்ரவரி 7ஆம் தேதி முதல் நேரடி, காணொளி அல்லது இரண்டு முறைகளிலும் விசாரணை நடைபெறும் என அறிவிக்கப்பட்டுள்ளது.

திடீரென ஒத்திப்போகும் ஆசிரியர் தகுதித் தேர்வு: காரணம் இதுதான்!

வழக்கறிஞர்கள், நேரில் ஆஜராகும் மனுதாரர்கள் கொரோனா தடுப்பூசி செலுத்தி இருப்பது கட்டாயம் என தெரிவிக்கப்பட்டுள்ளது. வழக்கறிஞர் சங்கங்கள், வழக்கறிஞர் அறைகள், கொரோனா தடுப்பு விதிமுறைகளை பின்பற்றி செயல்படவும் அனுமதி அளிக்கப்பட்டுள்ளது. நீதிமன்ற வளாகங்களில் உள்ள உணவகம், நூலகம் ஆகியவை செயல்பட அனுமதியில்லை என தெரிவிக்கப்பட்டுள்ளது.

Leave a Comment

This site uses Akismet to reduce spam. Learn how your comment data is processed.