சைபர் செக்யூரிட்டி எக்ஸ்பர்ட் ஆக மாறிய ரஜிஷா விஜயன்
தனுஷ் நடித்த கர்ணன் படத்தில் அவருக்கு ஜோடியாக நடித்ததன் மூலம் தமிழ் சினிமாவில் நுழைந்தவர் மலையாள நடிகை ரஜிஷா விஜயன். அந்த படத்தில் கூலி வேலைக்குச் செல்லும் சாதாரண கிராமத்து பெண்ணாக நடித்தவர், அதைத்தொடர்ந்து ஜெய் பீம் படத்தில் சமூக சேவகியாக நடித்திருந்தார்.
இந்த நிலையில் தற்போது மலையாளத்தில் உருவாகியுள்ள கீடம் என்கிற படத்தில் சைபர் செக்யூரிட்டி எக்ஸ்பர்ட்டாக நடித்துள்ளார் ரஜிஷா விஜயன். ஏற்கனவே கோகோ வீராங்கனையாக ரஜிஷா நடித்த கோக்கோ என்கிற படத்தை இயக்கிய ராகுல் ரிஜி நாயர் என்பவர் தான் இந்த படத்தையும் இயக்கியுள்ளார்.
வழக்கமாக பொதுமக்கள் பலருக்கும் நேர்கின்ற, அதேசமயம் அவர்கள் அதிகம் கண்டுகொள்ளாத ஒரு விஷயத்தில் நிகழும் சைபர் குற்றங்கள் பற்றிய பின்னணியில் இந்த படம் உருவாகி உள்ளது. இவற்றை ரஜிஷா விஜயன் தனது திறமையை பயன்படுத்தி எப்படி கையாளுகிறார் என்பதுதான் படத்தின் கதையாம். இந்த படத்தின் படப்பிடிப்பு முடிவடைந்து தற்போது போஸ்ட் புரொடக்ஷன் பணிகள் நடைபெற்று வருகின்றன.