பள்ளி தேர்வா, நீட் தேர்வா? -ஆளுநருக்கு முதல்வர் கேள்வி!

நீட் தேர்வு விலக்கு சட்ட மசோதாவை மீண்டும் நிறைவேற்ற, சட்டமன்ற சிறப்பு கூட்டம் இன்று நடைபெற்றது இதில் முதல்வர் ஸ்டாலின் பேசியது:

ஜனநாயகம் காக்க, கூட்டாச்சியை காக்க, கல்வி உரிமையை நிலைநாட்ட இங்கு கூடி உள்ளோம். தமது பொதுவாழ்வில் மறக்க முடியாத நாளாக இன்று. 100 ஆண்டுகளுக்கு முன்பே சமூக நீதியை நிலைநாட்டியது இந்த சட்டமன்றம். அரசுப் பள்ளி மாணவர்களுக்கு 7.5 விழுக்காடு இட ஒதுக்கீட்டை உறுதி செய்ததும் இந்த சட்டமன்றம். 69 விழுக்காடு இட ஒதுக்கீட்டை நாட்டிலே முதல் முறையில் செயல்படுத்திய மாநிலமும் தமிழ்நாடு தான்.

மாணவர்களின் மருத்துவ கனவை நிலைநாட்டிட , அரசியல் சட்டம் வழங்கி உள்ள சட்டம் இயற்றும் அதிகாரத்தை பாதுக்க நாம் இங்கு கூடியுள்ளோம்.இந்திய மருத்துவ கவுன்சில் வழங்கிய தேர்வு தான் நீட் தேர்வு. இந்த தேர்வு தனியார் பயிற்சி நிறுவனங்களுக்கு சாதகமானது.

12 ஆம் வகுப்பு மதிப்பெண் அடிப்படையில் பொறியியல் மருத்துவ படிப்புகளுக்கு மாணவர் சேர்க்கைகளை நடத்திக்கொண்டிருந்தோம். இன்று நீட் எனும் சமூக அநீதியை அகற்ற இந்த சட்டமன்றத்தால் முடியும் என்கிற தன்னநம்பிக்கையோடு பேசிக்கொண்டிருக்கிறேன்.

மீண்டும் நீட் விலக்கு மசோதா: கவர்னருக்கு செக் வைத்த முதல்வர்!

நீட் தேர்வில் ஆள்மாறாட்டம் செய்வது, வினாத்தாள் திருடுவது உள்ளிட்ட பல்வேறு முறைகேடு நடைபெற்று வருகின்றன. ஏழை எளிய மாணவர்களின் மருத்துவ கனவில் நீட் தடுப்பு சுவரை எழுப்புகிறது. நீட் தேர்வு ஒன்றும் வானத்தில் இருந்து குதித்தது அல்ல; ஏழை, எளிய மாணவர்களை ஓரங்கட்ட கூடியது; இதுவொரு பலிபீடம்.

நீட் மசோதாவை ஆளுநர் குடியரசு தலைவருக்கு அனுப்பி வைத்திருக்க வேண்டும். மசோதாவை நிராகரிக்க ஆளுநர் சொன்ன காரணங்கள் ஏற்றுக்கொள்ள கூடியதல்ல. சட்ட மசோதாவை ஆளுநர் திருப்பி அனுப்பியதன் மூலம் கூட்டாட்சி தத்துவம் தலை கவிழ்ந்து நிற்கிறது..

ஏழை, எளிய மாணவர்களுக்கு நீட் தேர்வு எதிரானது என்பதை இவ்வளவு நேரம் வாதிட வேண்டி இருக்கிறது என்பதே வேதனையாக இருக்கிறது. இந்த தேர்வுக்கு முன்பு 90 விழுக்காடு, மாநில பாடத்திட்டத்தில் பயின்ற மாணவர்களே மருத்துவ படிப்புக்கு தேர்வாகினர். ஆளுநர் இந்த உண்மை நிலையை புரிந்து கொள்ள மறுக்கிறார். வெற்றி பெறும் வரை இந்த போராட்டத்தை நிறுத்தமாட்டோம் இந்த தீர்மானத்தின் மூலம் இந்தியாவிற்கே ஒளி விளக்கை ஏற்றி வைக்கிறோம்.

ஓபிஎஸ், இபிஎஸ் கட்சிப் பதவிக்கு ஆபத்து? – அதிமுக முன்னாள் எம்பி வழக்கு!

சுமார் ஒரு லட்சம் பேரிடமிருந்து பெறப்பட்ட கருத்துக்களின் அடிப்படையில்தான் ஏ. கே.ராஜன் குழு அறிக்கையை தயாரித்து அரசு தாக்கல் செய்தது. இதற்கான புள்ளி விவரங்கள் குழுவின் அறிக்கையில் உள்ளது. அது ஒன்றும் யூகம் அல்ல. பிற்படுத்தப்பட்ட, பழங்குடியின, பட்டியலினத்தோர் இந்த தேர்வால் பாதிக்கப்பட்டுள்ளனர் என்பதையும் இந்த அறிக்கை குறிப்பிடுகிறது.

எந்த தேர்வு சரியான தீர்வு என்பதை ஆளுநர் தெரிந்து கொள்ள வேண்டும். பள்ளி தேர்வா அல்லது நீட் தேர்வா என்பதை அவர் தெரிந்து கொள்ள வேண்டும் என்று முதல்வர்
மு.க.ஸ்டாலின்
பேசினார்.

Leave a Comment

This site uses Akismet to reduce spam. Learn how your comment data is processed.