தமிழக அரசு ஊழியர்களுக்கு அகவிலைப்படி உயர்வு – விரைவில் அறிவிப்பு?

தமிழக கூட்டுறவுச் சங்க ஊழியர்களுக்கு அகவிலைப்படி உயர்வு வழங்க வலியுறுத்தி, முதலமைச்சர், கூட்டுறவுத் துறை அமைச்சர் ஆகியோருக்கு மனு அனுப்பப்பட்டு உள்ளது.

தமிழ்நாடு அரசுப் பணியாளர்கள், ஆசிரியர்கள், அகவிலைப்படி பெற தகுதி உள்ள ஏனைய பணியாளர்களுக்கு, அகவிலைப்படியை உயர்த்தி வழங்க முதலமைச்சர் மு.க.ஸ்டாலின் உத்தரவிட்டார். இந்த அகவிலைப்படி உயர்வு, நடப்பு ஆண்டு ஜனவரி மாதம் 1 ஆம் தேதி முதல் 17 சதவீதத்தில் இருந்து 31 சதவீதமாக உயர்த்தி வழங்க ஆணையிடப்பட்டது.

இதைத் தொடர்ந்து கூட்டுறவுச் சங்க ஊழியர்களுக்கு அகவிலைப்படி உயர்வு அறிவிப்பு வெளியாகும் என ஊழியர்கள் எதிர்பார்த்தனர். ஆனால் கூட்டுறவுச் சங்க ஊழியர்களுக்கு அகவிலைப்படி உயர்வு நிறுத்தி வைக்கப்பட்டு உள்ளதாக அண்மையில் அறிவிப்பு வெளியானது. அதிமுக ஒருங்கிணைப்பாளர் ஓ.பன்னீர்செல்வம் உள்ளிட்டோர், கூட்டுறவுச் சங்க ஊழியர்களுக்கு அகவிலைப்படி உயர்வு அளிக்க வேண்டும் என, தமிழக அரசுக்கு வலியுறுத்தி இருந்தார்.

முதல்வர் மு.க.ஸ்டாலின் வீட்டிற்கு வெடி குண்டு மிரட்டல்!

இந்நிலையில், நியாய விலை கடைகள் சார்பில், அனைத்து தொழிற்சங்கத்தின் நிர்வாகிகள், தமிழக முதலமைச்சர் மு.க.ஸ்டாலின், கூட்டுறவுத் துறை அமைச்சர் ஐ.பெரியசாமி ஆகியோருக்கு, கோரிக்கை மனு ஒன்றை அனுப்பப்பட்டு உள்ளது. அதில், கடந்த 2021 ஆம் ஆண்டு, அதிமுக அரசு மூலம் புதிய ஊதிய உயர்வு ஆணை வெளியிட்ட போது, 114 சதவீதம் அகவிலைப்படியை 100 சதவீதம் அடிப்படை ஊதியத்தில் இணைத்து விட்டு, மீதம் 14 சதவீதம் அகவிலைப்படியை வழங்கலாம் என குறிப்பிடப்பட்டது.

அதனை தொடர்ந்து அரசு ஊழியர்களுக்கு அகவிலைப்படி உயர்வு பெறும் போது கூட்டுறவு ஊழியர்களுக்கு வழங்கலாம் என்பது குறிப்பிடப்படவில்லை. இந்த வகையில் அதிமுக அரசு செய்த குழப்பத்தினை சுட்டிக்காட்டி கூட்டுறவு ரேஷன் கடை பணியாளர்களுக்கு இதுவரை அகவிலைப்படிக்கான அறிவிப்பு வழங்கப்படவில்லை. மேலும் அகவிலைப்படி உயர்வினை நிலுவைத் தொகையுடன் விரைந்து வழங்க வேண்டும் என்று குறிப்பிடப்பட்டு உள்ளது.

Leave a Comment

This site uses Akismet to reduce spam. Learn how your comment data is processed.