நகர்ப்புற உள்ளாட்சி தேர்தல்: கவுன்சிலர் பதவிக்கு மல்லுகட்டும் கோடீஸ்வரர்கள்!

சென்னை மாநகராட்சியில் உள்ள 200 வார்டுகளில் காலியாக கவுன்சிலர் பதவிகளுக்கு வரும் 19-ம் தேதி தேர்தல் நடக்கிறது. இதில், 165 வார்டுகளில் அதிமுக – திமுக நேரடியாக போட்டியிடுகிறது. மீதமுள்ள 35 வார்டுகளில் அதிமுக கூட்டணி கட்சி வேட்பாளர்கள் அதிமுகவின் இரட்டை இலை சின்னத்திலும், திமுக கூட்டணி கட்சிகளும் களம் காண்கின்றன.

இந்நிலையில், சென்னை மாநகராட்சி கவுன்சிலர் பதவிக்கு போட்டியிடும் பலருக்கு 20 கோடிக்கும் அதிகமாக சொத்துக்கள் உள்ளது, அவர்களது வேட்புமனு பிரமாண பத்திரங்கள் மூலம் தெரியவந்துள்ளது.

7-வது வார்டு:
அ.தி.மு.க. வேட்பாளர் கார்திக் தனக்கு ரூ.8 கோடி சொத்துகள் உள்ளதாக பிரமாண பத்திரம் தாக்கல் செய்துள்ளார்.

திமுகவிற்கு மக்களிடம் அமோக ஆதரவு உள்ளது – அமைச்சர் மா சுப்ரமணியன்

89-வது வார்டு:
அ.தி.மு.க. வேட்பாளரான முன்னாள் எம்.எல்.ஏ. அலெக்சாண்டருக்கு ரூ. 2.31 கோடிக்கு சொத்துக்கள் உள்ளன.

182-வது வார்டு:
அ.தி.மு.க சார்பில் போட்டியிடும் வேட்பாளர் கே.பி.கே.சத்தீஸ்குமாருக்கு ரூ.6.10 கோடியும் மனைவி பெயரில் ரூ.2.29 கோடியும் இருப்பதாக தெரிவித்துள்ளார்.

184-வது வார்டு:
தி.மு.க. வேட்பாளர் எஸ்.வி.ரவிச்சந்திரன் அவரது பெயரில் ரூ.18.45 கோடி, மனைவி பெயரில் ரூ.2.16 கோடிக்கு சொத்துக்கள் இருப்பதாக தெரிவித்துள்ளார். அவரை எதிர்த்து போட்டியிடும் அ.தி.மு.க. வேட்பாளர் ஜி.எம்.ஜானகிராமன் தனக்கு ரூ.6.4 கோடி சொத்துக்கள் இருப்பதாக தெரிவித்துள்ளார்.

முதல்வரை சந்தித்த ஆந்திர எம்எல்ஏ நடிகை ரோஜா… பின்னணி இதுதான்!

189-வது வார்டு:
தி.மு.க. வேட்பாளர் பள்ளிக்கரணை பாபுவுக்கு ரூ.5.5 கோடி சொத்தும், 110-வது வார்டில் போட்டியிடும் அ.தி.மு.க. வேட்பாளர் அபிஷேக் ரங்கசாமிக்கு ரூ.5.3 கோடி ரூபாய் சொத்துக்கள் உள்ளன. அதேபோல் நாம் தமிழர், மக்கள் நீதி மய்யம் மற்றும் சுயேச்சை வேட்பாளர்கள் பலரும் தங்களுக்கு பல ரூபாயில் சொத்துக்கள் இருப்பதாக பிரமாண பத்திரம் தாக்கல் செய்துள்ளனர்.

Leave a Comment

This site uses Akismet to reduce spam. Learn how your comment data is processed.